በሃር ኤርትራዊ ተቐዳዳማይ ዘርእሰናይ ታደሰ ኣብ ኢድንብራ (ዓዲ እንግሊዝ) ሎሚ ኣብ ዝተኻየደ ናይ 9.3 ኪ.ሜ ሃገር ኣቋራጭ ውድድር ጉያ (Bupa) (cross-country championship ) ዝነኣድ ቅድድም ብምክያድ ካልኣይ ደረጃ ወጺኡ።

ንዘርእሰናይ ንምድጋፍን ሞራል ንምህዝብን ካብ ዝተፈላለየ ኩርናዓት ዓዲ እንግሊዝ ኣብቲ ቦታ ዝተረኽቡ ብዙሓት ኤርትራውያን ባንዴራ ኤርትራ እንዳኣውለብለቡ እቲ ዙርያ ቅድድም ክሳብ ዝውዳእ ኣተባቢዖሞ።

ከነኒሳ በቀለ ናይ ኢትዮጵያ ኣብቲ ቅድድም ቀዳማይ ኮይኑ ተዓዊቱ።

ኣብቲ ውድድር ኣብ ኣለዉ ዝብሃሉ ብሉጻት ተቐዳደምቲ ተሳቲፎም።

ዓሚ ኣብ ዓዲ እንግሊዝ ኣብ ዝተኻየደ ተመሳሳሊ ቅድድም ጉያ ዘርእሰናይ ሻምፕዮን ኮይኑ እዩ።

 Asena