Visit the new AsenaTv Website

https://asenatv.com

ናብ ዝኸበርካ ወደይ ሳላሕዲን

ንኹሉ ህዝቢ ኤርትራ ዝበጽሓቶ ቅልዕቲ ደብዳበኻ ካብ ዝቕበላ እንሆ ሰለስተ ወርሕን ፈረቓን ኮይኑኒ።ካብ ዝኸፍታ ጀሚረ ደጋጊመ እየ ዘንብባ፣ ሓይሊን ህይወትን ትህበኒ፣ ተታባብዓኒ፣ ናብ ልበይ ትመልሰኒ።ትማሊ ሃይለ ወልደትሳኤ ናብ ደምበ ስዉኣት ከይዱ ከም ዝተጸምበረኩም ምስ ሰማዕኩ፡ ዝተሰማዓኒስንባደ እዚ ክብሎ ዘይክእል እዩ ነይሩ። ኣቦ ትስምብድ ዲኻ፣ ኣይተበለኒ፣ ቀጺልካ ብዘንበብካ ክርድኣካእዩ። ምስ ብጾትካ ኰንኩም ብሓጎስ ከምዝተቐበልኩሞ ሰሚዔ። ምስቲ ንሱ ካብ 2001 ጀሚሩ ዘሕለፎዳርጋ ገሃነም እሳት ዒራዒሮ ክዋዳደር ከሎ፣ ኣነ ዘለኽዎ እግሪ-ኣባ-ሻውል ድኣ ኮይኑ እምበር፣ በዓል 4 ኮኸብ ኣልበርጎ ክበሃል ይከኣል። ንድሕሪት ተመሉሰ ክሓስቦ ከለኹ፡ ቃልሲ ንኤርትራ ብጊዜና ብ 1950 ኢና ጀሚርናዮ። ድሓር ደቅናዝኾኑ በዓል ሃይለ ብሱሳታት ተሰሊፎም። ሳላሕዲን ወደይ ምስ መዘናታትካ ከኣ ብሰባዓታትኣራቢሕኩሞ። ካባኹም ቀጺሎም ከኣ ናእሽቱ ብሰማንያታት ተሓዊሶሞ። ኣብዛ ናተይ ህይወት፣ እንሆ ብኣርብዓ ዓመት ህዝቢ ኤርትራ ብጅግንነት ተቓሊሱ ብ1991 ኤርትራ ሓራኣውጺኡዋ። ኮይኑ ግን ተስፋናን ትምኒትናን ነዊሕ ኣይሰጎመን። ናይ ሃገር ሓራ ምውጻእ ብናይ ዜጋነጻነት፣ ብናይ ሕጊ ልዑላዊነት እንተ ዘይተሰንዩ ሓርነት ሙሉእ ብሙሉእ ክኸውን ኣይክእልን’ዩ። ህዝቢኤርትራ ድሕሪ ነጻነት፡ ኣብ ዝሓለፉ 26 ዓመታት ዝወረዶ እዚ ዘይብሃል ግፍዒ ኣብ ውሽጢ ዳርጋ ሓደዘመን ህይወተይ ክወርድ ርእየዮ ኣይፈልጥን። ሰብ ተገፊዑ፡ ህዝቢ ጠፊኡ፡ ቅልውላው በዚሑ። ብዙሕስቓይ ርእየ፣ ግን ከም ዕረፍቲ ሃይለ-ድሩዕ ጌሩ ዘሰንበደኒ የለን። ትፈልጥ ትኸውን፣ ሃይለ ብ 1964 ትምህርቲ ዩኒቨርሲቲ ሓዲሽ ኣበባ ኣቛሪጹ ምስ ሓደ ብጻዩ ኮይኖም ንክቃለሱ ተሰሊፎም። እቲ ብጻዩ ኸመን ከምዝነበረ ክነግረካ ኮፍ በል፣ ብስንባደ ከይትወድቕ። እምበርኣርከስ እቲ ናይ ሽዑ ብጻዩ፡ እዚ ሕጂብቐንዱ ሃገርና ዓትዒቱ ሂዝዋ ዘሎ፡ ንሃይለን ን 32 ብጾቱን ኣብ ቤት ማእሰርቲ ዳጒንዎም ዘሎ እዩ።ሓደ ሰብ እንታይ ዓይነት ጭካነ ልቢ ምስ ዝሓድሮ እዩ ንቐንዲ ዓርኩ፡ ን27 ዓመት ምስኡ ንዝተቓለሰብጻዩ 17 ዓመታት ኣብ መዓሙቕ ማእሰርቲ ዝዳጉን? እዚ ጨካን ገዛኢ'ዚ፡ ብስጋ እንተተፈለናዮ፡ መንፈስና ዝርሓቐን መስጣና ዘይወርዶ ጌሩ ወሲድዎ። ዋላእኳ ብዓይነይ ንኽርእዮ ዘለኒ ዕድል ባዶ እንተኾነ፡ ኣይበለን’ዶ እዚ ኣቦይ ክትብል ኢኻ ሳላሕዲን ወደይ፣እቲ ዘይድሃል፡ ዘይጃጁ መንፈስ ኤርትራዊ ነዚ ስርዓት እዚ ከምዝብንቁሮ ኣይጠራጠርን እየ። ውዒሉሓዲሩ ኤርትራውያን ትንፋሶም ክመልሱ፡ ቃሎም ከውጽኡ፡ እምቢ ክብሉ እዮም። ሃገሮም ክመልሱእዮም። ብሓባር ዝነብሩላ ገነት ክሃንጹ እዮም። እንታይ ርእዩ እዩ እዚ ኣቦይ ከምዚ ዝበለ እምነትዝሓደሮ ትብል ትኸው። ምኽንያተይ እንሃሎ። “ነዛ ቤት ትምህርትና መንግስቲ ክወርሳ እንተዳኣ ኾይኑኣነ ብሂወተይ እንከለኹ ከምዘይክእልን ሂወተይ ክኸፍለላ ድልዉ” ምዃነይ ቃል ኣትየ። ከምኣ ምስ በልኩከምዝእሰር ፈሊጠ ነይረ። ኮይኑ ግን ናተይ ምእሳር ኤርትራውያን ውሒጦሞ ከምዘይሓልፉ ፈሊጠዮነይረ። ኣዴታት፡ ተመሃሮ ኣል-ዲያዕ ኮነ ርሑቕ ዝቕመጡ ዝተሰደዱ ኤርትራውያን ከምዝለዕዓሉኣይተጠራጠርኩን። ከምታ ዝበልኩዋ ጌረ፡ ከምታ ዝሓሰብኩዋ እውን ኩይኑ። ህዝቢ ተዛሪቡ፡ ኣስላማዩክርስትያኑ፡ ተላዒሉ ብሓባር ኮይኑ፡ሒዙ ስእለይን ስእሊ ኣቡነ ኣንጦንዮስ ዝተደጎኑ። ሽዑ ዝሰማዕኩዎልቢ ዝመልስ ዘረባ፡ ኩሉ ጊዜ ኣብእዝነይ ይሰራሰር፡ ብኤርትራውነተይ የኹርዓኒ። እዚ ምልዕዓል እዚ ነዚብዛዕብኡ እንተዘይኮይኑ፡ ብዛዕባ ካልእ ዜጋ ክዝረብ ክስማዕ ስለዘየኽእሎ ሃገርና ሰሪሩዋ ዘሎ መላኺ፡ልክዕ ኲናት ኣብ ልቡ ዝወግኦ ኮይኑ ከም ዝስምዖ ኣይጠራጠርን እየ። ካብቲ ኣዝዩ ዘኹርዓኒ ከኣ ህዝቢኣኽርያ እዩ። መላኺ ከይፈርሀ ተላዒሉ። መላኺ ብወረ ከምዝሰማዕካዮ ካብ 360 ዝበዝሕ ቤት ማእሰርቲክሰርሕ ዘይሓፈረ፡ እንሆ ጽዒርና ደው ዘበልናዮ ቤት ትምህርቲ፡ ሃጊሩ ማእሰርቲ ኣረኣእያኡንኣመሃርራኡን ክገብሮ ወሲኑ። ህዝበይ ስቕ ኢሉ ኣይሃበን፡ ስርዓት እምቢ ዝብል ድምጺ ናይ ዜጋታትሰሚዐ ተሓጒሰ። ሕጂ ኸኣ ኣብ ቀተባ ጊዜ ዳግመ-ልደት ሃገር (ዳግመ-ልደት ኤርትራ) ዝብል ጽሑፍበጺሑኒ፡ ኣንቢበ። ኤርትራውያን ኩነታት ሃገር ከመይ ከም ዘስቆርቆሮም ተገንዚበ፡ ደስ ኢሉኒ። ሓደሓደ ነጥብታት ብግጥሚ ዝተሰዀዐ ካብ ዘንበብክዎ ክጠቕሰልካ፥ ክንስጉም ኣበራታቲዕካ መንገዲ ኣሪኢኻ ሓቢርካ ደጊም ምርባሽ የለ ኣብ ደቕኻ ኣብ ኣሕዋትካ ከተግብርዎ እዮም ባዕልኻ ዝወጠንካ ሽቶኦም ክወቕዑ እዮም ምስጋና ይብጻሕካ መገድና ጸሪግካ ሽፋን ዓይንና ስለ ዘብራህካ ዳግመ-ቃልሲ ጠጠው ዘብሎ የለን ተዓዊትካ ዝዘራእካዮ ኣብ ሓጺር ጊዜ ክዕንብብ ደስ ይበልካ ዘበራበርካዮ መንፈስ ክድቅስ? ኣይፋል! እነሆልካ ዝሓለፈ ሕዳር ኣብ ዝጸሓፍካለይ ቅልዕቲ ደድዳበ፡ ዝተረፈ ጉዳይ ከማልእ፡ ኣብ ዘለኽዎ ቁሩብ ክጸንሕተማሕጺንካኒ ኔርካ። እዛ ኣብ ላዕሊ ዘላ ግጥሚ ኣስተውዒልካ ኣንብባ እሞ፡ ኣብ ዓለም ጸኒሔ ብዙሕዝውስኾ ነገር ዘለኒ ኣይመስለንን።  ክፍጽሞ ዝነበሪኒ ኩሉ ፈጺመ እይ።  ሕጂ ሃይለ ድሩዕ ካብኣርከበኩም'ሲ ንዓይ'ውን ምሳኻትኩም ኮፍ ዝብለላ ቦታ ኣዳልወለይ ድኣ ዝወደይ። መጻኹ ናብዛ ሰላምንቅሳነትን ዘይውድኣ ቦታ። ናተይ ምኻድ፡ ነዚ ኣጉል ስርዓት ዝድርዖ ስለዘስእኖ፡ ዓንጾዓንጾ ሕርቕርቖቱኣብ ካልኦት ከምዘፋኩሶ ይርድኣኒ እዩ። ኮይኑ ግን ሎሚ ዝጀመረ ባርዕ ለውጢ ደው ከብሎ ስለዘይክእል፡ ሓደ ዓመት እኳ ብህይወቱ ዝጸንሕ ኣይመስለንን። ኣብዚ ነዊሕ ህይወተይ ብዙሕ ርእየ።ገዛእቲ ኮኑ ነጋውስ መጺኦም ከይዶም ከምኡ'ውን ንሕብረተሰብ ደው ኢልና በሃልቲ ኣይጸንሑን። ሕጂኸ'ኣ ከምቶም ዝኸዱ፡ ክኸዱ እዮም ሳክትስቲ፡ ብሳክት መራሕቲ። ኰይኑ ኽኣ ኩሉ ኤርትራዊ ተመስገንክብል ኣዩ።  ሽዑ ጠሃ ሓወይን ከምኡ ዝኣመሰሉን ህይወቶም ንነጻነት ሃገሮም ህይወትኩም ዘወፈኹምኩኡኹም ኣብዘለኹሞ ኮንኩም፡ እንቛዕ ሓጎሰና እናበኩም ነቶም ኣብ ምድሪ ዝተረፉ፡ ኪዱ ሰጉሙ፡ዓለምኩም ኣርክቡ ስዓሙ፡ ንምዕባለ ድኸሙ ኢልኩምም ከተባብዕዎም ኢኹም፡ መንፈስ ኤርትራውያንቆሲሉ እምበር፡ ኣይመተን። ንዘለዓለም ከብርህ እዩ። ኢንሻላህ ኣቦኻ ሙሳ References: http://awate.com/dear-son-selaheddin/ https://www.youtube.com/watch?v=IEy5BUXLY3U https://www.youtube.com/watch?v=sCdqf-mJSZM Subscribe ASSENNA YouTube to get Radio Assenna shows on time:

ንኹሉ ህዝቢ ኤርትራ ዝበጽሓቶ ቅልዕቲ ደብዳበኻ ካብ ዝቕበላ እንሆ ሰለስተ ወርሕን ፈረቓን ኮይኑኒ።ካብ ዝኸፍታ ጀሚረ ደጋጊመ እየ ዘንብባ፣ ሓይሊን ህይወትን ትህበኒ፣ ተታባብዓኒ፣ ናብ ልበይ ትመልሰኒ።ትማሊ ሃይለ ወልደትሳኤ ናብ ደምበ ስዉኣት ከይዱ ከም ዝተጸምበረኩም ምስ ሰማዕኩ፡ ዝተሰማዓኒስንባደ እዚ ክብሎ ዘይክእል እዩ ነይሩ። ኣቦ ትስምብድ ዲኻ፣ ኣይተበለኒ፣ ቀጺልካ ብዘንበብካ ክርድኣካእዩ። ምስ ብጾትካ ኰንኩም ብሓጎስ ከምዝተቐበልኩሞ ሰሚዔ። ምስቲ ንሱ ካብ 2001 ጀሚሩ ዘሕለፎዳርጋ ገሃነም እሳት ዒራዒሮ ክዋዳደር ከሎ፣ ኣነ ዘለኽዎ እግሪ-ኣባ-ሻውል ድኣ ኮይኑ እምበር፣ በዓል 4 ኮኸብ ኣልበርጎ ክበሃል ይከኣል።

ንድሕሪት ተመሉሰ ክሓስቦ ከለኹ፡ ቃልሲ ንኤርትራ ብጊዜና ብ 1950 ኢና ጀሚርናዮ። ድሓር ደቅናዝኾኑ በዓል ሃይለ ብሱሳታት ተሰሊፎም። ሳላሕዲን ወደይ ምስ መዘናታትካ ከኣ ብሰባዓታትኣራቢሕኩሞ። ካባኹም ቀጺሎም ከኣ ናእሽቱ ብሰማንያታት ተሓዊሶሞ።

ኣብዛ ናተይ ህይወት፣ እንሆ ብኣርብዓ ዓመት ህዝቢ ኤርትራ ብጅግንነት ተቓሊሱ ብ1991 ኤርትራ ሓራኣውጺኡዋ። ኮይኑ ግን ተስፋናን ትምኒትናን ነዊሕ ኣይሰጎመን። ናይ ሃገር ሓራ ምውጻእ ብናይ ዜጋነጻነት፣ ብናይ ሕጊ ልዑላዊነት እንተ ዘይተሰንዩ ሓርነት ሙሉእ ብሙሉእ ክኸውን ኣይክእልን’ዩ። ህዝቢኤርትራ ድሕሪ ነጻነት፡ ኣብ ዝሓለፉ 26 ዓመታት ዝወረዶ እዚ ዘይብሃል ግፍዒ ኣብ ውሽጢ ዳርጋ ሓደዘመን ህይወተይ ክወርድ ርእየዮ ኣይፈልጥን። ሰብ ተገፊዑ፡ ህዝቢ ጠፊኡ፡ ቅልውላው በዚሑ። ብዙሕስቓይ ርእየ፣ ግን ከም ዕረፍቲ ሃይለ-ድሩዕ ጌሩ ዘሰንበደኒ የለን። ትፈልጥ ትኸውን፣ ሃይለ ብ 1964 ትምህርቲ ዩኒቨርሲቲ ሓዲሽ ኣበባ ኣቛሪጹ ምስ ሓደ ብጻዩ ኮይኖም ንክቃለሱ ተሰሊፎም። እቲ ብጻዩ ኸመን ከምዝነበረ ክነግረካ ኮፍ በል፣ ብስንባደ ከይትወድቕ። እምበርኣርከስ እቲ ናይ ሽዑ ብጻዩ፡ እዚ ሕጂብቐንዱ ሃገርና ዓትዒቱ ሂዝዋ ዘሎ፡ ንሃይለን ን 32 ብጾቱን ኣብ ቤት ማእሰርቲ ዳጒንዎም ዘሎ እዩ።ሓደ ሰብ እንታይ ዓይነት ጭካነ ልቢ ምስ ዝሓድሮ እዩ ንቐንዲ ዓርኩ፡ ን27 ዓመት ምስኡ ንዝተቓለሰብጻዩ 17 ዓመታት ኣብ መዓሙቕ ማእሰርቲ ዝዳጉን?

እዚ ጨካን ገዛኢ’ዚ፡ ብስጋ እንተተፈለናዮ፡ መንፈስና ዝርሓቐን መስጣና ዘይወርዶ ጌሩ ወሲድዎ። ዋላእኳ ብዓይነይ ንኽርእዮ ዘለኒ ዕድል ባዶ እንተኾነ፡ ኣይበለን’ዶ እዚ ኣቦይ ክትብል ኢኻ ሳላሕዲን ወደይ፣እቲ ዘይድሃል፡ ዘይጃጁ መንፈስ ኤርትራዊ ነዚ ስርዓት እዚ ከምዝብንቁሮ ኣይጠራጠርን እየ። ውዒሉሓዲሩ ኤርትራውያን ትንፋሶም ክመልሱ፡ ቃሎም ከውጽኡ፡ እምቢ ክብሉ እዮም። ሃገሮም ክመልሱእዮም። ብሓባር ዝነብሩላ ገነት ክሃንጹ እዮም። እንታይ ርእዩ እዩ እዚ ኣቦይ ከምዚ ዝበለ እምነትዝሓደሮ ትብል ትኸው። ምኽንያተይ እንሃሎ። “ነዛ ቤት ትምህርትና መንግስቲ ክወርሳ እንተዳኣ ኾይኑኣነ ብሂወተይ እንከለኹ ከምዘይክእልን ሂወተይ ክኸፍለላ ድልዉ” ምዃነይ ቃል ኣትየ። ከምኣ ምስ በልኩከምዝእሰር ፈሊጠ ነይረ። ኮይኑ ግን ናተይ ምእሳር ኤርትራውያን ውሒጦሞ ከምዘይሓልፉ ፈሊጠዮነይረ። ኣዴታት፡ ተመሃሮ ኣል-ዲያዕ ኮነ ርሑቕ ዝቕመጡ ዝተሰደዱ ኤርትራውያን ከምዝለዕዓሉኣይተጠራጠርኩን። ከምታ ዝበልኩዋ ጌረ፡ ከምታ ዝሓሰብኩዋ እውን ኩይኑ። ህዝቢ ተዛሪቡ፡ ኣስላማዩክርስትያኑ፡ ተላዒሉ ብሓባር ኮይኑ፡ሒዙ ስእለይን ስእሊ ኣቡነ ኣንጦንዮስ ዝተደጎኑ። ሽዑ ዝሰማዕኩዎልቢ ዝመልስ ዘረባ፡ ኩሉ ጊዜ ኣብእዝነይ ይሰራሰር፡ ብኤርትራውነተይ የኹርዓኒ። እዚ ምልዕዓል እዚ ነዚብዛዕብኡ እንተዘይኮይኑ፡ ብዛዕባ ካልእ ዜጋ ክዝረብ ክስማዕ ስለዘየኽእሎ ሃገርና ሰሪሩዋ ዘሎ መላኺ፡ልክዕ ኲናት ኣብ ልቡ ዝወግኦ ኮይኑ ከም ዝስምዖ ኣይጠራጠርን እየ። ካብቲ ኣዝዩ ዘኹርዓኒ ከኣ ህዝቢኣኽርያ እዩ። መላኺ ከይፈርሀ ተላዒሉ። መላኺ ብወረ ከምዝሰማዕካዮ ካብ 360 ዝበዝሕ ቤት ማእሰርቲክሰርሕ ዘይሓፈረ፡ እንሆ ጽዒርና ደው ዘበልናዮ ቤት ትምህርቲ፡ ሃጊሩ ማእሰርቲ ኣረኣእያኡንኣመሃርራኡን ክገብሮ ወሲኑ። ህዝበይ ስቕ ኢሉ ኣይሃበን፡ ስርዓት እምቢ ዝብል ድምጺ ናይ ዜጋታትሰሚዐ ተሓጒሰ። ሕጂ ኸኣ ኣብ ቀተባ ጊዜ ዳግመ-ልደት ሃገር (ዳግመ-ልደት ኤርትራ) ዝብል ጽሑፍበጺሑኒ፡ ኣንቢበ። ኤርትራውያን ኩነታት ሃገር ከመይ ከም ዘስቆርቆሮም ተገንዚበ፡ ደስ ኢሉኒ። ሓደሓደ ነጥብታት ብግጥሚ ዝተሰዀዐ ካብ ዘንበብክዎ ክጠቕሰልካ፥

ክንስጉም ኣበራታቲዕካ

መንገዲ ኣሪኢኻ ሓቢርካ

ደጊም ምርባሽ የለ ኣብ ደቕኻ ኣብ ኣሕዋትካ

ከተግብርዎ እዮም ባዕልኻ ዝወጠንካ

ሽቶኦም ክወቕዑ እዮም ምስጋና ይብጻሕካ

መገድና ጸሪግካ ሽፋን ዓይንና ስለ ዘብራህካ

ዳግመ-ቃልሲ ጠጠው ዘብሎ የለን ተዓዊትካ

ዝዘራእካዮ ኣብ ሓጺር ጊዜ ክዕንብብ ደስ ይበልካ

ዘበራበርካዮ መንፈስ ክድቅስ? ኣይፋል! እነሆልካ

ዝሓለፈ ሕዳር ኣብ ዝጸሓፍካለይ ቅልዕቲ ደድዳበ፡ ዝተረፈ ጉዳይ ከማልእ፡ ኣብ ዘለኽዎ ቁሩብ ክጸንሕተማሕጺንካኒ ኔርካ። እዛ ኣብ ላዕሊ ዘላ ግጥሚ ኣስተውዒልካ ኣንብባ እሞ፡ ኣብ ዓለም ጸኒሔ ብዙሕዝውስኾ ነገር ዘለኒ ኣይመስለንን።  ክፍጽሞ ዝነበሪኒ ኩሉ ፈጺመ እይ።  ሕጂ ሃይለ ድሩዕ ካብኣርከበኩም’ሲ ንዓይ’ውን ምሳኻትኩም ኮፍ ዝብለላ ቦታ ኣዳልወለይ ድኣ ዝወደይ። መጻኹ ናብዛ ሰላምንቅሳነትን ዘይውድኣ ቦታ። ናተይ ምኻድ፡ ነዚ ኣጉል ስርዓት ዝድርዖ ስለዘስእኖ፡ ዓንጾዓንጾ ሕርቕርቖቱኣብ ካልኦት ከምዘፋኩሶ ይርድኣኒ እዩ። ኮይኑ ግን ሎሚ ዝጀመረ ባርዕ ለውጢ ደው ከብሎ ስለዘይክእል፡ ሓደ ዓመት እኳ ብህይወቱ ዝጸንሕ ኣይመስለንን። ኣብዚ ነዊሕ ህይወተይ ብዙሕ ርእየ።ገዛእቲ ኮኑ ነጋውስ መጺኦም ከይዶም ከምኡ’ውን ንሕብረተሰብ ደው ኢልና በሃልቲ ኣይጸንሑን። ሕጂኸ’ኣ ከምቶም ዝኸዱ፡ ክኸዱ እዮም ሳክትስቲ፡ ብሳክት መራሕቲ። ኰይኑ ኽኣ ኩሉ ኤርትራዊ ተመስገንክብል ኣዩ።  ሽዑ ጠሃ ሓወይን ከምኡ ዝኣመሰሉን ህይወቶም ንነጻነት ሃገሮም ህይወትኩም ዘወፈኹምኩኡኹም ኣብዘለኹሞ ኮንኩም፡ እንቛዕ ሓጎሰና እናበኩም ነቶም ኣብ ምድሪ ዝተረፉ፡ ኪዱ ሰጉሙ፡ዓለምኩም ኣርክቡ ስዓሙ፡ ንምዕባለ ድኸሙ ኢልኩምም ከተባብዕዎም ኢኹም፡ መንፈስ ኤርትራውያንቆሲሉ እምበር፡ ኣይመተን። ንዘለዓለም ከብርህ እዩ። ኢንሻላህ

ኣቦኻ

ሙሳ

References:

http://awate.com/dear-son-selaheddin/

https://www.youtube.com/watch?v=IEy5BUXLY3U

https://www.youtube.com/watch?v=sCdqf-mJSZM

Subscribe ASSENNA YouTube to get Radio Assenna shows on time:

aseye.asena@gmail.com

Review overview
1 COMMENT
  • k.tewolde March 7, 2018

    He came full circle.Once upon a time this patriotic man was in the same situation as an underdog against the mighty imperial aggressor,only this time old and feeble armed with a defiant vibrant soul went down fighting the domestic animals who can’t distinguish between a young and an old prey,it tastes the same in their palate.The nation is fast loosing the elements that make up its unique expression,Haj Mussa is one of them.

POST A COMMENT