“ኣንታ ሰብኣይ፡ ንዓ ‘ስከ ካብ’ዚ ጉድጓድ ኣውጽኣኒ”

ኣያ ኢሳይያስ፡ ሓደ እዋን ካብ ምሸት ክሳብ ወጋሕታ ካብ መጠን ንላዕሊ ሰትዩ ሰኸረ ‘ሞ ንሽቓቕ ክኸይድ ክብል መንገዱ ስሒቱ፡ ብ ‘ዋርሳይ-ይከኣሎ’ ንመሰረት ገዛ ተባሂሉ ኣብ ዝተዃዕተ ህጉም ኣተወ። ንሓደ ኣንጊሆም ንቤተክርስትያን ዝኸዱ ዝነበሩ ኣቦ ኸኣ “ኣንታ ሰብኣይ፡ ንዓ ‘ስከ ካብ’ዚ ጉድጓድ ኣውጽኣኒ” ኢሉ ሓገዝ ሓተቶም። ንሶም ኢዶም ወስ እናበሉ፡ “ ዋይ ኣንታ ኣሳይያስ ዲኻ ኸ?” ኢሎም ሰምበዱ። ኢሳይያስ ድማ፡  “ ኣንታ ኣነ ‘ወ፡ ግን ብጩቕ ኢልካ ንሰብ እንተነጊርካ ከጥፍኣካ እየ።” ይብሎም። ትቕብል ኣቢሎም እቶም ኣቦ፡ “ ኣይትዓሹ ባ፡ እንተነጊረ ደኣ ንስኻ መዓስ ኴንካ ተጥፍኣኒ፡ እቶም ‘ንኢሳይያስ ካብ ጉድጓድ ኣውጺአዮ’ ኢለ ዝነገርኩዎም ሰባት እንዳኣሎም ባዕሎም ዘጥፍኡኒ።” በሉዎ።

ምስጦፋ ካብ ቶሪኖ