ስኒት ማሕበር ኤርትራውያን ካናዳውያን ደቀንስትዮ ብ16ነሓሰ ኣብ ከተማ ቶሮንቶ ብወግዒ ምስ ህዝቢ ተፋልጣ። ኣብቲ ነታ ማሕበር ምስ ህዝቢ ናይ ምልላይ ስነስርዓት ካብ ሮቸስተር (ኒውዮርክ)፣ ዊኒፔግ፣ ኦታዋ፣ ኪችነርን ካልኦት ከተማታትን ንሰዓታት ተጓዒዞም ዝተረኽቡ ግዱሳት ዜጋታት ዝተሳተፉ ክኾኑ እንከለዉ፣ ጽሓፊት ናይታ ማሕበር ወ/ሮ ኣበባ ኣብርሃ መደረ ኣስሚዓ።

ኣቶ ገዛኢ ሓጎስ ነታ ኣብ ዊኒፔግ ዝመደበራ ጉጅለ ተጣበቕቲ ሰብኣዊ መሰላት ኤርትራውያን ካናዳውያን ወኪሉ፣ “ካብማሕበርስኒትእንታይንጽበ፣ኣሳልጦምእንቲክህልዎ ኣበየኖት ንጥፈታት ኣተኲራ እንተሰርሐት ይሓይሽ” ኣብ ትሕቲ ዝብል ኣርእስቲ ግዝያዊ ሓበሬታትን ኣድልዪ ሓሳባትን ኣቕሪቡ። ንሱ ንኣታዓራቒ ባህርያት ደቀንስትዮ ኣመልኪቱ፣ “ከምቲኣደታትኣስመራነተንኣርባዕተዝበኣሳዝነበራዓድታትዘተዓረቓስኒትድማንዓባይቶረንቶውድባትንማሕበራትንኣስሚራምስምሉእካናዳተስምርክትከውንብልቢይምነየላ” ኢሉ።

ኣብቲ መደብ ካብ ከተማ ኦታዋ ዝገሹ ሓርበኛ ተቓላሳይ ኣቦና መሓመድኑር ዲጎልን ካልኦት ግዱሳት ዜጋታትን ንሓድነት ዝምልከት ምኽርታት፣ ናይ ደገፍ መግለጺታትን ርእይቶታትን ኣስሚዖም። ብዘይካ’ዚ ንተራ ደቀንስትዮን ሓድነትን ዘንዘባርቑ ግጥምታትን ዋዛ ምስ ቁምነገርን ከምኡ’ውን ድምጻዊ ጂጂ ነቲ መደብ ኣማዕሪጎሞ ኣምስዮም።

ብሓፈሽኡ ኣብታ ምሸት ጎሊሑ ዝተራእየ ነገር እንተነይሩ ኤርትራውያን ንሓድነት ዘለዎም ክቱር ባህጊ፣ ኣብታ ማሕበር ዘለዎም ልዑል ትጽቢትን ሰናይ ትምኒትን ኢዩ።