Visit the new AsenaTv Website

https://asenatv.com

ንነብስኻ ኣድሒንካ፡ ኣይትጉዳእ ሓውኻ

ኣብ መንእሰያት ሃገርና ዝበጽሕ ዘሎ መከራን ሽግርን መቸም ንኹሉ ሰብ ብሩህ ስለ ዝኾነ ምትንታኑ፡ ንቐባራይ ምርዳእ እዩ ዝኸውን። ሳዕቤኑን ጠንቁን ግና ሕብሩ እንዳቐያየረን እንዳበኣሰን እዩ ዝመጽእ ዘሎ። እቲ ገባቲ ስርዓት ከም ነፋሒቶ ዝቀያየር ሜላታት እንዳተጠቀመ

ኣብ መንእሰያት ሃገርና ዝበጽሕ ዘሎ መከራን ሽግርን መቸም ንኹሉ ሰብ ብሩህ ስለ ዝኾነ ምትንታኑ፡ ንቐባራይ ምርዳእ እዩ ዝኸውን። ሳዕቤኑን ጠንቁን ግና ሕብሩ እንዳቐያየረን እንዳበኣሰን እዩ ዝመጽእ ዘሎ። እቲ ገባቲ ስርዓት ከም ነፋሒቶ ዝቀያየር ሜላታት እንዳተጠቀመ ህዝቢ ከገርህን ክጭፍልቕን ይፍትን ኣሎ። መንእሰያትና ኸኣ ናይዚ እከይ ተግባር ግዳያት ኮይኖም ይቕጽሉ ምህላዎም ንኹሉ ሕልና ዝውንን ሰብ ዝስቆሮ ሓቂ ኢዩ።

ታሪኽ ናይ ሓደ ሓደ መንእሰያት ክትሰምዕ እንከለኻ ብፍላይ፡ ምፍጣርካን ንምንታይ ነዚ ኣሰቃቒ ታሪኽ ክትሰምዕ ከም ዝተፈረደካን’ውን የተሓሳስበካ። ሕሰቡ እሞ! … መብዛሕትኡ ሰብ ንኽሰምዖ ዘስካሕክሖ ጉዳይ እንተ ኾይኑ፡ እቲ ቀንዲ ግዳይ ናይዚ ጭካነ ዝኾነ መንእሰይ ደኣ እንታይ ይስምዖ ይኸውን? እወ ንኽትግምቶ የጸግም።

እዞም በዚ ጉዳይ ሓሊፎም፡ ኣብ ዝተፈላለየ ሃገራት ዓለም ጸግዒ ረኺቦም ናብርኦም ክመርሑ ዝጀመሩ መንእሰያት፡ ዝሓለፍዎ መከራን ነቲ ናብኡ ንኽበጽሑ ዝደፋፍኦም ስርዓት ብኸመይ ክዝክርዎን ክብድህዎን ይግባእ ይመስለኩም᎒ ናይ መብዛሕትኡ ሰብ ግምት መቸም ካብቲ ናትና ግምት ይርሕቕ ይኸውን ኢልና ኣይንኣምንን። ከመይ’ሲ ካልኦት ኣሕዋቶምን ኣሓቶምን በቲ ንሶም ዝሓለፍዎ መከራን ሽግርን ከይሓልፉ ምእንቲ ነቲ ጠንቂ ሽግር ዝኾነ ዓማጺ ስርዓት ንምሕምሻሽንን ዓቕሙ ንምድኻምን እጃሞም ከበርክቱ ይግባእ። ልክዕ እዩ፡ መብዛሕትኦም መንእሰያት ነቲ ስርዓት ንምእላይን ንምድኻምን እጃሞም የበርክቱ ኣለዉ። ካብቲ ዝገርም ነገር ግና ውሑዳት መንእሰያት፡ ስግረ ዶብ ክሓልፉ ነቲ ቶኲሱ ዝሰሓቶም፡ ነቲ ብጻዮም ኣብ ቅድሚ ዓይኖም ናብ በደዊን ዝሸጠሎምን ዝቐተለሎምን ስርዓት ክድግፉን መሳርሒ ክኾኑን ክትርኢ እንከለኻ ካብ ምግራምን ቁጥዐን ሓሊፍካ ብጥዕንኦም ትጠራጠር።

ቀንዲ መበገሲ እዛ ጽሕፍቲ፡ ኣብ ከባቢ ዋሽንግተን ዲሲ ዘሎ ኩነታት ገለ መንእሰያት ንምድህሳስን ናይዚ ጠላም ስርዓት መሳርሒን መጋበርያን ምዃኖም ንምቅላዕን እዩ። ጻዕረኛ ሰብ ይፍቶ፡ ሰሪሑ ክሓልፈሉ ክትርኢ እንከለኻ፡ ብሕልፊ ወዲ ሃገርካ ክኸውን እንከሎ ዝፈጥረልካ ባህታ ፍሉጥ እዩ። ነቲ ብሓገዝ ህግደፍን መሰልቱን ብስዉር ተኣሊሙን ተመዊሉን ዝግበር ንግዲ ግና ካብ ምቅልዑ ዓዲ ኣይንውዕልን። ብንብዓትን ደምን መንእሰያት ዝጥረን ንመሳርሒ ዓማጺ ስርዓት ዝውዕል ዘበለ ንብረትን ኩሉ ሰብ ፈሊጡዎም፡ ነቶም ነዚ ተግባር ዝፍጽሙ መንእሰያት ከኣ ሰብ ኣለልዩ ክመኽሮምን ካብኡ ሓሊፉ ደው ከብሎምን ይግባእ።

እዞም ትማሊ በቲ ስርዓት ዝጭፍጨፉ ዝነበሩ: ብዝተፈላለየ መንገድታት ካብቲ ስርዓት ኣምሊጦም ኣብ ወጻኢ ሃገራት ኮይኖም ነቲ ኣረሜን ስርዓት ዘገልግሉ ዘለዉ ሰብ ትካል ይኹኑ ውልቀ ሰባት: ነቲ እከይ ተግባሮም ደው ንኸብሉ ንጽውዕ። ካብ ዓይኒ ህዝቢ ክሕባእ ዝኽእል ከቶ ስለ ዘየለ፡ ከም ኣብነት ንምጥቃስ እዞም ኣብዚ ሰዕሊ ትርይዎም ዘለኩም ወይጦታት ገለ ካብቶም ቀንዲ ኣገልገልቲ ህግደፍ ዝኾኑ’ሞ ኣብ ከባቢ ዋሺንግቶን ዲሲ ዝቕመጡ ሰባት እዮም። በዞም ኣለምቲ እከይ ህዝቢ ከይደናገር ድማ ነተሓሳስብ። እቲ ዝገርም ገሊኦም ትማሊ ካብ ኤርትራ ሃዲሞም ኣብ አሜሪካ ናይ ፖለቲካ ዑቕባ ብምሕታት : ማለት : ኣብ ኤርትራ ከምዝታኣስሩን  ከምዝተቀጥቀጡን ቃሎም ብምሃብ ወረቀቶም ዝረከቡ ክንሶም: ሕጂ ኣብቲ መጋበርያ ናይ ስርዓት ህግድፍ ዝኮነ  (YPFDJ) ቀንዲ ኣሳሰይቲን ተለኣክትን ብምዃን ስቃይ ህዝብና ንምንዋሕን ዕድመ ስልጣን ናይዚ ፋሺስታዊ ስርዓት ንምንዋሕን ላዕልን ታሕትን ካብቶም ዝብሉ እዮም። ገለ ካብ ተሓጋገዝቲ ናይ ደለይቲ ለውጢ ኣብ ሓደ ምስጢራዊ ኣኼባ ተረኺቦም ዝወሰድዎ ናይ ስእሊ መርትዖ ተመልከቱ:: ብፍላይ ኣብ ዋሺንግቶን ዲሲ ወናኒ  ቤት መግቢ ኣምባሳደር ዝኾነ ዮናታን ዝባሃል ሰብ ቀንዲ መሳርሒ ናይ ህግደፍ ምኻኑ ኣብ ዝተፈላለየ ግዜ ሓበሬታ ይበጽሓና እኴ አንተነበረ: ስጋብ ሕጂ መረጋግጽ ስለዘይረከብና ኣብ ህዝቢ ክነቃልሖ ኣይደለናን ነይርና:: ሕጂ ግን ምስ ስእሎም እንሆ እዚኦም አዮም ምስቲ ደመኛና ኮይኖም ንህዝቢ ደም ዘንብዑ ዘለዉ:: ሽሞም ከምዚ ዝስእብ እዩ – ብርሃነ: ታደሰ: ዮናታን: ሞኮነን: ከምኡ ውን ምኪኤል ኢዮም።

አዞም ደመኛ ጸላእቲ ህዝቢ ኤርትራ ፍርዶም ዝረኽቡሉ እዋን ሩሕቕ ኣይኮነን!!

ዓወት ንሕዝቢ ኤርትራ!!

ምክትታል ዋሽንግቶን ዲሲን ከባቢኣን

 

aseye.asena@gmail.com

Review overview
21 COMMENTS
  • SABA February 15, 2013

    WEY GUD.. We have so much dirt to clean up!!! KEDAAT ! In fact they are indirect Killers!

  • Seb February 15, 2013

    Where did Zelku-Dia’ s comments go?

    That is strange and funny!

    Way to go Assenna. You just don’t like the truth.

    This is just useless

  • TERANIFA February 16, 2013

    TEFALITNA ERITREAWIAN,HAGERNA NIESHA,MIDNIGAR ZEYKAL KOYNU WALAL NADE MALTI

  • hayle meskot February 21, 2013

    Haaaaaa Zegerem eyou Wedi demu kem kedemu Zebehal mesela alo atum hemakat wegenegnatatt akilikum be Haymanoten Aleten ketfelaleyou Nezeyfeltos Mes Yetreto inte itom Tseruyat Alet Eritraweyan gen never ever ab hagernan hezbenan Hade ena Haylat Meskot ??????

POST A COMMENT