ግራንድ ኦፖኒንግ ኣብ ላስቬጋስ፤

ንዕለት 01/28/15 ናይዚ ወርሒ እዚ ኤርትራውያን ኮሚዩኒቲ ላስቬጋስ ግራንድ ኦፒኒንግ(Grand Opennig) ከምዘለዎ ንተቐማጦ ላስቬጋስ ብሓጎስ ይገልጽ። እዚ ብመንእሰያትን ዓበይትን ተቐማጦ ላስቬጋስ ዝተከፈተ ድልዱል ኮሚዩኒቲ ንኩሎም ኤርትራውያን ዓመተ 2015 ዓመተ ሰላምን ራህዋን ክትኾነሎም ሰናይ ትምኒቱ እንዳገልጸ ንዕለት 28 (ሮቡዕ) ዓቢ መኽፈቲ (Grand Opennig)ከምዘለዎ ደጊሙ ይገልጽ።

እዚ ኤርትራውያን ኣሜሪካን ኮምዩኒቲ ላስቬጋስ ኣብ ጥርናፈ ኤርትራውያን ዝኣምን ንኩሉ ተቐማጢ ላስቬጋስ ብማዕረ ዝብጽሖን ዘገልግልን ሰንተር ከም ምኻኑ መጠን ተቐማጦ ላስቬጋስ ከምቲ ኣብ ምኽፍቱ ሓያል ተወፋይነትን መስዋእትን ዝከፈልኩምሉ ኣድማዕን ኣገልጋሊን ህዝቢ ኾይኑ ምእንቲ ኽቕጽል ኣብዚ ዕለት መጺእኹም ከተተባብዕዎ ንላቦ።ብተወሳኺ ኤርትራውያን ኮሚዩኒትይ ላስቬጋስ ነቶም ግዚኦምን ስረሖምን ኣወንዚፎም ነዚ ኮሚዩኒቲ ንምሕጋዝን ንምዝንጋዕን ብናጻ ናብ ላስቬጋስ ዝመጹ ዘለዉ ሰነ-ጥበባውያን ፡ጂጂ፡ግርማዊ፡ኣዜብ፡ኣማኒኤል፡ከምእዉን ንሙዚቐኛታት ወዲ-ኣፍሮ፡ረዘነ፡ ብስም ኤርትራውያ ኣሜሪካን ኮሚዩኒቲ ላስቬጋስ ኣዚዩ እንዳመስገነ ንኩሎም ተቐማጦ ላስቬጋስ ነዞም ዉፍያት ስነ-ጥበበኛታት ከመስግኖምን ከተባብዖምን ይላቦ። ኣብቲ ምሸት ድማ በተን ወራዙት ኣዴታት ላስቬጋስ ዝተዳለወ ነጻ ናይ ድራር እንግዶት ከምዘሎ ንገልጽ።

ኤርትራውያን ኮምዩኒቲ ላስቬጋስ ብተወሳኪ  ቀዳም ቀዳም ሰዓት 11 ናይ ንጉሆ ናይ ቛንቛ ትምህርቲ ንቖልዑ  ከምዝጀመረ ንኩሎም ተቐማጦ ላስቬጋስ እንዳበሰረ፡ከምእውን ኣብ ዝኾነ መዓልቲ ዝኾነ ኤርትራዊ ተቐማጢ ላስቬጋስ ናይ ስራሕ ምልኽታ(Application)ናይ ኣባማ ኬር፡ (Unemployment)፡ሓገዝ ወይውን ብናጻ ኾምፒተር ኽጥቀም ምስዝደልን እዚ ኮምዩኒቲ ንኹሉ ኩፉት ምኻኑ ኤርትራውያን ኮምዩኒቲ ላስቬጋስ ይገልጽ።

ኤርትራውያን ኣሜሪካን ኮምዩኒቲ ላስቬጋስ