Visit the new AsenaTv Website

https://asenatv.com

ፍሽለት ወዲገራህቱ ኣብ ስታቫንገር

ኣብቲ ብዕለት 15.04.13 ኣብ ስታቫንገር ብህግደፍ ዝተኣንገደ ሴሚናር ወላ’ኳ ደለይቲ ፍትሒ ሴሚናር ካብ ምክያድ ክዓግቱዎም እንተ ፈተኑ ግዜ ስለ ዝሓጸረን ኣደራሽ ከኽልኡዎም ኣይከኣሉን። ብዝኾነ እቲ ኵነታት ከመይ ከም ዝነበረ ካብ እሙናት ተሳተፍቲ ኣባላት ደለይቲ ፍትሕን

ኣብቲ ብዕለት 15.04.13 ኣብ ስታቫንገር ብህግደፍ ዝተኣንገደ ሴሚናር ወላ’ኳ ደለይቲ ፍትሒ ሴሚናር ካብ ምክያድ ክዓግቱዎም እንተ ፈተኑ ግዜ ስለ ዝሓጸረን ኣደራሽ ከኽልኡዎም ኣይከኣሉን። ብዝኾነ እቲ ኵነታት ከመይ ከም ዝነበረ ካብ እሙናት ተሳተፍቲ ኣባላት ደለይቲ ፍትሕን ምስ ደለይቲ ፍትሒ ዝደናገጹ ኣባላት ህግደፍን ዝረኸብናዮ ሓበሬታ ይቕጽል’።

ደለይቲ ፍትሒ ስታቫንገር ኣብ ክልተ ጕጅለ ተመቒሎም ኣብቲ ምዱብ ግዜ ኣብቲ መእከቢ ኣዳራሽ በጺሖም። ኣቻፈርቲ ህግደፍ ስታቫንገር ንዘይፈልጡዎ ሰብ ከይኣትው ይኽልክሉ ስለ ዝነበሩ ግን እቶም ክኣትዉ ዝተመደቡ ኣባላት ደለይቲ ፍትሒ ጥራይ ዘይኮነ ካብ ከባቢ ስታቫንገር ዝመጽኡ ኣባላት ህግደፍ ከይተረፉ ከይኣትዉ ተኸልኪሎም። ደለይቲ ፍትሒ ምስ ፖሊስ ድሕሪ ምዝርራብ ፖሊስ፡ “ንሕና ጸጥታ ክነኽብር እንተ ዘይኮይኑ ክነገድዶም ኣይንኽእልን ኢና፡” ዝብል መልሲ ሂቦሞም። ንሳቶም ድማ፡ “እሞ ከምኡ እንተ ኾይኑ ኣብ ጽሑፎም ኵሉ ኤርትራዊ ክሳተፍ ይኽእልዩ ይብል ስለ ዘሎ ንኣባላት ህግደፍ ዝምልከት ጥራይ ከም ዝኾነ ጽሑፍ ክወሃበና ኣለዎ፡” ክብሉ መሊሶም። ኣብዚ ግዜዚ ፖሊስ ናብ ውሽጢ ኣትዩ ንተኽለ ፈዳይ ወረቐት ክጽሕፈሉ ሓቲቱዎ። ንሱ ድማ፡ “ሕጂ ኣብ ኣኼባ ስለ ዘለኹ ዳሕራይ ክጽሕፈሉ እየ እፈልጥ እየ ጸገም የሎን፡” ዝብል ናይ ሸፈጥ መልሲ ሂቡ። ብወገን ደለይቲ ፍትሒ ግን ትም ኣይበሉን እታ ትጸሓፍ ወረቐት ካብ ፖሊስ ከም ዝደልዩዋ ነቲ ጕዳይ ድማ ኣብ መዕለቢኡ ከብጽሑዎ ምዃኖም ብምግላጽ ኣብ ደገ ክጽበዩ ተገዲዶም።

እቲ ዘሕጕስ ዝናብ ይሃርም ስለ ዝነበረ፡ እቶም ካብ በርገን ይኹን ካብ ከባቢውን ዝመጽኡ ደለይቲ ፍትሒ ናብቲ ኣብ ጥቓቲ ኣደራሽ ዝነበረ ሎካል እተዉ ተባሂሎም’ውን፡ “ፍጹም! እዚ ሃዳሚ ወዲገራህቱ ክሳብ ዝወጽእ ኣብዚኣ ክንጽበዮ ኢና። ዝናብ እንታይ ክገብረና ኢሉ ብምባል ኣብ ደገ ክጽበዩ ወሲኖም። በሉ ኣብ መኪና ንእቶ እንተ ተባህሉ’ውን፡ “ኣብ መኪና ንኽንኣቱ ኣይመጻእናን” ዝብል መልሲ ነይሩ። ብሓጺሩ እቲ ዝነበረ ናህርን ናይ ቃልሲ ወንን ፍሉይ ነይሩ። እቶም ደለይቲ ፍትሒ ማዕረ ካብ በርገንን ካብ ከባቢ ስታቫንገርን ካብ ውሽጢ ዝታቫንገርን ዝተኣከቡ ኮይኖም ቍጽሮም ልዕሊ ሓምሳ ነይሩ። ሰዓት ሓሙሽተ ምስ ኣኸለ እቶም ካብ ስታቫንገርን ከባቢኣን ገለ ካብ ቤተክርስትያን በስገዳድ ሴሚናር ኣሎ ተባሂሎም ዝተገፈፉ ሚእቲ ዝኣኽሉ ተሳተፍቲ ኣኼባ ካብቲ ኣደራሽ ክወጽኡ ጀመሩ። ደለይቲ ፍትሒ ድማ፡ “ንሕና ንሱ ንሱ ንህና ኣይኮንና፡ ንሕና ህዝቢ ህዝብና ድማ ንሕና ኢና፡ ንሕና ደለይቲ ፍትሒ ኣሕዋትኩም ኢና፡” ዝብል ቃላት ብምስማዕ ተቐቢሎሞም። ኩላቶም ግን ደደኒኖም መንገዶም ቀጺሎም። ወዲገራህቱ ምህዳም ልማዱ ስለ ዝኾነ ከም ኣመሉ በቲ ቀንዲ ማኦጾ እናተጸበዩዎ ከለዉ ብዳሕረዋይ ማዕጾ ሃዲሙ ከይዱ። ኣብ መንጎኦም ተሓቢኡ ክከይድ ፈቲኑ ግን፡ “ወዲገራህቱ ኣንታ ረዅራዅ፡ ኣንታ ሃዳሚ!” እናተባህለ መንገዱ ጸሪጉ።

ካብቶም ኣብ ውሽጢ ኣትዮም ዝነበሩ እሙናት ተሳተፍትና ብዝተረኽበ ሓበሬታ መሰረት ኣብቲ ኣኼባ እዚ ዝስዕብ ትሕዝቶን ሕቶታትን ነይሩ።

ትሕዝቶ ኣኼባ ኣብ ስዊድን ሰለስተ ኣደራሳት ማሕበረኮም ነዲዱ ነይሩ ከም ዝነበረ ትዝክሩ ኢኹም። ስለዚ ነቶም ኣብኡ ዝመሃሩ ዝነበሩ ቈልዑ መጻሕፍቲ መዕደጊ ዝኸውን ገንዘብ ውጽኢት ክግበር። ከም ካልኣይ ድማ ነቶም ነዚ ዝፈጸሙ ሰባት ዝዅንን መግለጺ ክንጽሕፍ ዝብል ነይሩ። ካብዚ ፍልይ ዝበለ ድማ ኣብ ጢዖ ሓደ ዓቢ ዲጋ ክስራሕ እዩ ዝብል መማቕርቲ ነይሩዎ።

ብወገን ተሳተፍቲ ገንዘብ ናይ ምውጻእ ግብረ መልሲ ኣይተራእየን ንምዅናን ወይ ንጥርዓን ምጽሓፍ ብዝምልከት ድማ ኣጽቅጥ ኣቢሎም። ንናይ ጢዖ ዲጋ ብዝምልከት ኣባላት ዋርሳይ ይከኣሎ ደሞዝ ክግበረሎም ድዩ ወይ ከም ቀደሞም ብዘይ ደሞዝዮም ክሰርሑ ንዝብል ሕቶ፡ እቲ ሓሶት ዝኣመሉ ወዲገራህቱ ኣልዕል ኣቢሉ ድሕሪ ክልተ ዓመት ደሞዝ ክግበረሎም እዩ ኢሉ። ኣብቲ ድሒሩ ዝቐጸለ ናይ ሕቶን መልስን ግዜ እዚ ዝስዕብ ሕቶታት ነይሩ።

–      ሕቶ፡ ዓለም ብዓለማ ብዛዕባ ሲናይ እናተዛረበት ስለምንታይ ጕዳይ ሲናይ ዘየልዓልካዮ? ካልእ ይትረፍ ኣብ ኤውሮጳ ዝነብር ህዝቢ ጅሆታት ኣዝማዱ ንምድሓን ኣብ ኣስመራ ገንዘብ ይኸፍል ኣሎ። ብዛዕባዚ መንግስቲ እንታይ ዝገበሮ ኣሎ?

–      መልሲ፡ መንግስቲ ኤርትራ ተጻባእቲ በዚሖሞ ኣለዉ። ወያኔ፡ ኣመሪካ ካልኦት’ውን ንመንግትና ብዝገበሮን ዘይገበሮን ይኹንንዎ ኣለዉ፡ ዝብል ሃጠውቀጠው መልሲ ሂቡ።

–      ሕቶ፡ ኣብ 2011 መጀመርያ 400 ዝኣኽሉ ኤርትራውያን ኣብ ማእከላይ ባሕሪ ጥሒሎም። እቲ ጠንቂ ግን ማዕበል ዘይኮነ ተሃሪሞም እዩ ዝብሃል። መንግስትና ብዛዕባዚ ስለምንታይ ከጻርዮ ዘይፈተነ?

–      መልሲ፡ መንግስትና ንምጽራዩ ምስ ዝምልከቶም ኣካላት ብምትሕብባር ዓቕሙ ዘፍቅዶ ይገብር ኣሎ።

–      ሕቶ፡ ኣብ ደገ ዘለዉ ኣሕዋትና ስለምንታይ ክኣትዉ ዘይተፈቕደሎም?

–      መልሲ፡ ኣብዚ ወዲ ገራህቱ ዘይኮነ እቲ ወይጦ ህግደፍ ዝኾነ ተኽለ ንጉሰ ፈዳይ እዩ ክምልስ ፈቲኑ። እቲ ዘገርም ደለይቲ ፍትሒ ኣብ ኣኼባ ክንኣቱ ኢሎም እናሓተቱ ከለዉ ንሱ ግን፡ “ኣብ ኖርወይ ሓደ ውላድካ ሓዳረይ ክወጽእ እየ እንተ ኢሉካ ኣይትኽልክሎን ኢኻ፡” ዝብል ተጋራጫዊ ናይ ዓዋናት መልሲ ሂቡ።

ኣልግብ ኣቢሉ፡ ወዲገራህቱ “ነዞም ኣብ ደገ ዘለዉ ብዙሕ ኣይትገደሱሎም ዓጋመ እዮም፡ ከዳዓት እዮም” ምስ በለ፡ ብምሉኣቶም ኣኼበኛታት፡ “ዓጋመ ኣይኮኑን፡ ኤርትራውያን እዮም፡” እናበሉ ብምጭራሕ ነቲ ኣደራሽ ነቕኒቖሞ። ተኽለ ፈዳይ ቦኣቕሊጽበት፡ “በጃኻትኩም ስነስርዓት ግበሩ፡ ሕቶ እንተ’ለኩም ብኣገባብ ሕተቱ፡” ብምባል ከዕግሶም ፈቲኑ። ብኸምዚ ድማ እቲ ክንደይ ላዕልን ታሕትን ዝተባህለሉ ናይ እንዳ ጃህራ ድራሮም ሴሚናር ብዘይ ሓደ ቍምነገር ፈሺሉ። ጥርዓን ኣይተጻሕፈ፡ ናይ ጥራዝን መጽሓፍን ገንዘብ ኣይተዋጽአ። እብቲ ኣደራሽ ካብ ዝተፈጸመ ሃደ ፍልይ ዝበለ ፍጻሜ እዚ ዝስዕብ ነይሩ።

ወዲገራህቱ ብጥበቡ ኣኼባ ክውዳእ ቍሩብ ደቃይቕ ምስ ተረፎ ሕቶ መታን ከይሕተት ዕረፍቲ ክንገብር ኢና ኢሉ። ሓደ ተድፋማርያም ዮሴፍ ኪዳነ ዝብሃል ስንኵል ተጋዳላይ፡ “እሞ ቅድሚ ናብ ካልእ ኣጀንዳ ምስጋርካ ሕቶ ነይሩኒ፡” ስለ ዝበለ ኣይከኣልንዩ ተባሂሉ። እዚ ደሓን ምኾነ ልክዕ ምስቲ ዕረፍቲ ሰብ ከየፈለጠ፡ እቶም ኣብ ስታቫንገር ቀንዲ ኣጫፈርቲ ናይቲ ስርዓት ዝኾኑ ሓሙሽተ ሰባት ደፊኦም ብሓይሊ ካብቲ ኣደራሽ ኣውጺኦሞ። ኵሉ ሰብ ኣስማቶም መታን ክፈልጦ ኣዞም ዚስዕቡ እዮም።

–      ቢንያም ኣስመላሽ

–      ዳዊት ክፍለ ብስም ወዲኮለኔል ዝፍለጥ

–      ኢሳቕ ገብረክርስቶስ

–      ሃይለ ዘርአ

–      የማነ ስዩም

እዞም ሰባትዚኦም ናብ ኖርወይ ብንእስነቶም ዝመጽኡ ኮይኖም ንሃገር ክንዲ ጽፍሪ ዘየበርከቱ ኣብ ኣስመራ ንብረት ስለ ዘጥረዩ ጥራይ ንህግደፍ ዘሳዩ እዮም።

ኣብ ስታቫንገር ህግደፍን ወይጦታቱን ከካይዱዎ ዝሓሰቡ ሴሚናር ካብ ትጽቢቶም ወጻኢ ኮይኑ ብፍሽለት ምዝዛሙ ንደለይቲ ፍትሒ ኦኣቢ ዓወት ነይሩ። ወይጦታት ህግደፍ ትማሊ ትማሊ ንደለይቲ ፍትሒ የፈራርሑን፡ ኣኼባታቶም ቅድሚ ኣዋርሕ ብወግዒ ይገልጹን ኣብ ፈቐዶ መንደቕ ከተማታት መወዓውዒ ይልጥፉን ከም ዘይነበሩ፡ ኣብዚ እዋንዚ ብራዕዲ ተዋሒጦም ብሜሰጅ ናይ ሞባይል ከካይዱ ይፍትኑ ኣለዉ። ብፓልቶክ ፈቲኖም ኣይሰለጦምን፡ እንኮ ተሪፉዎም ዘሎ ኣገባብ ብስካይፕ ሴሚናር ምክያድ እዩ። እዚ ድማ ምስ ኵነታት ኣባላቶም ዘይከይድ እዩ። ምኽንያቱ ዝበዝሑ ኣባላቶም ተገዲዶምዮም ናብ ኣኼባታት ዝኸዱ።

ስርዓት ህግደፍ ወዳቒ እዩ!

ዓወት ንደለይቲ ፍትሒ!

ስታቫንገር ኖርወይ

 

 

 

 

 

aseye.asena@gmail.com

Review overview
22 COMMENTS
  • Binega Markos April 15, 2013

    Well done Stavanger! My hats off to you. There is no need for violence even in the face of mounting provocation. The best way to win is to refuse to get to the level of PFDJ and its supporters. In my opinion, all is needed right now is to use every opportunity possible to raise the hard questions at every PFDJ organized meetings and that’s exactly what you guys did. Keep up the good work!

  • Genet April 15, 2013

    THANK YOU ASSENNNA FOR A JOB WELL DONE AS USUAL.

    THE TABLE IS TURNING ON THE COWARDS PFDJ OPERATIVES. THE PAST 20 YEARS THEY ENJOYED UNCHALLENGED ABUSE OF POWER. I THINK IT IS THE RIGHT THING TO DO LISTING THEIR NAMES FOR ALL ERITREAN TO KNOW. WE NEED TO SHAME THEM AS THE ENEMY OF OUR PEOPLE AND OUR COUNTRY.
    Genet

  • ahmed saleh April 15, 2013

    It has been traditional way of resistance by Eritrean youth
    against injustices to serve as moral conscience of the
    country within its people in our history .
    Today again we witness some brave youngsters lead the
    fight against the hgdf goons and puppets .
    POWER TO THE YOUTH SPEAKING FOR TRUTH .

  • PAPER TIGER April 15, 2013

    እንታይ ተፈጸመ ኣብ ከተማ ስታቫንገር
    ጢጥ ኣቢሉ ዘፈርጠጦ ንገራህቱ ፈገር
    ኤርትራዊ መንእሰይ ካብ ኣልዓሎ ነገር
    ካብ ሃብታም ምሁር ክሳዕ ወዛደር
    ክቕጽል ዩ ጉዳይ፣ክሳዕ ዝግንጸል ማህደር
    ህግደፍ ፈሽኳል ቀሪቡ እዩ ክምተር
    ሓርኡ ረጊጹ ስልጣን ሸተት ክብል
    ኮሪዕና ሃገርና ኣቲና ክንድብል
    ንብዓት ኣደ ተሓቢሱ፣ሓጎስና ክፍልፍል

  • mussie April 16, 2013

    ተስፋንኪኤል ገራህቱስ ኣምባሳደር ኢዩ ዝበሃል፡፡ እዚ ኩሉ ገንዘብ ከፊሉ ፈቐዶ ዓዲ ኮለል አንዳበለ ግን ምስ ዋ ላ ሓደ ናይ መንግስቲ በዓል ስልጣን ኣይተራኸበን፡፡ እዚ ዘገርም ነገር ኢዩ፡፡
    ከምቲ ና ብሓቂ ትሕዝቶኡ ናይ ዋህዮታት ስራሕ ገይሩ ተመሊሱ፡፡ ኣብኡውን ኣይሰለጦን፡፡ ኣነ ኣብቲ
    ቦታታት ነይረ ኢየ፡፡ ካብ በርገን ከይመጸ ኢዩ ሃዲሙ፡፡ ኣብ ስታሻንገር ድማ ብደገን ብውሽጥን ዓቕሉ
    ጸቢብዎ : ብፖሊስን ሲሺል ዋርድያታትን: ካብ ዓሰርተ ዘይውሕዱ ዓሳክሩን ተኸቢቡ ኢዩ ነቲ ዝፈሸለ ኣኼባ
    ናይ ስታቫንገር ገይርዎ፡፡
    ጉዳይ ሃገር ዝዝተየሉ ዋዕላ ዘይኮነስ፡ ንሓመድ ድበ ዝተኣከበ ዝመስል ድብዙዝ ምትእኽኻብ ኢዩ ነይሩ፡፡

    • ab ab April 20, 2013

      Mussie
      Beal sltan nay abey zelo mengsti? Wedi gerahtu ko nay wedi medhn berad wekil eyu nay wlke melaki. Sebesltan wlkemelaki kea weytotat eyomeember halefti aykonun. Zleakom tray eyom zgebru. Telekom kadretat kmhru ab nkfa zbezh gzieom yehlfuwo alewu.eseyas sle zeyamnom erefti ayhbomn eyu dehar kea hzbi Eritrea fenfinuwom zmerhuwo seinom zzarebom seinom bhayli seb nnakfe wesidom smeuna endabelu zzarebisi sebesltan ktblom. Giega nsatom teleaakti weytotat eyom !!!!!!.

  • Truly Truly i say to you April 16, 2013

    Bravo! and thanks Stavanger and Bergen heroes. I really proud on what you accomplished. That exactly was needed both to irritate PFDJ Mafias outside, and to confront and challenge them in public burden issues inside. Specialy my many thanks goes to those of you challenged Wedi Gerhatu inside assembly, to the reporter and to those of you exposed the PFDJ Woytoes name. To be honest for the first time it makes me happy and it gives me meaning this protest demonstration, because i saw it success and fruitful result. This is the right way how to do protest.

  • mussie April 16, 2013

    THANK YOU ASSENNNA FOR A JOB WELL DONE

  • belay April 16, 2013

    ezom sebat bzkone mengdi kektelu alwom selom trha thababeruna

  • west April 16, 2013

    BREAKING NEWS A GROUP OF ERTREAN ARTIST DEFECTED TO ETHIOPIA HERE IS THEIR NAMES
    1.FUAD ALAMIN (WEDI SERJENTE)
    2.SALINA GEBRETINSAE
    3.GIDEWON
    4.SEMHAL
    5.HAMZA
    6.AWET
    7.SAMSON

  • ab ab April 18, 2013

    Ygerm eyu deki erey. Wedi gerahtu si…. Hto tehatitu… Warsay ykealo demowez kgberelom dyu weys bnetsa eyom diga tio kserhuwo?
    Zmeleso melsi kea …… Dhri klte amet demowez kgberelom eyu. Aygermn… Kulu Eritreawi slave tekeyru nfelt ena endafeletu nhgdef zdgfu nkurkur wedigerahti hzbi Eritrea bgilanet kemznebr memanu kndey kon ketaesom ykewn. Dhri klte amet demowez elu wedi gerahtu ksab sheu ke slaves feriduwom bnetsa kserhulu. Dehar kea nsun btsotun kdmieu tehanikoms hzbi Eritrea netsa kwetse mkuanu felitu ykewn.

    Well Done Stavenger.

POST A COMMENT