ኣብ ዘሎካ አሊካ መክት ኤርትራዊ

ብዕምቈት መርምሮ ናይ ወገንካ ግፍዒ

ርኢካ ሰሚዕካ አይትበል እንድዒ

ናብ ህግደፍ አይትስገድ  ናብ በላዒ። 

•  

  ፈርካሽ ጃንዳ ህግደፍ ጻሕታሪ መከራ

•  

  ይበታትነን አሎ እንዳታት ኤርትራ

•  

  ብግቡእ ንረደአዮ ናይ ተንኰሎም ሽጣራ

•  

  ካብ ቦታ ናብ ቦታ ምፍንቃል ስድራ። 

ንብዙኃት ዘበናት ዝተቃለሰ ሕዝቢ

ግፍዕን መከራን ኴይኑ ናቱ ዓስቢ

ጸረ ህግደፍ መኽት ግዱስ ኤርትራዊ

ኣብ ዘሎካ አሊካ ተቓለስ ንፍትሒ። 

•  

  ሀገር ናይ ብዙኃት እምንቶ ናይ ግሊ

•  

  ብሥኒት ንመክት ጸረ አድገ በቕሊ

•  

  ኣብ ዳስ ህግደፍ ምስዕሳ ገበን ኢዩ ነውሪ

•  

  ንለውጢ ድአ ንበገስ ንመንነትና ክብሪ። 

አብቱም እተዳምቑ ንጃንዳ አስመራ

ብፍቓድኹም አይትስሐሉ መሕረዲኹም ካራ

ብከመይ ይነብር አሎ ሕዝቢ ኣብ ኤርትራ

ተሕዝኑ ኣብ ስደት እትገብሩ ዳንኬራ። 

•  

  ከሐድቲ ጃንዳ ናብራ ንኽጥዕመሎም

•  

  ንዓካትኹም የዋፍሩ ንመንእሰይ አሲሮም

•  

  ንሕዝብና የጋፍዕዎ መልሐስ ቀቀይሮም

•  

  ፈስቲቫላት የዳልዉ መናውሒ ዕምሮም

•  

  ንሕዝብና መጨፍለቂ ንስካትኹም ትሰድሎም። 

አይፋል ድአ ንበል ብሥኒት ብፍቕሪ

እተበደለ ሕዝብና ብፍትሒ ንክምዕሪ

ንህሉው ተቓውሞ ንወስከሉ ናህሪ

ንጃንዳ ህግደፍ ነርግጾም ርሱን ጓህሪ። 

•  

  ድሕሬኡ ብፈስቲቫል ብሓባር ትሓንበለ ንብል ብክብሪ

•  

  ኣብ ዘሎካ አሊካ ተልዓል ኤርትራዊ ብነድሪ

•  

  ብሓድነት ንመክት ጸረ-ህግደፋዊ ከትሪ

•  

  ብሓርነት ትለምልም ኤርትራዊት ምድሪ። 

ዘለዓለማዊ ክብርን ዝኽርን ንስዉአት

ሰላምን ቅሳነትን ንኤርትራውያን ዜጋታት

ስዕረትን ሕፍረትን ንጠላማት

ካብ ከተማ ፍራንክፎርት ሀገር ጀርመን

18.07.2009 ተ.አ.ባ.

18.07.2009 ተ.አ.ባርናባስ