“ፕረዚደንት” ኢሳይያስ ኣፈወርቂ እቲ ኣብ ሱዳን ዝግበር ዘሎ ሃገራዊ ምርጫ ኣብ ማዕከናት ዜና ኤርትራ ከይቃላሕ ጥብቂ ትእዛዝ ኣመሓላሊፉ።

isaiasፕረዚደንት ኢሳይያስ ኣፈወርቂ እቲ ድሕሪ 24 ዓመታት ኣብ ሱዳን ዝግበር ዘሎ ሃገራዊ ምርጫ ኣብ ማዕከናት ዜና ኤርትራ ከይቃላሕ ናብ ሚኒስትሪ ዜና ጥብቂ ትእዛዝ ከምዘመሓላለፈ ምንጭታት ካብ ኣስመራ ሓቢሮም።

ፕረዚደንት ኢሳይያስ ነቲ ትእዛዝ ዘመሓላለፈሉ ምኽንያት ኣመልኪቶም ኣብ ዝሃቡዎ መብርሂ፡ ሃገርና ኤርትራ ኣብ 1991 ናጻ ካብ ትወጽእ ኣትሒዛ ሃገራዊ ምርጫ ኣካይዳ ስለዘይትፈልጥ፡ ህዝቢ በቲ ናይ ሱዳን ምርጫ ተዘኻኺሩ፡ ናይ ኤርትራ ሃገራዊ ምርጫ ደኣ ምዓስ እዩ ዝካየድ ዝብል ኣተሓሳስባ ከየሕድር መታን ዝወሰዶ ናይ ዕፈና ስጉምቲ ምዃኑ የረድኡ።

ድሕሪ እገዳ ባይቶ ጸጥታ ውድብ ሕቡራት ሃገራት ኣብ ልዕሊ ኤርትራ ፕረዚደንት ሱዳን በሽር ኣብ ዝሓለፈ ቕንያት ኣስመራ ኣብ ዝበጽሓሉ እዋን፡ ኢሳይያስ ነቲ ምርጫ ንገለ ዓመታት ከናውሖ ተወኪሱዎ ከምዝነበረ ዝተፈላለያ ማዕከናት ዜና ጠቒሰን ነይረን እየን።

ስርዓት ህግደፍ፡ ን19 ዓመት መመላእታ ኣብ ኤርትራ ምርጫ ከይካየድ ብምእጋድ ንኹሎም ‘ቶም ምርጫ ተገይሩ ቅዋማዊ መንግስቲ ክትከል ዝጠለቡ ኤርትራውያን ኣብ ኣብያተ ማእሰርቲ ከሕቅቖም ይርከብ ኣሎ። ንርእሱ ፈቲኑዎ ዘይፈልጥ ክንሱ ድማ፡ ኣብ ከም ብዓል ኢትዮጵያ ዝኣመሰላ ጎረባብቲ ሃገራት ንዝካየድ ምርጫታት ምንሻውን ብዘይፍትሓውነቱ ምቝጣዕን ኣመል ገይሩዎ ከምዘሎ ይፍለጥ።

VN:F [1.9.22_1171]
Rating: 0.0/5 (0 votes cast)
VN:F [1.9.22_1171]
Rating: 0 (from 0 votes)

What do you think?

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>