Assenna.com http://assenna.com Politics, Culture, Religion Thu, 23 Feb 2012 02:41:24 +0000 en hourly 1 ሳህለን መሃንዘልን – ዕላል ብዛዕባ ናይዝግን ብኢዱን http://assenna.com/%e1%88%b3%e1%88%85%e1%88%88%e1%8a%95-%e1%88%98%e1%88%83%e1%8a%95%e1%8b%98%e1%88%8d%e1%8a%95-%e1%8b%95%e1%88%8b%e1%88%8d-%e1%89%a5%e1%8b%9b%e1%8b%95%e1%89%a3-%e1%8a%93%e1%8b%ad%e1%8b%9d%e1%8c%8d/ http://assenna.com/%e1%88%b3%e1%88%85%e1%88%88%e1%8a%95-%e1%88%98%e1%88%83%e1%8a%95%e1%8b%98%e1%88%8d%e1%8a%95-%e1%8b%95%e1%88%8b%e1%88%8d-%e1%89%a5%e1%8b%9b%e1%8b%95%e1%89%a3-%e1%8a%93%e1%8b%ad%e1%8b%9d%e1%8c%8d/#comments Thu, 23 Feb 2012 02:37:53 +0000 assenna http://assenna.com/?p=8553 more]]> ከመይ ቀኒኻ ዓርከይ ሳህለ

እንታይ ኣሎ ማይ ዘይጠዓመ

ዕላል ሎሚ ቕነ ሓድሽ ዝጠለለ?

 

ኤእ መሃንዘል ዓርከይ፡ ካባኻ’ዩ ወረ

ካብ ነቕጺ ብኢዱ ዶ ተረኺቡ ፍረ፡

ንገረኒ ደኣ ‘ቲ ዝብሃል ዘሎ

እንዳ ገብረ-ኣዳል እንታይ ይወረ’ሎ?

 

ወይለይ፡ ኣንታ መንቃም ኢኻ

ድሮ ‘ምብኣር ጨንዩካ ንዓኻ

መቸም የለን ካብ ሳህለ ዝሕባእ

ህንጥሸው ኣይተርፈካ እሑእ

ኩላ’ንዳያ ናባኻ ትመጽእ?

 

ብኣፈ ኽዱን ድኣ’ዩ ምበር

ተዓቝሩ ዘሎ ንሰብ ከይንገር

ናይዝጊ ያኢ ዓሪፉ ‘ሎሞ ኣብ ወጻኢ ሃገር

ለካ መዓልቲ‘ለዎ ኹሉ ፍጡር

ከቶ የልቦን ነዛ ሞት ዝጥብር!

 

መሃንዘል ዓርከይ፡

ናይዝጊ ደኣ ሎሚ መዓስ ሞይቱ

ሽቶል ሰይጣን ምስ ሓዘ ዓትዒቱ

መጋበርያ ብኢዱ ምስኮነ፡ ካርኡ-ለዓቱ

ንጹህ ምሰሕቀቐ ዘይኣኸለ መዓልቱ

እርይ ቁጽር ኣቢሉ ጸብኡ መራግእቱ

ንዲብሎስ ምስ ሃቦ ህይወቱ

ስካፋለ ምስ ተሰቕለ ሕልናኡ ሸይጡ

‘ዶኸ ኣይኮነትን ደው ዘለት ሰዓቱ

ካብ ሰብ ደኣ ቀደም ተፈንቲቱ

ሎምስ ካብ ዓለም’ዩ ተሰናቢቱ!

ቅጽል ድኣ ‘ብሎ ናይ ውሽጢ መዓቱ

ብኢዱ ዝኣገዶ ሬስኡ ከይኣቱ

እንታይ’ዩ ብልሓቱ?

 

ኤእ ሳህለ፡ እዚኣስ ኮይናትኒ ቦኽሪ

ምስጢር ዶ ‘ለዋ’ዩ ዘይተጋህደ ምኽሪ፡

ወጻእ ዝገሹ ሰብ ቆጽሊ

ዓዲ ክምለሱ ከይሓልፎም ዕሊ

ኣብ ሃገርገር ዝበለ ዳስ-ቀብሪ

ቤተሰቡ ደባሲኡ ከለሊ

ብኢዱ ክመስል ጀጋኑ መኽበሪ

“ክቡራትን ክቡራንን፡

ኣካሉ ተሓለፈ ውርሻኡ ነባሪ

ናይዝጊ መዓስ ሞይቱ ሳላ ጽቡቕ ግብሪ

ሓመድበ ‘ውን ኣየድልዮን ከም ተራ ኣገልጋሊ!”

ኢሉ ክጭርሓሉ ክሓጽበሉ ነውሪ

ብኡ’ቢሉ ድማ ቀተልቲ ከፍሪ

ንጓንቲ ናይዝጊ ዝወድዩ ብናህሪ፡

ኢሉ ይኸውን’ምበር

ብኢዱ ስንክሳር

ይህልዎ ዶ ኢልካዮ ካልእ ቁምነገር!?

 

መሃንዘል ዓርከይ ኣበለኻ

እምን’ዶ ኣቢልካዮም ዝበሉኻ፡

እምበር ስድራቤቱስ ኣትዮም ካብ ዓዲ በረኻ

ብነፋሪት በሪሮም ካብ ኣውሮጳ ኣመሪካ

ሃገራዊ ቀብሪ ተጸብዮም ከም ግምትካ

ብኢዱ ዝገብረሉ ናይ ዓርከት-ዓርክኻ

መሲሉዎም ደኾን ክሕደት ዘይመልካ

ክብረት’ያኢ ክረኽቡ ሓሸኪ-ሓሻካ፡

 

ረኣናዮንካ’ሞ ናይ ብኢዱ ጥልመት

ጎርፋዕፋዕ ዝበለ ብመጽዓን ዘይእመት

ሬሳ ናይዝጊ ረኣኹ ሸይጣን ረኣኹ ‘ሉ

እግድ ኣቢልዎ ኣብ ለንደን ከልኪሉ

መግዓዚ ሳንዱቑ ሓሪሩ ቲኬቱ

ኣብ ክንዲ ንዓዲ ደድሕሪ ፍትሓቱ

በረድ ተቐቢሉዎ መኽዘን ዘይተፈልጡ

ቁልጭ ከፊኡዎም ስድራቤቱ፡

 

ኣንታ ወረ መርዓት ዝደንጎየቶ ዳስስ ትስዕስዓሉ

ውሕጅ ዝዓገታ በቕሊ ክሳብ ትሕምሕመሉ፡

ናይዝጊ ግን ዳስ ሓዘን ‘ኳ ነይተተኽለሉ

ህዝበይ ተፈራሪሓ ዓው ኢላ ከይትበኽየሉ

ታሪኽ ህይወቱ ‘ኳ ዘይተነበበሉ

ትሒምሒም በዚሑ፡ ገለ ይብል ‘ጅግና!’ ገለን ይብል ኣሉ፡

ልዕሊ ‘ቲ ሕልፈቱ

ክልተ ሳዕ ምማቱ

ኣዳም ገሪሙዎ ናይ ብኢዱ ከንቱ!

 

ወይ ሰብ ደቀይ!

እንታይ’የ ዝሰምዕ ዘለኹ’ንታ

ዓዕ እንተይሉሉ መባእስቱ

እቲ ብዕራይ ‘ኳ ዘልዕል ኣቕርንቱ

እንታይ ደኣ ይብሉዎ ምስ ሬሳታት ሕልኮ

ኣረሜነ ብኢዱ ስኢኑ ኣሳሕኮ

ንሕና ‘ባ ኢና ‘ንታ ጌርናዮ ኣባጅጎ

ውርደተኛ ኸሎ መልኣኽ ዝሓደጎ!

በልስከ ብኢዱ ህልኩ

እንታይ ክረክብ’ዩ ምስ ሬሳ ተሃላሊኹ!

 

መሃንዘል ዓርከይ

ዓርኪ መሓዛ የብሉን ብኢዱ

ምስ ሰብ ኣይተፈጥረን ስልጣን’ዩ ዘመዱ

ሸተት ከይትብሎ ወንበሩ ከማዕዱ

ክንደይ እንድዩ ኣጥፊኡ ሓሪዱ ጎሚዱ

ናይዝጊ መዓስ ኮይኑ ገንሸል ፈለማ

ክንዲ ኣገልግሎት ሸይጣናዊ ዕላማ

ንኽሕደት ኢሳያስ ቅድም ዝጠዓማ፡

ባዕሉ ክንሱ መሃዚ ኣዛዚ

ኣብ ደም ንጹሃት ዝነዝሐ መርዚ

መረረ ናይዝጊ ከይለግቦ

‘ዶ ይኮነን ነፊጉዎ ቀብሪ እንዳቦ!

 

በስምኣብ በወልድመንፈስ ቅዱስ!

ኣንታ ዋላ ነቶም ባዕሎም ዝደስከሉ

ከደስክል እንተውዒሉ ደኣ ትሩፍ ዘይትብለኒ ክተፍኣሉ

ምስ ሬሳ ካብ ዝገጥም ዲኖ ተኣንጕቱ

መዓስ ደሓን ኣሎ ዘይትብለኒ ሞይቱ?

 

ከመይ ደኣ!

ዘይንዓና እዩ ኣጊሙና ቀብሩ

ክንዲ ንበራበር ተዓንዚዝና ብእኪተ-ግብሩ

እምበር ንሱ ደኣ ቀደም ተዓዚሩ

መብጽዓ ሰማእታት ምስ ጠለመ

ክንደይ ዘይተኻዕበ ክንደይ ዘይተረግመ!

 

ወየ ደኣ ንበለሎም መጣቓዕቲ

ገጽ ብኢዱ ርእዮም ንብዓቶም ቀየርቲ

ፋይዳ ከምዘይብሉ ተስፋ ተበለጽቲ

ኣምሳያ ጨብጨባ ‘ታይ ኮን’ዩ ዝድለ

እናተደርበየ ሬሳ ዘገልገለ?

ባዕልና ዘለናዮ ንመግዛእቲ

ናጻ ኢኹም ዝብሉና ብመልእኽቲ

ዒብ ኣልቦ ስርዓቶም ዝኸስስ መዋቲ

ስነምግባር ኣልቦ ባህሊ ሰይጣውንቲ

ንሕስያ ከምዘይብሉ ንቆልዓ ሰበይቲ

ሃንዛ ምዕዶ እንሆሎም ዘይብሉ መጓቲ!

 

ወየ ደኣ ንበለሎም ነቶም ሰብ ጽሩራ

ጥልመት ብኢዱ ይጭነዎም ከም ፌራ

መቓብር ሓርበኛታት ምድላው ጀሚራ፡

ኣድራሻ ሬሳኦም ብኣጋ ይመትሩ

ብህይወቶም ጉድጓዶም ይፍሓሩ

መዓልቶም ከይመጸ ቀበርቶም ይቝጸሩ

 

እንተለቢሞም ክናዘዙ ኣብ ቅድሚ ኤርትራ

ምዓንጣ ሓጺቦም ክገብሩዋ ሓራ

ዘጸይኖም ተኾይኑ ሞት ከልቢ

ሕልና ተለዎም ዝሰምዕ ንህዝቢ

ሓመድ ድበ ኢሳይያስ-ናይዝጊ

ክገብሩዎ ብሓደ ደወል ኣብ ሓደ መዓልቲ

ነዛ ሃገር ግዳ ክኾኑዋ መድሕን

ምሕረት ‘ኳ ምረኸቡ ውርደቶም ዝኸድን!!

 

ኣንቱም ብዓል ዓንደ ተናዘዙ ተሎ

ገጽ ታሪኽ ኣብ ኢድኩም እንከሎ

ጸሓፋይ ኣይተጻግሙዎ ከለኩም ተኽእሎ

ክብለልኩም’ዩ ንሱስ ወይ ‘ወየ!’ ወይ ‘ኣውሎ!!’

 

ኣማኑኤል ኢያሱ

22 ለካቲት 2012

]]> http://assenna.com/%e1%88%b3%e1%88%85%e1%88%88%e1%8a%95-%e1%88%98%e1%88%83%e1%8a%95%e1%8b%98%e1%88%8d%e1%8a%95-%e1%8b%95%e1%88%8b%e1%88%8d-%e1%89%a5%e1%8b%9b%e1%8b%95%e1%89%a3-%e1%8a%93%e1%8b%ad%e1%8b%9d%e1%8c%8d/feed/ 1 Eritrea denounces foreign meddling in Somalia http://assenna.com/eritrea-denounces-foreign-meddling-in-somalia/ http://assenna.com/eritrea-denounces-foreign-meddling-in-somalia/#comments Wed, 22 Feb 2012 16:30:29 +0000 assenna http://assenna.com/?p=8545 more]]> NAIROBI — Eritrea, often accused of supporting Islamist rebels in Somalia, on Monday criticised foreign interference in the war-torn country, ahead of an upcoming peace conference in Britain.

“External actors, even those most friendly and most sympathetic to Somalia, need to resist the urge… to act on behalf of Somali people, as such an approach has been repeatedly proven to be counter-productive,” Eritrea’s foreign ministry said in a statement.

“The people of Somalia should be allowed the political space and time to hammer out among themselves a political arrangement that serves as the basis of peace, stability and development.”

Several peace bids have failed to restore normalcy in Somalia, which has lacked an effective central government since the 1991 ouster of president Mohamed Siad Barre sparked civil unrest.

Somalia’s current Western-backed transitional government, which was set up eight years ago, has also been unable to asser its authority and its mandate is set to expire in August.

“The way forward for Somalia is thus clear — a Somali-owned and driven political process supported by an honest and effective facilitation process that empowers Somalis and wards off interventions that undermine their efforts,” said the statement.

Eritrea, which has denied accusations of supporting the Al-Qaeda-linked Shebab rebels fighting to topple the Somali government, said military interventions by Somalia’s neighbours were worsening the crisis.

Kenya and Ethiopia recently deployed troops to southern Somalia to crush the Shebab insurgents, while Burundi, Djibouti and Uganda have sent soldiers for the African Union force protecting the Somali administration in Mogadishu.

“The military interventions of Somalia’s immediate neighbours, whatever their motivations, have to be brought to an end as they complicate and worsen the situation,” Asmara said.

Somali and foreign leaders are due to take part Thursday in London in a major conference aimed at tackling the chaos that has allowed the Horn of Africa country to become a haven for Al Qaeda and pirates.

AFP

]]> http://assenna.com/eritrea-denounces-foreign-meddling-in-somalia/feed/ 7 መግለጺ ኤርትራውያን መናእሰያት ስደተኛታት ኣብ ኢትዮጵያ http://assenna.com/%e1%88%98%e1%8c%8d%e1%88%88%e1%8c%ba-%e1%8a%a4%e1%88%ad%e1%89%b5%e1%88%ab%e1%8b%8d%e1%8b%ab%e1%8a%95-%e1%88%98%e1%8a%93%e1%8a%a5%e1%88%b0%e1%8b%ab%e1%89%b5-%e1%88%b5%e1%8b%b0%e1%89%b0%e1%8a%9b/ http://assenna.com/%e1%88%98%e1%8c%8d%e1%88%88%e1%8c%ba-%e1%8a%a4%e1%88%ad%e1%89%b5%e1%88%ab%e1%8b%8d%e1%8b%ab%e1%8a%95-%e1%88%98%e1%8a%93%e1%8a%a5%e1%88%b0%e1%8b%ab%e1%89%b5-%e1%88%b5%e1%8b%b0%e1%89%b0%e1%8a%9b/#comments Wed, 22 Feb 2012 16:03:11 +0000 assenna http://assenna.com/?p=8541 more]]> ከም መቐጸልታ ዝሓለፈ ርክብ ኤርትራውያን መናእሰያት ስደተኛታት ንሕና ኣብ መዓስከራት እንነብር ስደተኛታት ካብ ዕለት 16/02/2012 ካብ ሓሙሽትኡ መዓስከር ስደተኛታትን ኣዲስኣበባን ኣብ ከተማ ሽረ እንዳስላሰ ተኣኪብና ብዛዕባ ህሉው ኩነታት ሃገርናን ህዝብናን ዘቲና፡፡ ኣብዚ ናይ ዘተ መኣዲ ዝተሳተፍና ኤርትራውያን መናእሰያት ስደተኛታት ኣስታት 210 ኮይና 29 ካብ ተሳተፍቲ እዚ መኣዲ ዘተ ደቂኣንስትዮ ኢየን፡፡ ብዜካ’ዚ ምክትል ኣቦወንበር ፈጻሚት ሽማግለ ኤርትራዊ ሃገራዊ ባይቶ ንዲሞክራስያዊ ለውጢ ኣቶ ዮውሃንስ ኣስመላሽ፡ ኣባል ባይቶ ኣምባሳዶር ኣድሓኖም ገብረማርያም፡ ላዕለዎት ሰበ-ስልጣን መንግስቲ ኢትዮጵያ ሓለፍቲ ኢሜግረሽንን ጉዳይ ስደተኛታትን ተረኺቦም ነይሮም፡፡

ተዛተይቲ ካልኣይ መድረኽ ኤርትራውያን መናእሰያት ስደተኛታት፡ ህልው ኩነታት ሃገርና እንታይ ይመስል? ማሕበራዊ ሂወት ህዝቢ ኤርትራ ከመይ ኣሎ? ስርዓት ህ.ግ.ደ.ፍ. ኣብ ልዕሊ ህዝብብን ሃገርን ኤርትራ ኣውሪድዎ ዘሎ ከቢድ ዕንወትን ሃሰያን እንታይ ኢዩ?  እዚ ስርዓት’ዚ ባህሪያቱን ኣነዳድቕኡን ከመይ ኢዩ? ንኤርትራ ናብ ከመይ ዝኣመሰለ ጎደና ጥፍኣት’ዩ ዝመርሓ ዘሎ?  ሓያልን ድኹምን ጎድንታት ፖለቲካውያን ውድባት እንታይ ይመስል? ተራ ኤርትውያን መናእሰያት ንዲሞክራስያዊ ለውጢ ኣብ ከመይ ደረጃ ኣሎ? ኤርትራዊ መንእሰይ ናይ ቃልሲ እጃሙ ከየልዕል ማሕለኻ ዝኾንዎ ነገራት እንታይ ኢዮም? ዝብሉ ከበድቲ ዛዕባታትን ካልኦትን ኣልዒልና ብዕምቆት ዘቲናሉ፡፡

ከም ቀንዲ መዛረቢ ዛዕባታትና ግን ኣብ ዞም ዝስዕቡ ኣርባዕተ ዓበይቲ ኣርእስታት ማእከል ዝገበረ ኢዩ ነይሩ፡፡ ንሳቶም ድማ፡-

  1. 1.          ቁጠባዊ መዳያት ሃገርና
  2. 2.          ፖለቲካዊ መዳያት
  3. 3.          ማሕበራዊ መዳያት
  4. 4.          ዲፕሎማስያዊ ዝምድናታት

ሃገርና እንታይ ይመስሉ: ኣብ ዝብል ኣብ ሸውዓተ ጉጅለታት ተኸፋፊልና ነዊሕ ሰዓታት ዝሸፈነ በዳህቲ ክትዓትን ምርድዳኣትን ጌርናሉ፡፡ ብመሰረት ዝገበርናዮ ግሉጽን ኣሳታፍን ምምይያጣት ድማ፡ ተሳተፍቲ ካልኣይ መድረኽ መኣዲ ዘተ ኤርትራውያን መናእሰያት ስደተኛታት ኣብዚ ዝስዕብ ገምጋምን መረዳእታን ክንበጽሕ ኪኢልና፡፡

ኣብ ኣርባዕቲኡ ዓበይቲ ዛዕባታት ኣብ ቁጠባዊ መዳያት፡ ፖለቲካዊ ኩነታት ሃገርና፡ ማሕበራዊ ሂወት ህዝብና፡ ዲፕሎማስያዊ ዝምድናታት ወጻኢ ብሓፈሻ፡ ፍጹም መላኺ ዝኾነ ስርዓት ህ.ግ.ደ.ፍ. ብዝኽተሎ ዘሎ ኣዕናውን ሃዋኽን ፖሊሲን ግጉይ ስርዓት ምሕደራን ህዝቢ ተበታቲኑ፡ መናእሰያት መጻኢ ዕድላቶም ጸልሚቱ፡ ህዝብን ሃገርን ብቐሊሉ ክፍወስ ዘይክእክል ከቢድ ዕንወትን ሃሰያን ወሪድዎ፡ ኩቡር ባህሊ ህዝቢ ኤርትራ በሪዙ ምስ ጎረባብቲ ሃገራትን ምስ ማሕበረ-ሰብ ዓለምን ኣባቲኽዎ፡ ወትሩ ኣብ ከበባ ኩናት ከምዘሎ ኮይኑ ከምዝሓስብ ገይርዎ ከምዘሎ: ኣብ ሓባራዊ መረዳእታን ስምምዕን በጺሕና፡፡

ስለዝኾነ ድማ ኩሉ ዓቕምታትና ንድሕነት ህዝብን ሃገርን ኤርትራ ኢዩ፡፡ ብዝብል መሪሕ ሓሳብ ኣብ መኣዲ ካልኣይ መድረኽ ዘተ ኤርትራውያን መናእሰያት ስደተኛታት ዝተሳተፍና፡ ኣብ ሃገርና ኤርትራ ዲሞክራስያዊ ለውጢ ክመጽእን ክረጋገጽን ዲክታቶሪያዊ ስርዓት ህ.ግ.ደ.ፍ. ብዝቐልጠፈ ክእለይ ኩሉ መዳያዊ ጻዕሪ ክግበር መንእሰይ መሪሕ ተርኡ ክጻወት ብምሉእ ድምጺ ኣስሚርናሉ፡፡

ኣብቲ ኣጋጣሚ ምክትል ኣቦ መንበር ፈጻሚት ሽማግለ ኤርትራዊ ሃገራዊ ባይቶ ንዲሞክራስያዊ ለውጢ ኣቶ ዮውሃንስ ኣስመላሽ ከምኡ’ውን ኣባል ባይቶ ኣምባሳዶር ኣድሓኖም ገብረማርያም ኣብቲ ኣኼባ ተረኺቦም ጉባኤ ኣዋሳን ውጽኢቱን እንታይ ይመስል: ንተሳተፍቲ መናእሰያት ስደተኛታት ሰፊሕ መብርሂ ሂቦም፡፡ ካብ ተሳተፍቲ ዝወረዱ በዳህቲ ጠቐምቲ ሕቶታት ‘ውን መልሲ ሂቦም፡፡ ተሳተፍቲ መናእሰያት ብወገና ዕድመ ስርዓት ህ.ግ.ደ.ፍ. ንምሕጻር ኣብ ጎኒ ኤርትዊ ሃገራዊ ባይቶ ንዲሞክራስያዊ ለውጢ ኮይና ኩሉ መዳያዊ ምትሕብባር ቃልሲ ክንገብር ብዝሰመረ ድምጺ ብዓውታ ኣድሚጽናዮ፡፡

ዓወት ንህዝቢ ኤርትራ!

ውድቀት ንስርዓት ህ.ግ.ደ.ፍ.!

ኣኼባ ኤርትራውያን መናእሰያት ስደተኛታት

ዕለት 19/02/2012 ሽረ እንዳስላሰ

]]> http://assenna.com/%e1%88%98%e1%8c%8d%e1%88%88%e1%8c%ba-%e1%8a%a4%e1%88%ad%e1%89%b5%e1%88%ab%e1%8b%8d%e1%8b%ab%e1%8a%95-%e1%88%98%e1%8a%93%e1%8a%a5%e1%88%b0%e1%8b%ab%e1%89%b5-%e1%88%b5%e1%8b%b0%e1%89%b0%e1%8a%9b/feed/ 8 ሞት ናይዝጊ፤ ሞት ክናና’ዩ! መስፍን፤ ይኣኽለካ ምስ ፎርዖን ምልፋን! – ፍሉይ ጽሑፍ – ኣለና http://assenna.com/%e1%88%9e%e1%89%b5-%e1%8a%93%e1%8b%ad%e1%8b%9d%e1%8c%8a%e1%8d%a4-%e1%88%9e%e1%89%b5-%e1%8a%ad%e1%8a%93%e1%8a%93%e1%8b%a9-%e1%88%98%e1%88%b5%e1%8d%8d%e1%8a%95%e1%8d%a4-%e1%8b%ad%e1%8a%a3/ http://assenna.com/%e1%88%9e%e1%89%b5-%e1%8a%93%e1%8b%ad%e1%8b%9d%e1%8c%8a%e1%8d%a4-%e1%88%9e%e1%89%b5-%e1%8a%ad%e1%8a%93%e1%8a%93%e1%8b%a9-%e1%88%98%e1%88%b5%e1%8d%8d%e1%8a%95%e1%8d%a4-%e1%8b%ad%e1%8a%a3/#comments Wed, 22 Feb 2012 15:55:49 +0000 assenna http://assenna.com/?p=8538 more]]> ካልኣይ ምዕራፍ መጽሓፍ ‘ትልሚ ንዘርኢ ክርዳድ’ ብዛዕባ ድርብ ኪዳን ናይዝጊ ክፍሉን ኢሳይያስን  ኢዩ ኣስፊሩ ዘሎ፣  “ኣቦይን ኣደይን ነንበይኑ ጸሎቶም” ከም ዝበሃል ድግም። ኣብ ጉዳይ ገበነኛ ናይዝጊ ክፍሉ ጸሎትናን ጸሎት ኢሳይያስን ነንበይኑ ኢዩ ጸኒሑ፣ ሕማም ናይዝጊ ክፍሉ ኣብ ንዝክረሉ ዝነበርና ግዜ። ‘ከቢድ ሕማም ካብ ሞት ነይሓልፍ’ ክንብል’ኳ እንተጸናሕና፤ ንሕና ንቁሩብ እዋን እስትንፋስ እንተዝልቅብ ክንብል እንከለና፤ መልሓስ ኢሳይያስ ግን ንሞት ናይዝጊ ክፍሉ ትምህለል ነበረት፣

እቲ ኤርትራዊ  “ከሚካል ዓሊ” ጉዳም ናይዝጊ ክፍሉ። ናይ ጽሕፍቶ ጉዳይ ኮይኑ ቤተ-መዘክር ታሪኽ ተሰክሙ ሞይቱ ኣሎ፣ ወዲ ሰብ ከም ጽላሎት ቀትሪ ሓላፊ ስለዝኾነ። ኣንታ ከበድቲ ምስጢራት እዚ ሓራዲን ክሒዳን ዝኾነ ኢሳይያስ ፎርዖን ተሰኪምካ ዘለኻ፤ ኣብ ዓራትካ ኮንካ ትንኖን ዝን ትብል ዘለኻን ኣቶ መስፍን ሓጎስ ሕጂ ብታሪኽ ዝውረቕ ተባዕ ስጉምቲ ውሰድ፣  ስለ እቶም ብቑንጣሮ ሓመድ ዝቐበርካዮም ጀጋኑ ብጾትካ ማዕጾ ምስጢራት ኢሳይያስ ንከይተገፍትን ድማ ደጋጊምና ሓደራ ንብል ኣሎና፣

ኣብ ምስላታት ዓረብ ‘ኣልጎሕ ኣሕሰን ሚን ኣል-ስኩውት’ ዝብል ወሓለ ዝኾነ ኣበሃህላ ኣሎ፣ እዚ ብትግርኛ ክትርጎም እንከሎ ‘ኡሑእ! ካብ ትም ምባል ትበልጽ’ ማለት ኢዩ፣ ስለዚ ኣብ ኩሉ ኩርነዓት ዓለም ዘለኹም ገዳይም ተጋደልቲ ህዝባዊ ግንባር ነበር። ኣበይ ከም ዘለኹምን ኣብ እዋን ብረታዊ ቃልሲን ብድሕሪ ናጽነትን እንታይ ተራ ከም ዝነበረኩምን ኣጸቢቕና ንፋለጥ ኢና’ሞ፤ ተሰኪምኩሞ ዘለኹም ምስጢራት ኢሳይያስ ከካብ ዝባንኩም እተውርድሉ ሰዓት ኣኺሉ ኣሎ፣

እቲ ንሰባት ከም ዲፖሳብል ስሪንጋ ተጠቒሙ ዝድርቢ ዕሉል ሰታይ ደም ኢሳይያስ። ንናይዝጊ ክፍሉ ካብ ዝድርብዮ ኣይወሓደን፣ ቅድሚ ደርዘን ዓመታት ኣቢሉ ኮኾብ ናይዝጊ ኣብ ዝወደቐሉ ግዜ ብዙሓት ተጋደልቲ ይዳፈሩዎ ነይሮም ኢዮም፣ እቶም ኣብ እንዳ መስተ ዝተጸርፉ ተጋደልቲ ጸጉ ፍሰሃየን ወልደጋብር ወዲ ሮማን ፈትዩ ክሳብ ዝጸልእ ምስ ቀጥቀጥዎ፤ ብብዙሓት ሰባት ክድፈር ተራእየ፣ ኣብ ኤክስፖ ምስ ሓልቕኡ ኢሳይያስ ብጉዳይ ትውልዲ ምጭርራቕ ኣብ ዝተጀመረሉ እዋን ድማ ክሳብ ሃለዋቱ ዘጥፍእ በቲ ቀንዲ ናይ ደም ወዲ ዕቁቡ ዝኾነ ኢሳይያስ ተቐጥቀጠ፣ ካብቲ ግዜ እቲ ኢዩ’ምበኣር ኣብ እንዳ መስተ ገለ ምስጢራት ከየምሉቕ ብምባል ክሳብ ዕለተ ሞቱ ናብ ዓዲ እንግሊዝ ይጽናሕ ዝብል ጥበብ ዝተማህዘ፣

ነዊሕ ኣብ ዘይኮነ ግዜ። ካልኣይ ምዕራፍ ሞት ክናና ኣብ ኢሳይያስ ክድገም ኢዩ፣ ወዲ ሰብ ታሪኹ’ምበር ሂወቱ ኣይትነብርን ኢያ፣ ከቢድ ምስጢራት ገበነኛ ኢሳይያስ ኣፈወርቂ ተሰኪሙ ንዝሞተ ናይዝጊ ንመዋእል ብወለዶታት ኤርትራ ክርገም ክነብር ኢዩ፣ ናይ ዕድል ጉዳይ ኮይኑ ድማ እቶም ደቁን ደቂ ደቁን። ደቂ ከዳዕ፤ ደቂ እቲ ገበነኛ ምባል ጥራይ ከይኣኽሎም እነሆ ቅድሚ ሎሚ ተሰሚዑ ዘይፈልጥ ‘ደቂ እቲ ሬስኡ ናብ ኤርትራ ንከይኣቱ ዝተኸልከለ’ ክበሃሉ ክነብሩ ኢዮም፣ ደቂ ናይዝጊ ክፍሉ ኣቦኦም ዝገደፎ ሰነዳትን ለበዋን ናብ ህዝቢ ኤርትራ እንተኣረኪቦም ካብቲ ሕማቕ ስምን ውርሻን ክድሕኑ ኢዮም፣ እምበኣርከስ እታ ሞት ሓንቲ ክነሳ። ዓሰርተ ሞት ዝብልዎ ደጊም ከምዚ ኢዩ፣

“ኣድጊ ካብታ ሙማታ ምጉታታ’’ ምስ ሞት ገበነኛ ናይዝጊ ክፍሉ ዝምሰል ምስላ ኢዩ፣ ናይ ኢሳይያስ ሓሳዊን እሙን መሻርኽቲ ምስጢሩን  ዝነበረ፤ ናይዝጊ ክፍሉ ከም ዝሞተ ሰሚዕና፣ እዚ ኢዩ’ምበኣር እቲ ልጉባት ማንታ ናይ ዝነበሩ ክናናን ምናናን ሞት ክናና ዝበሃል፣ እቲ ኣብ ሕብረተሰብና ከም ዓቢን ናይ መወዳእታን መርገም ዝቑጸር ዝነበረ ኣማውታ፤ “ሞት ክናና” እነሆ ቀዳማይ  ምዕራፉ ኣብ ናይዝጊ ክፍሉ ተራእዩ ኣሎ፣

ኣብ ዘመነ-ኢሳይያስ  ናብ ዓላ ካብ ዝኣተወላ መዓልቲ ክሳብ’ዚ ምኽልካል ሬሳ ናይዝጊ ዘይተነግረ’ምበር  ዘይተገብረስ የለን፣ ካብ ዝስለፍ ናብ ቅድመ-ግንባራት ከቲቱ እንኮ ጥይት ዘይተኮሰ እሙን ኢሳይያስ ዝነበረ ገበነኛ ናይዝጊ፦ ከምቲ ንዝኣመነ ብሴፍ ንዝኸሓደ’ውን ብሴፍ ዝበሃል፤ ሬስኡ ኣብ ሓመድ ኤርትራ ወይ ኣብ ቀላይ ቀይሕ ባሕሪ እመት መሬት ንከይትረክብ ተኸልኪሉ፣ ናይ ሓዘን ቴንዳ ከይትከል፦ ብዛዕባ ሞት ናይዝጊ ብዜና ከይንገር፦ ኣብ ዓዱ’ውን ጸሎተ-ፍትሓት ከይግበር፦ ዝብል ጥብቂ ትእዛዝ ኢሳይያስ ሰሚዕና፣

እታ ንቀዳሞት ገዛእቲ ቱርካውያን። ኢጣልያውያን። እንግሊዛውያንን ኢትዮጵያውያንን ሓመዳ ዘይበቐቐት ሃገርና ኤርትራ ንመስተንክር ክኸውን ኢሉዎ ንሬሳ ገበነኛ ናይዝጊ ፎእ ኢላ ነጺጋቶ፣

እሙን ዓቀይታይ ኢሳይያስ ዝነበረ ናይዝጊ ክፍሉ፤ ኣብ ደጀን ሰውራ ንዝነበረ መዓልታዊ ናይ  ምሁራትን ኣገደስቲ ውልቀ-ሰባትን ጸብጻብ ናብ ኢሳይያስ የቕርብ ነበረ፣ ኣብቲ ብ1973 ዓ.ም. ዝነበረ ናይ ምእራም ተቓውሞ ምሁራት “መንካዕ” ዝብል ስም ዘጠመቖ ድማ ንሱ’ዩ ዝነበረ፣

ሌላ ናይዝጊ ክፍሉን ኢሳይያስን ቅድሚ ኣርበዓ ዓመታት። ካብ 1970 ኢዩ ጀሚሩ፣ ኣብቲ ብወርሒ ለካቲት 1972 ዓ.ም. ኣብ በይሩት ኣብ መንጎ ልኡኽ ወጻኢ ጉዳይ ነበርን ሓይልታት ሜዳን ዝተገብረ ኣኼባ። ናይዝጊ ክፍሉን  መስፍን ሓጎስን ምስ ኢሳይያስ ተኻፊሎም ነበሩ፣ ናይዝጊ ካብ ሩስያ ንሜዳ ኣትዩ ብ1973 ዓ.ም. ቅድሚ ምስላፉ ኣብ ኣሜሪካ መስራቲ ኤ.ና.ሰ.ኤ. (ኤርትራውያን ንናጽነት ኣብ ሰሜን ኣሜሪካ) ነበረ፣

ናይዝጊ ቅድሚ ምስላፉ  ብከመይ ምኽንያት ምስ ኢሳይያስ ከም ዝተፋለጠ ሎሚ እቲ ቅንጣብ ምስጢር ኢሳይያስ ንከየሙሉቕ ብማዕተቡ ዝመሓለ ኣቶ መስፍን ሓጎስ ጥራይ ኢዩ ዝፈልጥ፣ ‘ንግሆ ዘይትንስእ’ሲ እግሩ ናብ ደገ ይሓድር’ ከም ዝበልዎ ወለዲ፤ ደጊም ኤርትራ ናይ ደቃ ንብረት ንክትከውን ኣብ ቅርዓታ መራግእቲ ይግበረላ ኣሎ’ሞ ንሓዋሩ እግርኻ ኣብ ደገ ከይከውንሲ ሎሚ ብተኽ፣

ታሪኽ ኩዒትካን ንሓመድ ነፊኻን ዘይርከብ ናይ ወለዶታት ቅርሲ ኢዩ፣ ኣቶ መስፍን  ኩላትና ነበርቲ ኣይኮናን! ኤርትራን ሰንሰለታዊ ወለዶ ህዝባን ግን ክነብሩ ኢዮም’ሞ ሎሚ’ውን እቲ ካብ ወርቂን ኣልማዝን ዝኸብር ተሰኪምካዮ ዘለኻ ምስጢራት ገበነኛ ኢሳይያስ (ጉዳይ ኣሰላልፋኡ። ምፍላይ ካብ ጀብሃ ኢሳይያስ። ጉዳይ ዓላን ኣብርሃም ተወልደን። ጉዳይ ቃኘው። ጉዳያት መንካዕን ኢብራሂም ዓፋን። ጉዳይ ኣመጻጽኣ ጉጅለ ህግደፍን ኲናት ባድመን። ምስጢራት ጉጅለ 15ን። ወ.ዘ.ተ…) ነቲ ብደም ዝዘቕበበ ጸሊም መጋረጃ ኢሳይያስ ቀዲድካ ንደቂ ሃገርካ ንከተርክብ ብታሪኽ ትሕተት ኣሎኻ፣ ሞት ናይዝጊ። ቀዳማይ ሞት ክናና ጋህዲ ኣብ ዝኾነሉ ግዜ። ሞት ኢሳይያስ። ካልኣይ ሞት ክናና ንክንሰምዕ ድማ ምድረ-ሰማይ ይሃምም ኣሎ፣ ገበነኛ ኢሳይያስ ብደቂ ህዝቢ ክርሸን ኢዩ! ደሙ ከኣ ዘይከም ደም ጀጋኑ ናቕፋ፤ ኣብ ፋኛቱራታት ማይ በላ ጃሕ-ጃሕ ክብል ኢዩ፣

ወይ ጉድ! ናይ ናይዝጊ ገደደ። ሓመድ ኣዳም ፈንፊንዎ፣ ኣብ ዘመነ-ገድሊ በታ ዕረ ዝኾነት መልሓስ ናይዝጊ ክፍሉ ዘይተጸርፈ ተጋዳላይ ኣይነበረን፣ እቲ ብከተማ ዓደን ኣቢሉ ንሜዳ ዝተሰለፈ ናይዝጊ ኣብ ጉዕዞ ባሕሪ ኣብ ዝነበረሉ ግዜ’ውን ነቶም መማጽእቱ ጸሪፍዎም ከም ዝነበረን፤ ክሃርምዎ ኣብ ዝተሃንደዱሉ ግዜ’ውን ብዕረቆ-ዕረቆ ተገላጊሎም ከም ዝነበሩ መሳልፍቱ ይገልጹ ኢዮም፣

ተጋዳላይ ናይዝጊ ክፍሉ ኣብ ሜዳ ብጸርፊን ታህዲድን ዝልለ ሰብ ነበረ፣ ኣብ ሜዳ ብጉዳይ “መንካዕ’ ብድሕሪ ናጽነት’ውን ኣብ ሚኒስትሪ ውሽጣዊ ጉዳያት ኣብ ትሕቲ  ዓሊ ሰይድ ዓብደላ ኮይኑ ይሰርሓሉ ኣብ ዝነበረ ግዜ። ብሂወት ብዙሓት ኤርትራውያን ተሓታቲ ኢዩ ዝነበረ፣ ኢሳይያስ ከም ሚኒስተር ዜና። ቀጺሉ’ውን ንቁሩብ ኣዋርሕ ኣብ ጉዳያት ዞባዊ ምምሕዳር ከም ተሓጋጋዚ ቤት ጽሕፈቱ ገይሩ ሸይሙዎ ነበረ፣

ናይዝጊ ክፍሉ ሚኒስተር ዜና ኮይኑ ኣብ ዝተመዘዘሉ ግዜ ከኣ ንሓለፍቲ እቲ ሚኒስትሪ ፍሉይ ኣኼባ ገይሩሎም ነበረ፣ ሽዑ ከምዚ ሎሚ ከይኮነ ሓምለ-ሰነ ብዛዕባ ጉዳይ ናይ ስራሕ ምስጢራት ጸቒጡ ተዛረቦም፦

“ምስጢር ክትዕቅቡ ኣለኩም። ንዓና ንህዝባዊ ግንባር ካብ  ቀደም ክሳብ ሎሚ ዘዐወተና ምዕቃብ ምስጢርና ኢዩ፣ ኣነን ኢሳይያስን እንፈልጦ ናይ ሳሕል ምስጢራት  ንህዝቢ ኤርትራ እንተዝንገሮ፤ ዎላሂ ብሙሉኡ እዚ ህዝቢ ምተጸለለ ነይሩ’’ ኢሉ ከይተፈለጦ ሓቂ ተዛረበ፣

ልክዕ ኢዩ  ከኣ። እቶም ነቲ ናይ ጀጋኑ ሃገራውያንን ምሁራትን ምቕንጻል ዘጸልል ምስጢራት ዝፈልጡ ብሂወት ተሪፎም ዝነበሩ ውሑዳት ሰባት ጥራይ ኢዮም፣ ነቲ ኣብ ክፍሊ ዜና እንከሎ ዚዛረቦ ዝነበረ ፍኑው ምስጢራት ከኣ  ዓሊ ዓብዱ ተተሰኪሙ ናብ  ኢሳይያስ ኣፈወርቂ የብጽሖ ነበረ፣ ብዛዕባ ናይዝጊ ዚዛረቦ ዝነበረ ኢሳይያስ መአረምታ ኣብ ዝሃቦ ግዜ ከኣ። እቲ ዝሓሰወሉ ዓሊ ዓብዱ ምዃኑ ፈለጠ፣

ዓርኪ ሰባር ነቓዕ ሚኒስተር ነበር ናይዝጊ ከምዚ ሎሚ ሞት ክናና ከይሞተ እንከሎ፦

‘’ካብዛ ሎሚ መዓልቲ ንደሓር ብሓላፍነተይ ካብ ምዱብ ስራሕካ ኣደስኪለካ ኣለኹ፣ ኣጸቢቕካ ፍለጠኒ! ናይዝጊ ክፍሉ’የ፣ እወ ኣነ ናይዝጊ እየ። ንሰብኡት ብኾፎም ዘሽይን ሰብኣይ ምዃነይ ኣጸቢቕካ ሕተት፣  ሕጂ ናብ ኣያኻ ኬድካ ጥራዕ’’ በሎ ናይዝጊ ንዓሊ ዓብዱ ኣብ ቅድሚ መሳርሕቱ፣

እቲ ኢሳይያስ ከም ፍቱው ኩርኩር ኣብ ስንጭሮ ዓንበርቦብ ጸባን ቢስኩትን እናመገበን ብናቱ ሰረተ-እምነት ዝመልመሎን ዘዕበዮን፤ ናብ ዝባን ጎቦ ኣንጆታይ ኣደይቡ ንጎላጉል ማህሚመት። ኣስራይ። ኣውገትን እምባ ንያላን ብክሻፋ ዘርእዮ ዝነበረን ዓሊ ዓብዱ’ውን ኣይሓመቐን፤ ኣብቲ ሚኒስትሪ ብናይዝጊ ክፍሉ ዝግበሩ ዝነበሩ ድኽመታትን ዘምልቖም ንዝነበረ ምስጢራትን ናብ ሓለቕኡ እናተዘባዘበ ምብጽጻሕ ቀጸለ፣ ኣብ መወዳእታ ህያቡ ድማ ግዝያዊ ሚኒስተር።  ጸኒሑ’ውን ቀዋሚ ሚኒስተር ዜና ንክኸውን ምስ በቕዐ፤ እቲ ምስጢራት ኢሳይያስ ንከየምሉቕ ዝፍራሕ ዝነበረ ገበነኛ ናይዝጊ ክፍሉ ድማ ከም ሓላው ስጡሕ ናብ ዓዲ እንግሊዝ ተደርበየ፣ ንውልቀ-መለኽቲ ዘገልገለ እዚ ኢዩ ፍዳኡ፣ ሬሳ ናይዝጊ ሓመድ ኤርትራ ካብ ተነፍጎ። ንሬሳ ኢሳይያስ’ከ እንታይ ኢዩ ክፈርድ ሓመድ ኤርትራ?

ኣንቱም ገና ነቲ ገበነኛ ሰብ። ዘርኢ ኤርትራውያን ንምጥፋእ ግናይ ትልሚ ክርዳድ ዝተለመ ኢሳይያስ ተገልግሉ ዘለኹም ጀነራላት። ሚኒስተራት። ኣማሓደርቲ ዞባታት። ሰበ-ስልጣናትን ኣባላት ህግደፍን ይኣኽለኩም ምንብርካኽ፣ ኣንቱም ብወዲ ኣውራጃና። “ሓማሴናይ ኢዩ”…ብወዲ ሃይማኖትና “ክስታናይ ኢዩ”…ተጋዲሉ ዘጋደለ “ጅግና! ኣንበሳ ናቕፋ ኢዩ” እናበልኩም ኣብ በረድ ረጊጽኩም ዘለኹም ደቂ ኤርትራ፤ ካብዚ ዝዓቢ ኣስኳላ የለን’ሞ ዕድል ከይሓልፈኩም ሎሚ ታሪኻዊ ስጉምቲ ንክትወስዱ ህዝባዊ ነጋሪት የቃልሕ ኣሎ፣ ኢሳይያስ ስነ-ምግባርን ሰብኣዊ ሕልናን እንተዝህልዎ ንሬሳ እሙን ኣገልጋሊኡ ዝነበረ ናብ ዓዲ ምእታው ኣይምኸልከለን፣ ኢሳይያስ መትከላዊ ዓርኪ። ሃይማኖት። ኣውራጃን መንነትን ዘይብሉ ብሕጊ ጫካ ዝምራሕ መንደላይ ተመን ኢዩ፣ ካብ ዝስለፍ ክሳብ ግዜ ናጽነት ኣብ ውግእ ሓድ-ሕድ ይኹን ምስ መግዛእቲ ኢትዮጵያ ኣብ ዝግበሩ ዝነበሩ ውግኣት ክንደይ መዓልታት ከም ዝተዋግአ ጽባሕ ቢጊሓት ታሪኽ ክነግረና ኢዩ፣ ኢሳይያስ ካብ ዝስለፍ ኣትሒዙ ብዘይካ ንጽላሎቱ ንማንም ሰብ ዘይኣምን ከዳዕ ፍጥረት ኢዩ፣

ገበነኛ ኢሳይያስ ካብ ኣስመራ ተበጊሱ ናብ ኣውራጃታትን ሳዋን  ምብጻሕ ኣብ ዝገብረሉ ግዜ። መራኸቢ ተለፎናት /ሞባይላት/ ናይቶም ኣብ ሓሙሽተ ላንድ ክሩዘራት ዝተሳፈሩ ኣሰነይቱ ምስኡ ኢየን ዝተሓዛ፣ ንሱ ክልተ ዓይነት መራኸቢ ተለፎናት /ኢንተርናሽናልን ናይ ውሽጢ ሃገርን/ ሒዙ እናተራኸበ ክኸይድ እንከሎ ኩላቶም ካልኦት ሰበስልጣናት ግን ምስ ስድራ ቤቶም’ውን ንክራኸቡ መሰል የብሎምን፣ ሰባት ከመይ ገይሮ ንከምዚ ዝኣመሰለ ኣሽካዕላልን ውጹእ ምልኪን ከም ዝጻወሩዎ ድማ ንመስደምም ኢዩ፣ እምበኣር ይኣክል በል ኣንታ ተንበርካኺ፤ ኣብ መስርዕ ህግደፍ ዘለኻ ወዲ ኤርትራ። ‘ብድሕሪ ሞት ጥዕና ቅበጽ’ ከም ዝበሃል፤ ብድሕሪ ሞት ናይዝጊ ደጊም ቅበጽ! መስፍን ድማ ምስ ፎርዖን ምልፋን ያዕ ኢልካ ዕዳኻ ክፈል፣ ሕሰብ…ሕሰብ ትብል ኣላ ዓደቦኻ፣ ንእስነትን ተስፋ ምሃብን ዓቢ ዕዳ ኢዩ’ሞ እቲ ብንእስነትካ ኣብ ጎላጉል ሰምሃር: ኣብ ዊናን ድግሰናን። ኣብ ግራት ወዲ-ኣድክመን ርእሲ ዓዲን ከምኡ’ውን ኣብ ጠረዚት ሳሕልን ሩባታት ሕዳይን ንህዝብኻ ስለ ናጽነትን ሓርነትን ዘተስፈኻዮ ባህጊ ሕጂ ክፈሎ፣

 

ካልኣይ ምዕራፍ ሞት ክናና ኣብ ኢሳይያስ ክድገም ኢዩ!

 

alenakoena@gmail.com

 

ኣለና ብውሽጢ። ኣለና ብደገ!

ብዓወትና ንኣምን!

ሞት ክናና ንኢሳይያስ!!

]]> http://assenna.com/%e1%88%9e%e1%89%b5-%e1%8a%93%e1%8b%ad%e1%8b%9d%e1%8c%8a%e1%8d%a4-%e1%88%9e%e1%89%b5-%e1%8a%ad%e1%8a%93%e1%8a%93%e1%8b%a9-%e1%88%98%e1%88%b5%e1%8d%8d%e1%8a%95%e1%8d%a4-%e1%8b%ad%e1%8a%a3/feed/ 12 ቀደምሲ ንህዝብኻ ንሃገርካ ሎሚኸ ምእንተ መን ኢኻ? http://assenna.com/%e1%89%80%e1%8b%b0%e1%88%9d%e1%88%b2-%e1%8a%95%e1%88%85%e1%8b%9d%e1%89%a5%e1%8a%bb-%e1%8a%95%e1%88%83%e1%8c%88%e1%88%ad%e1%8a%ab-%e1%88%8e%e1%88%9a%e1%8a%b8-%e1%88%9d%e1%8a%a5%e1%8a%95%e1%89%b0/ http://assenna.com/%e1%89%80%e1%8b%b0%e1%88%9d%e1%88%b2-%e1%8a%95%e1%88%85%e1%8b%9d%e1%89%a5%e1%8a%bb-%e1%8a%95%e1%88%83%e1%8c%88%e1%88%ad%e1%8a%ab-%e1%88%8e%e1%88%9a%e1%8a%b8-%e1%88%9d%e1%8a%a5%e1%8a%95%e1%89%b0/#comments Tue, 21 Feb 2012 14:09:33 +0000 assenna http://assenna.com/?p=8534 more]]> ተስፋማርያም ወ/ጊዮርሂስ

19/02/2012 Norway

ህግደፍ ይፍሕር ኣሎ ኲናት ክውልዕ

ሓላው ወሰን ሎሚኸ ንመኒኻ ክትስዋእ

ነዞም ሕማም ዝሓዞም ንህዝቦም ዘጽልእ

ንብዓል የማነ ማንኪ ንኾንቱ ክትብጃእ

ንዘይ ረብሑ ክትብል ዘርእኻ ክጠፍእ

ኣስተውዕል ጅግና ዝብለካ የለን ደጊም

ነብሰ ቅትለት ከይመስል ጸሊም መርገም

እናፈለጥካ ኣይትጽደፍ ተኣለ ካብ ህጉም

ንህዝቦም ዝተሰዉኡ ኣብቂዖም ቅድም

ጀጋኑና ንዘላአለም ኣይርሳዕን ታሪኾም

ህግደፍ ዝኣጎዶ ውግእ የብሉን ትርጉም

ሃገር ኣረኪቦም ጀጋናኑ ኣያታትካ

ሰላም ዘይፈቱ ነግራም መራሒኻ

ሓድሽ ኲናት ከፊቱ ከጽንት ንዓኻ

ምውዳእ ኣቢኻዮ ኣብደገ ኣብበረኻ

ይምህዘልካዩ ዘሎ ተንኮል ማሕለኻ

ድፋዑ ክትከውን ንህይወቱ ክትሕሉ

መዝሓል ጥይት ክትኮኖ ክትስዋኣሉ

ኣይፋልካን ድኣ በሎ ይስ.ሓና ባዕሉ

ምረት ኲናት ክጥዕማ ልቐቕ ግለለሉ

ስረ ተሎ ኸኣ ዕጠቑ ይበሎም ንዘጣቕዕሉ

ዘጽሙሙና ንሕና ምስ መንግስትና እናሉ

ሕጊ እንዳማቶም ጥሒሶም ዝስዕስዕሉ

ብማዕዶ ተዋጋኢ ኣብ መልሓሱ ሓይሉ

ብእተበርክቶ ዓወትካ ተገቲሮም ዝሳአሉ

ነዞም ደፋራት ነደታት ነቦታት ዝዝንጥሉ

ጸውዓዮም ክንሰምዖም ታይከምዝብሉ

ስማዕ ዋርሳይ እካኣሎ ዳግማይ ከይትጋገ

ንህግደፍ ዝሓልዩ.ለዉ ኣብ ወጻኢ ኣብ ደገ

ኣብርየኒ በሎ ንህግደፋዊ ኣብ ስደት ዝኣረገ

እዋይ ተዝጽውዕዎስ ሕማም ልቢ ምዓደገ

ኣብዚ መኸተ መኸተ ተበለ የብሉን ፋይዳ

ናዓ ኣብዚ ኮንካ መክት በሎ እፈትና ታሜዳ

ከስተማቕሮ ኣብ ኲናት ዘሎ መርዛም ዕዳ

በዚያ ተማርር ወላዲት ኮንቱ ዝዓረበ ወዳ

ክንዲ ትምስገን ትኾርዕ ብህግደፍ ተዋሪዳ

መኸተ እናልካ ብቀይሕ ጨርቂ ምምንዛር

እናፈከርካ ኣብ ወጻኢ ተሓቢእካ ምንባር

ዘየሎን ዘይተሰርሐን ኣማዕቢልካ ምቅንጃር

ኲናት ንህግደፍ.ምበር ኣየርብሕንዩ ንሃገር

ዋርሳይ እካኣሎ ዓይኒ ፍታሕ ልቢ ግበር

ይኣክል ምግልጋል ንብዓል ዓሊ ዓብዱ ፈገር

ንግርማስሞሮም ሓሳዊ ናይ ፖለቲካ ዓንዛር

ንበዓል ሓጎስ ክሻ ናይ ኢሰያስ ኩርኩር

ነዚ ጻሕጻሒ ፈሽኳል ቦጅባጅ ዘየጋብር

ንማንኪ ዕሸላት መንእሰይ ሓስዩ ዘስክር

ወጅሂ ዘይብሉ ብትርኢቱ ሰብ ዘዕውር

ዓርኪ ዲያብሎስ እዝስ ሃገር ከመሓድር

ሓደራ ዋርሳይ እካኣሎ ነብስኹም ሓልዉ

ስድራኹም ከይተጒሁ ዳግማይ ከይቅንዘዉ

ኣብ ዝሓለፈ ደቆም ዘዎፈዩ ታይመስሉለዉ

ዝወለዱ ተሳቕዮም ተመለሱ ገዛኹም እተዉ

ንስድራኹም ሕሰቡ ጌና ብሂይወቶም ከለዉ

ዋርሳይ እካኣሎ ሕሰብ ከይትደናገር

ነገር ከይተባርዐ ተበገስ ዶብ ተሳገር

ምእንቲ መጣቓዕቲ ኣካላትካ ኣይትስበር

ክሳብ ዝወግሐልና ኣብ ዓዲ ሰላም ንበር

እቶም ተጣቕዑ ትሰግዱሉ ትኣምንዎ

እንሆ ሜዳ እንሆ ፈረስ ኪዱድሕንዎ

ወዳሓንኩም፣

ኤረና ኩሑሎ ሎም ዘመን ሓዲኡሎ

]]> http://assenna.com/%e1%89%80%e1%8b%b0%e1%88%9d%e1%88%b2-%e1%8a%95%e1%88%85%e1%8b%9d%e1%89%a5%e1%8a%bb-%e1%8a%95%e1%88%83%e1%8c%88%e1%88%ad%e1%8a%ab-%e1%88%8e%e1%88%9a%e1%8a%b8-%e1%88%9d%e1%8a%a5%e1%8a%95%e1%89%b0/feed/ 13 ወጋሕ ትበል ለይቲ ምስወናማት ደረፍቲ – Frankfurt am Main http://assenna.com/%e1%8b%88%e1%8c%8b%e1%88%95-%e1%89%b5%e1%89%a0%e1%88%8d-%e1%88%88%e1%8b%ad%e1%89%b2-%e1%88%9d%e1%88%b5%e1%8b%88%e1%8a%93%e1%88%9b%e1%89%b5-%e1%8b%b0%e1%88%a8%e1%8d%8d%e1%89%b2-frankfurt-am-main/ http://assenna.com/%e1%8b%88%e1%8c%8b%e1%88%95-%e1%89%b5%e1%89%a0%e1%88%8d-%e1%88%88%e1%8b%ad%e1%89%b2-%e1%88%9d%e1%88%b5%e1%8b%88%e1%8a%93%e1%88%9b%e1%89%b5-%e1%8b%b0%e1%88%a8%e1%8d%8d%e1%89%b2-frankfurt-am-main/#comments Tue, 21 Feb 2012 13:56:31 +0000 assenna http://assenna.com/?p=8529 more]]> ነጻ ማሕበር ኤርትራውያንደቂ-ኣንስትዮንሰላምንዲሞክራስን

ዕድመ

ታሪኻዊት ንዓለም-ለኻዊትን መዓልቲደቂ-ኣንስትዮ (8 መጋቢት ) ብምዝካር ሓቢርና ከነብዕልን ከነኽብርንነጻ ማሕበር ኤርትራውያንደቂ-ኣንስትዮንሰላምንዲሞክራስን

ብመጀመርያንኤርትራውያንኣሓትቀጺሉውንንኹሎምክፋላትኤርትራውያንሕብረተሰብናብሓፈሽኡድማንኹሎምመሓዙትናንፈተውትናንብኽብረትይዕድም።

ዕለት፡          24.03:2012

ቦታ፡           Kleyer str.21   Kleyerstraße 21

60326 Frankfurt am Main

beim (Adlerwerk)

ሓበሬታ፡

ካብHauptbahnhof  Frankfurt am Main  ዝተፈላለየመጉዓዝያኣሎ።

1)     Strassenbahn 11 ን 21 ስጋብGalluswarte,

2)     ብ S-Bahnen 3/4/5/6 ሓንቲስቴሽንስጋብGalluswarte. ካብGalluswarteብኣውቶቡስ 52 ስጋብKriegstr.  ካብኡናይ 5 ደቒቕብእግርኹምትምልኡ

 ጻውዒት ፡

- ንኹለን ኤርትራውያን ደቂኣንስትዮ

ንውልቀምልካዊ ስርዓት ህግደፍ ተቓውሞአን ንኸበርክታ

- ብሓባርን ብንጹር መርገጽን ንድሕነት ህዝቢ ኣብ ጎኒ ተቓወምቲ ሓይልታት ንኽስለፋ ንግዲአን ከበርክታን፡

- ንሰላም ንፍትሒ ንህዝቢ ኤርትራ ክትስኣ

- ብማዕርነትዝተረጋገጸመሰልደቂኣንስትዮእተኽብርዲሞክራስያዊት ኤርትራ ንምህናጽእጃመን

ከበርክታ

ሓበሬታ፡

ኣብዚሓጺርግዜተወሳኺሓበሬታትከነስዕብእዩ።

ዓወትናኣብሕብረትና!

ሽማግለ

ነጻ ማሕበር ኤርትራውያንደቂ-ኣንስትዮንሰላምንዲሞክራሲን – ዞባኦይሮጳ

]]> http://assenna.com/%e1%8b%88%e1%8c%8b%e1%88%95-%e1%89%b5%e1%89%a0%e1%88%8d-%e1%88%88%e1%8b%ad%e1%89%b2-%e1%88%9d%e1%88%b5%e1%8b%88%e1%8a%93%e1%88%9b%e1%89%b5-%e1%8b%b0%e1%88%a8%e1%8d%8d%e1%89%b2-frankfurt-am-main/feed/ 4 ክልተ ሞት!! – ናይዝጊ፡ ናይ-ሰብ ዘይኮንካ ‘ሞ ከመይ ኢልካ እዩ ናይ-እዝጊ ዝኽወኖ? http://assenna.com/%e1%8a%ad%e1%88%8d%e1%89%b0-%e1%88%9e%e1%89%b5-%e1%8a%93%e1%8b%ad%e1%8b%9d%e1%8c%8a%e1%8d%a1-%e1%8a%93%e1%8b%ad-%e1%88%b0%e1%89%a5-%e1%8b%98%e1%8b%ad%e1%8a%ae%e1%8a%95%e1%8a%ab-%e1%88%9e/ http://assenna.com/%e1%8a%ad%e1%88%8d%e1%89%b0-%e1%88%9e%e1%89%b5-%e1%8a%93%e1%8b%ad%e1%8b%9d%e1%8c%8a%e1%8d%a1-%e1%8a%93%e1%8b%ad-%e1%88%b0%e1%89%a5-%e1%8b%98%e1%8b%ad%e1%8a%ae%e1%8a%95%e1%8a%ab-%e1%88%9e/#comments Tue, 21 Feb 2012 02:25:42 +0000 assenna http://assenna.com/?p=8523 more]]> ካልኣይ ህይወት ከምዘሎ ዝኣምኑ ሰባት ኣለዉ። ክዉንነት እምነቶም ብዘየገድስ፡ ትምኒቶም ኣብ መንግስተ ሰማያት ክሰምረሎም እንተኾይኑ፡ ኣብቲ ዝቐደመ ምድራዊ ህይወቶም ዘጽድቕ ተግባራት ክፍጽሙ ከምዘለዎም ሞራላዊ መሪሕ ስለዝኾኖም፡ ሰናይ ትምኒቶም ካብ ገዛእ-ርእሶም ሓሊፉ ንሕብረተሰብ ‘ውን ጠቓሚ እዩ። ስለዚ፡ ኣብ ገነት ከሕልፉዎ ዘለዎም ተስፋ ካልኣይ ህይወት ክሰምረሎም ጽቡቕ ድሌት እናገለጽካ፡ ነቲ ኣብ ቀዳማይ ህይወቶም ንሰላምን ቅሳነትን ዘለዎም ኣበርክቶ ካብ ምውዳስ ሓሊፍካ፡ ብዛዕባ ሓቅነት ሕልሞም ምምጓት ትርጉም የብሉን። ወዮ ኳ በዚሖም!

በንጻሩ፡ ነቲ ተራ ቀዳማይ ህይወት ከይረኸቡ፡ ክልተ ሳዕ ዝሞቱ ሰባት ኣለዉ። እዞም ሰይጣን ዝሰረሮም እኩያት ሰባት እዚኣቶም፡ ብደምን ገበንን ተቛማጢዖም መሰል ሰላማዊ ህይወት ውልቀሰባትን ህዝብን ብምዝራጎም ሞቶም ገና ብህይወቶም ከለዉ እዩ ዝጅምር። ናቶም’ሲ ዋጋ ኢዶም ምተባህለ፡ ኣብቶም ዝወረዶም ቤተሰቦም ዝገድፉዎ ሓዘንን ጓህን ግን ዝጽወር ኣይኮነን። ሓደ ካብዞም ግዳያት ናይ ከምዚ ዝኣመሰለ ድርብ ሞት፡ ናይቲ ቅድሚ ሰለስተ ሰሙን ዝዓረፈ ኣቶ ናይዝጊ ክፍሉ እዩ።

ናይዝጊ፡ ፈለማ በቲ እኩይ ኢሳይያስ እዩ ተቐቲሉ፡ ንኻልኣይ ግዜ ድማ ብኣምላኽ ሞይቱ። ከምቲ ቅድም ዝበልናዮ፡ እቶም ዝጸድቁ ጥራይ ኣይኮኑን ንሞሳ ጽቡቕ ተግባሮም ኣብ ሰማይ ዝጽበዩዎ፡ እቲ ኣድራሻ ሓጢኣን ዝኾነ ግሃነብ ‘ውን ኣድራሻኡ ኣብኡ እዩ። ኣምላኽ ግን፡ ንናይዝጊ ከይሞተ እዩ ክቐጽዖ ጀሚሩ። ብኣርባዕተ ዝዛኣረዩ ሕማማት ብጽኑዕ ተታሒዙ ሽዱሽተ ዓመት ከምዝተሳቐየ እዩ ዝንገረሉ። ንሰብ መቸም፡ ዋላ ብገበናቱ ኣመና እንተጸላእካዮ፡ ፍርዲ እምበር ሞት ኣይትምነየሉን ኢኻ። እንተኾነ፡ ነቶም ናይዝጊ ኣብ ክንዲ ኢሳይያስ ዘየናሕሰየሎም፡ ብጭካኒኡ ከምዝተሳቐዩ ዝንገረሎም ግዳያት ነዚ እምነት’ዚ ክንሰቝረሎም ኣይንኽእልን ኢና። ንፍርዲ ናይቲ ሕሹኽታ ኣውያት ግዳያት ሰሚዑ፡ “ናይሰብ ዘይኮንካ ናይዝጊ ክትከውን ኣይትኽእልን ኢኻ” ዝበሎ ኣቦይዝጊ ‘ውን ካብ ምቕባል ሓሊፍና እንብሎ የብልናን።

ናይ ኣምላኽ ንኣምላኽ ገዲፍና፡ ክንምርምሮ ዝግባእ ሓደ ጉዳይ ግን፡ ነቲ ኣብ መንጎ መላኺ ኢሳይያስ ኣፈወርቅን ናይዝጊ ክፍሉን ዝነበረ፡ ናይ ጎይታን ጊላን ገበናዊ ዕርክነት እዩ። ኩሉ’ቲ ናይዝጊ ኣብ ልዕሊ ንጹሃት ሰባት ፈጺሙዎ ተባሂሉ ዝምረረሉ ጭካኔን ገበናትን፡ ብትእዛዝ ኢሳይያስ ወይ ድማ ኢሳይያስ ከምዝፈትወሉ ገሚቱ ዝፈጸሞ እዩ። ስለዚ፡ ካብ ናይዝጊ ንላዕሊ ሓላፍነት ናይቲ ገበን ዝስከምን ዝሕተተሉን ኢሳይያስ እዩ። ነዚ ተገንዚቡ ድማ ኢዩ ኢሳይያስ፡ ነቲ ኢዱ ደም ዝተጸየቐሉ ጊላ፡ ከም ኣመሉ ጠሊሙ፡ ኣብ ለንደን ምስ ሞተ ሬስኡ ናብ ኣስመራ ከይኣቱ ክሳብ’ዛ ሰዓት እዚኣ ከልኪሉዎ ዝርከብ። ኢሳይያስ፡ ሞቱ ኣብቲ መጋበርያኡ ዝኾነ ማዕከናት ዜናኡ ከይውረ ‘ውን ክሳብ ሕጂ ኣጊዱዎ ሎ። ውልቀመላኺ ኢሳይያስ፡ ካብ ስልጣኑ ዝቐረብ ዓርኪ ይኹን በተሰብ የብሉን። እዚ ድማ፡ ሞት ናይዝጊ፡ ኣብዚ ካብ ዝኾነ ነገር ኣብሊጹ ዝፈትዎ ስልጣን ክህልዎ ንዝኽእል ኣሉታዊ ጽልዋ ኣብ ግምት ብምእታው ዝወስዶ ዘሎ ተንኮለኛ ስጉምቲ እዩ። ሞት ናይዝጊ ኣብ ዜና ኣብ ዝውረየሉ፡ ሞት ናይዝጊ ሓመድ ኣዳም ኣብ ዝለብሰሉ ግዜ፡ መረረኡ ህዝባዊ ኣጀንዳ ሰማዕትን እኩባት ቀባሮን ስለዝኸውን፡ እሞ ድማ ስም ኢሳይያስን ገበናቱን ማዕረማዕሪኡ ክጥቀስ ስለዝኾነ’ዩ ኢሳይያስ፡ ሬስኡ ኣብ ለንደን ዓጊቱ ሞቱ ከረሳስዕ ድኹም ሜላ ዝፈታትን ዘሎ። ኣብ ሕብረተሰብና ሞት ረዚን እዩ፡ ብፍላይ ንቤተሰብ። ይኹን’ምበር፡ ነቶም ኣብ እዋን ሕማሙ ንዓመታት ክናብዩዎ ዝጸንሑ ቤተሰብ ካብ ሞቱ ንላዕሊ ከፊኡዎም ዘሎ፡ ነቲ ብህዝቢ ዝምረር ዘሎ ስጋኦም፡ ብኢሳይያስ ኣጋጢሙዎ ዘሎ ንኣዳም-ገረሞ ጥልመት ኢሳይያስ እዩ። ሰብ፡ ንኮንዶም ኳ ተጠቒሙ ቆልዑ ከይጻወቱሉ ይቐብሮ፡ ይኽውሎ እዩ። እቲ ኢሳይያስ ንብሕትውና ስልጣኑ ዝተጠቕመሉ ናይዝጊ ግን፡ መቓብር ሓርበኛታትስ ይትረፍ፡ ሓመድ ድበ ዓደቦኡ ‘ውን ጨኒቑዎ ይርከብ ኣሎ። ንሞት ናይዝጊ ኣብዚ እዋን’ዚ ነልዕሎ ዘለና ድማ፡ ገበናቱ ክንጽብጽብ ዘይኮነ፡ ካልኦት መጋበርያ ስርዓት ኢሳይያስ ኮይኖም ኣብ ገበናት ዝቋማጥዑ ዘለዉ ኤርትራውያን ሰበስልጣን ይኹኑ ውልቀሰባት ካብዚ ፈጣጥ ሓቂ’ዚ ክመሃሩ መታን እዩ።

ብፍላይ ነቶም ንእኩይ ባህርያት ኢሳይያስ ካብ ማንም ንላዕሊ ዝፈልጡዎ ላዕለዎት ሰበስልጣን ስርዓት ህግደፍ፡ እዚ ናይ ናይዝጊ ክፍሉ ኩነታት ቀዳማይ ትምህርቲ ኣይኮነን። ሕስረት ናይዝጊ ንዓኣቶም ከምቲ ኣብ ኣጋ ፈተና ዝወሃብ መዘኻኸሪ፡ ድግማ እዩ። ከም ውዮ ሓደ ጽሓፋይ ቅድሚ 10 ዓመት ኣቢሉ ኣብ ዘቕረቦ ንኢሳይያስ ዘዋርድ ተኸታታሊ ጽሑፍ ዝጠቐሶ፡ “ኢሳይያስ ሓዊ እዩ፡ እንተቐረብካዮ መመሊሱ እዩ ዘንድደካ”። ግኒ ኢሳይያስ ግን ብዝነደደ ሬሳ ‘ውን ዝዕገስ ኣይኮነን፡ መወሰኽታ ኣለዎ። ታሪኽ ኣፍ ዘይብሎም ምውታን ምብልሻው፡ ምስ ሬሳ ምብኣስ ስርሑ እዩ። ኣብ ሜዳን መጀመርያ ናጽነትን ኣብ ቤትጽሕፈ ኢሳይያስ ዝሰርሕ ዝነበረ ገዲም ሓርበኛ ተጋዳላይ ዓብደላ ዳውድ ንኣብነት፡ ነብሱ ከምዝቐተለ ንህዝቢ ንምእማን “ኣልኮሊዛቶ ገባእኩ” ዝብል ናይ ኑዛዜ ተዋስኦ ምሂዙ፡ ብድሕሪኡ ህይወቱ ኣብ ማዕከናት ዜና ከውርየሉ ሰሚዕና ኢና። ንሓደ ካብ ቀንዲ ዲፕሎማሰኛታት ኤርትራ ዝነበረ ተጋዳላይ ዓንደሚካኤል ካሕሳይ ከኣ “ካብ ኣስካላ ጸዲፉ ብድንገት ሞይቱ” ኢሉ፡ ከምቶም ካልኦት ዘይተመርመሩ ኣጠራጠርቲ ጥፍኣታት ብኽልተ መስመር ሻባይት ሸፊኑዎ ክሓልፍ ኣብ ዝፈተነሉ ግዜ፡ ከም ብዓል ዓሊ ዓብዱ ብዝኣመሰሉ መሓዮታቱ ኣቢሉ፡ “ዋጋ መዓስ ነይሩዎ፡ ሰኽራም ‘ዩ፡ ኣብ ስሪኡ ክሸይን እንድዩ ጀሚሩ ነይሩ” ወዘተረፈ እናበለ ነቲ ብጅግንነት ዝተጋደለ ዕሉም ሓይሊ ኣየር ዝነበረ ኳዕናን ሰብኣይ ናይ ምንእኣስ ወፍራ ፈንዩሉ ነይሩ። ይኹን ኣይኹን መቸም፡ ካብቲ ናይ ዓንደሚካኤል እኪታት ኢሳይያስ ብዘስዓቦ ብስጭትን ተስፋ ምቕራጽን ኮይኑ ዝበሉና ኣብ ገዛእ ስሬኻ ምሻን፡ እቲ ጽጋብን ስኽራንን ዒፍ ዝበሎ ኢሳይያስ ኣብ ነፍሲ እንዳማቱ ዝኽዕዎ ዘሎ ሽንቲ ኣጸቢቑ ይኸፍእ። ብዝኾነ ኢሳይያስን ተለኣኣኽቱን፡ ነገር ሸፊንካ ምሕላፍ፡ ነቲ ጥርጠራ መሊሱ ከግድዶ ከምዝኽእል ስለዝተገንዘቡ ግምጥል ኢሎም፡ ንቐብሩ ከወዓውዑዎን ወግዓዊ ከምስሉዎን ተራእዮም። ሞቱ ኣብ ውሽጢ ኤርትራ ስለዝነበረ ቀብሪ ስለዘይተርፎ ኣማራጺ ‘ውን ኣይነበሮምን።

ናይዝጊ ክፍሉ ካብ ዝመውት ሰለስተ ሰሙን ገይሩ፡ ብሰንኪ እገዳ ሬሳኡ ብኢሳይያስ ንመብጽሒ ሬሳ ዝተቖርጸ ናይ ኣየር ትኬት ሓሪሩ፡ ናብ መስንሒ ሬሳ ተመሊሱ ስለዘሎ፡ ጥልመታዊ ግብረመልሲ ኢሳይያስ ድሮ ተጋሂዱ ኣሎ። ሕጂ ኣብ ኤርትራ ዘይምቕባሩ ዝኸፍኤ ትሒምሒም ከየምጽኣሎም እንተሰጊኦም ጥራይ እዮም ህግደፍ ንሬስኡ ናብ ዓዲ ክኸይድ ዘፍቅዱሉ። ንስጉምቶም ከመኽንዩ፡ ከምቲ ናይ ዓብደላ ዳውድን ዓንደሚካኤልን ብኣብነት ዝጠቐስናዮ፡ “ገንዘብ ሰሪቑ ነይሩ፡ ብመንግስቲ ዝድለ ዝነበረ ገበነኛ እዩ” ኢሎም፡ በቶም ከይተመራመሩ፡ ዝተዋህቦም ጾር-ወረ ጎሲሶም ገዛ ገዛ ዘበጻጽሑ ደገፍቶም ዘመተ ከካይዱሉ ምዃኖም ድማ ፍሉጥ እዩ። ድሮ ‘ኳ ገጽ ኢሳይያስን ናይቲ ኣብ ሳሕል ንዘስክዖ መኸተ ኣብ ለንደን “መኸተ” ክብል ሰብ ኣጽሚሙ ዘሎ፡ ንበራኽን ቢተወደድን ከይተረፈ ዝጠለመ፡ መጋበርያ ልኡኽ ሰይጣን ዝኾነ ኣምባሳደሩን ርእዮም፡ እግሮም ካብ ምብጻሕ ክስሕቡ ጀሚሮም ከምዘለዉ ‘ውን ይስማዕ ኣሎ።

ንደለይቲ ፍትሒ፡ ካብ ሃለዋት ሬሳ ናይቲ ታሪኽ ተወፋይነቱ ንናጽነት ኤርትራ ኮሊፉ ዋና መሳርሒ ወፍሪ ጽሕያ ንጹሃን ኤርትራውያን ምዃን ዝመረጸ ናይዝጊ፡ ዛንታ ናይቲ ስለ ህዝቡ ኣብ ኤርትራ ብወለንታ ምግዳሉ፡ ኣብ ካናዳ፡ ጠንቂ መንፈግቲ ዑቕባኡ ኮይኑዎ፡ ናብ ኤርትራ ካብ ዝምለስ ህይወተይ ምሕላፍ ይሕሸኒ ኢሉ ኣብ በረድ ሃሊፋክስ ዝተሓንቀ ሃብቶም ክብረኣብ እዩ ዘገድሶምን ዘንብዖምን። እወ እቲ መሪር ዛንታ ናይቲ፡ ብተግባራት’ቶም ኣብ ገድሊ ንእስነቱ መጽዮም፡ ኣብ ናጽነት ናብ ስደት ሃጽ ዘበሉዎ ኢሳያስን ናይዝግን ኣስካሕኪሑ፡ ምስ ሬስኡ ምቅላስ ‘ውን ከምዘይሓድጉ ተገንዚቡ፡ ኣብ ቅንጣብ ወረቐት፡ “ሬሳይ ናብ ኤርትራ ከይትመልሱዎ፡ ሓዊ ኣቃጽሉዎ” ክብል ንስድራቤቱ ለበዋ ዝገደፈ መንእሰይ ተጋዳላይ!

ኣብ ሳንዱቕ ሬሳ ኣትዩ ናብ ኤርትራ ዝነቐለ ናይዝጊ፡ ናብ መጽንሒ ሬሳ ተመሊሱ ኣብ ፍሪጅ ክቕመጥ ከሎ፡ ንቤተሰቡ መሪር ምዃኑ ርዱእ እዩ። ኣብ ክንዲ ከም ናይ ናይዝጊ ክልተ ሞት፡ ሓደ ሞት ይግበረሎም። ነቲ ብህይወቱ ዝተቐጽዐ ናይዝጊ ብቐንዱ ግን መለሳ የብሉን፡ ኣይክፍለጦን እዩ። ህግደፍ ምስ ሬሳ ብምቅላሱ፡ ኣሬሜንነቱ ጥራይ እዩ መሊሱ ዘቃልዕ ዘሎ። ኪኖ ዝኾነ ይኹን ወገን ነዚ ምረት’ዚ ክካፈሉዎ ዘለዎም እምብኣር፡ እቶም ተመሳሳሊ ዕጫ ዝጽበዮም ዘሎ፡ ኣብ ክንዲ ኢሳይያስ ኢዶም ደም ምጽያቕ ስኽፍ ዘይብሎም፡ ኣብ ልዕሊ ኣሕዋቶምን ደቂ ዓዶምን ገበን ዝፍጽሙ ዘለዉ፡ ንሃብቶምን ዓሰርተታት ኣሽሓት ካልኦት ኤርትራውያንን ኣብ ዓድን ግዳምን ዘበሳብሱ፡ ሽዩጣት ሕልና እዮም። ስለ ህዝብኻ ሞት ዕረፍቲ፡ ኣብ ገበናዊ ኣገልግሎት ከም ብዓል ኢሳይያስ ዝኣመሰሉ ዓመጽትን ቀተልትን ሞት ግን ዋላ ድሕሪ ህይወት ዕረፍቲ ዝኸልእ ሞት ከልቢ እዩ። እዞም ታኒካ ናይቲ ሰታዪ ደም ዝኾነ ኢሳይያስ ብምዃን ብተግባሮም እናባህረሩ ዝነብሩ ዘለዉ ነብሰገዳያት እምብኣር፡ መዓልቲ ሕስረቶም ከይኣኸለት፡ ነብሶም ኣንጺሆም ንህዝቦም ጽሩይ ማይ ከስትዩ ክቀዳደሙ ኣለዎም። ዘይወግሕ ለይቲ የልቦን’ሞ፡ ጽባሕ መሬት ብብርሃኑ ከይጽልምቶም ዓይኖም ከንቁሑ ኣእምሮኦም ከንቅሑ፡ ልብን ሕልናን ክገብሩ ይግባእ።

ምልኪ ይፍረስ ሕጊ ይንገስ!!

ኣማኑኤል ኢያሱ

20 ለካቲት 2012

]]> http://assenna.com/%e1%8a%ad%e1%88%8d%e1%89%b0-%e1%88%9e%e1%89%b5-%e1%8a%93%e1%8b%ad%e1%8b%9d%e1%8c%8a%e1%8d%a1-%e1%8a%93%e1%8b%ad-%e1%88%b0%e1%89%a5-%e1%8b%98%e1%8b%ad%e1%8a%ae%e1%8a%95%e1%8a%ab-%e1%88%9e/feed/ 73 መንእሰይ ተሰካሚ ሕድሪ!! http://assenna.com/%e1%88%98%e1%8a%95%e1%8a%a5%e1%88%b0%e1%8b%ad-%e1%89%b0%e1%88%b0%e1%8a%ab%e1%88%9a-%e1%88%95%e1%8b%b5%e1%88%aa/ http://assenna.com/%e1%88%98%e1%8a%95%e1%8a%a5%e1%88%b0%e1%8b%ad-%e1%89%b0%e1%88%b0%e1%8a%ab%e1%88%9a-%e1%88%95%e1%8b%b5%e1%88%aa/#comments Mon, 20 Feb 2012 23:42:51 +0000 assenna http://assenna.com/?p=8520 more]]> ብናይ ኤውሮጳውያን ኣቆጻጽራ እዚ ዘሎናዮ እዋን ልደት ኣሕሊፍና ድሮ ሓዲሽ ዓመት ኢና ንርከብ ዘሎና ናይ ሰላምን ቅሳነትን ሓዲሽ ዓመት ክኾነልና ይምነ፡፡ ኣብ ኩለን ሃገራት መራሕቲ ሃገራት ንህዝቦም መደረን ትንቢት ሓዲሽ ዓመትን ገምጋም ናይ ዝሓለፈ ኣረጊት ዓመት ገምጋምን ኣሕጺሮም ይገብሩ፡። እቲ ካልእ ዝነውሐ ገምጋማት ንናጻ መድያ ይገድፍሎም፡፡ እዚ ጥራይ ዘይኮነ ግን ብምኽንያት ሓዲሽ ዓመት ምኽንያት ብምግባር ንእሱራት ይፈትሑ ሓዲሽ ሕግን ጠቓሚ ነገራትን እውን ይገብሩ ኢዮም፡፡ ኣብ እዋን ልደት 2011 መንግስቲ ኩባ 2900 እሱራት ክርምዝፈትሐ ኣብ ማዕከናት ዜና ተቓሊሑ። ኣብ ሃገርና ከምኡ ዶኾን ይግበር ?ኣይተዓደለን ህዝቢ ኤርትራ፡፡ በንጻሩ ብዙሕ ሃለውለውን ምውርዛያትን ጸለመን ንዝማዕበለ ሃገራትን ክፍሊ ዓለምን ብመራሕ ጭፍራ ህ.ግ.ደ.ፍ ንሰምዕ ኣሎና። ናብቲ ኣርእስተይ እምብኣር ክመልሰኩም፡፡

መንእሰይ ተባሂሉ ዝጽዋዕ ክፋል ሕብረተሰብ ዕድሚውኡ ካብ 17 ክሳብ 35 ዓመታት ዝግምገም ክኸውን እንከሎ ካብ ኣርብዓ ዓመት ዕድሜኡ ናብ ሽማግለ ገጹ ስለ ዝሰጋገር ወደርብዓ ዘርባዕባዓ ፡ ዝብል ቅጽል ስም ይወሃቦ፡፡ እዚ ኣጸዋውዓ እዚ ሎሚስ ዝሰርሕ ኣይኮነን፡ ምስ ምዕባለ ተክኖሎጅን መድሃኒትን ዕድመ ወዲ ሰብ ይናዋሓሉ ኣብ ዘሎ እዋን እቲ ገደብ ዕድመ ንእስነት ንላዕሊ ገጹ ክድይብ ዘይተርፍ ኢዩ፡፡እዚ መንሽሮን መንድዓትን ሕብረተ-ሰብ ኤርትራ ኮይኑ ዘሎ ጭፍራ ህ.ግ.ደ.ፍ ስልጣኑ ንምንዋሕ ነቲ ልሙድ ኣመዳድባ ሓብረተሰብና ብምቕያር ናብ 50ን ልዕሊኡን ብምድያብ ንምግፋፍ ክጥዕሞን ወተሃደራዊ ጽላለኡ ንምርዋይን ይሰርሓሉ ከምዘሎ ዝፍለጥ ኢዩ፡፡

ተራ መንእሰይ ኣብ ሓደ ሕብረተሰብ ብኩሉ እንትንኡ መወዳድርቲ የብሉን፡፡ መንእሰይ ተስካሚ ሕድርን ተስፋ ሃገርን ኢዩ፡፡ ነዚ ዕማማት እዚ ብግቡእ ንኽዓዮ ድማ ብወለዱን ብመንግስቲ ሃገሩን ናይ ትምህርትን ካልእ ሞያዊ ትምህርትን ስልጠናን ክግበረሉ ግቡእን መሰልን ኢዩ፡፡እዚ መሰላት`ዚ ዝረኸበ መንእሰይ ቅድም ንነብሱ ቀጺሉ ንወገኑን ሃገሩን ይጠቅምን የገልግልን፡፡

ካብ`ዚ ብምንቃል ንተራ ኤርትራዊ መንእሰይ እንተርኢና ኣብ ዓለም ውሑድ መዋዳድርትን መዘናን ጥራይ ዝርከቦ ቅያን ጅግንነትን ሰሪሑ ኢዩ፡፡ ጌናውን ይሰርሕ ኣሎ ክሰርሕ`ውን ኢዩ፡፡ ኣብ እዋን ብሰበኽቲ ሃይማኖት ኣምሲሉ ጥልያን እግሩ ናብ ኤርትራ ኣብ ዝረገጸሉ እዋን ናይ ሽዑ እዋን መንእሰያት እዚ ጻዕዳ ህበይ ሓመድ ዓድና ክረግጽ የብሉን ኢሎም መኪቶሞ፡፡ብዝነበሮ ብልጫታት ኣታሊሉ እንተኣስፋሕፈሐን እንተሰበኸን ብዙሕ ኣይሰለጦን፡፡ መንእሰይ ኤርትራ መኪትዎ ጥራይ ዘይኮነስ ስዒርዎ እውን፡፡ ናይ ሽዑ ጀጋኑ ድማ እዚ ዝስዕብ ደረፉ፡፡

ንበር ውግእ ንበሩ ጀጋኑ

ንበሩ ኣብዑር ድራርና ትኾኑ፡፡

ኤርትራውያን መንእሰያት ኤርትራ ነብሳ ዝኸኣለት ሃግር ከምዝኾነት ንሕብረተሰብ ዓለም ንምእማንን ልእላውነቶም ንምርግጋጽን ካብቲ ክገብርዎ ዝኽእሉ ንላዕሊ ጌሮምን ጌናውን ይገብሩ ኣለውን ክገብሩእውን ኢዮም፡፡ ነዚ ስራሕ ጀጋኑ ክሰርሑ እንከለው ሃገራውን ኣህጉራውን ውዲታት የጋጥሞም ስለ ዝነበረን ዘሎን እቲ ዋጋ ይኸብድን ይዓብን፡፡

እቲ ቅድሚ እዚ ሕጂ ዘሎ መንእሰይ ወለዶ ዘሕለፎ ጻዕርን ዝኸፈሎ ዋጋን ክቡር ኢዩ ፡፡ እዚ ክቡር ዋጋ ዝተኸፍሎ ዕዮ ፍረ ውጽኢቱ ንውሑዳት ኮይኑ ስለ ዘሎ ናይ ኩሉ ህዝቢ ንምግባሩ ናይ`ዚ ሕጂ ዘሎ መንእሰይ ትውልዲ ኢዩ፡፡ግን እዚ ብዙሕ ትጽቢት ዝግበረሉ ዘሎ መንእሰይ ትውልዲ ኣበይ ኣሎ? እወ እዚ ሕቶ`ዚ ከይመለስካ ብዛዕባ መንእሰይ ትውልዲ ክትዛረብ ይኸብድ ኢዩ፡፡  እሞ እስከ ህሉውኩነታትኤርትራዊ

ትውልዲ ዝርከበሉ ኩነታትን ቦታን ንፈትሽ፡፡

  1. ከምቲ ቅድሚ ሕጂ ዝተባህለን ዝተጻሕፈን መንእሰይ ትውልዲ ኤርትራ ኣብ መወዳእታ ዘይብሉ ሃገራዊ ኣገልግሎት ብሓይሊ ተጸሚዱን ጅሆ ተታሒዙን ይርከብ፡፡ እዚ ብጉልባብ ሃገራዊ ኣገልግሎትን ወፍሪ ልምዓትን ብምባል ኣብ ፈቐዶ ጎቦታትን ሽንጭሮታትን ከምዝነብር ዝተፈርዶ ትውልዲ ኮይኑ ዘሎ ኢዩ፡፡ እዚ ክፋል ሕብረተሰብን ተስፋ ሃገርን ተመርዕዩ ከይወልድን ከይዝምድን ተማሂሩ ከይፈልጥ ሰሪሑ ከየፍሪ ሓሪሱ ከይሓፍስ ነጊዱ ከየትርፍ ብህ.ግ.ደ.ፈውያን ዝተፈርደ ኢዩ፡፡
  2. ካብዚ ኣደራዕ`ዚ ንምንጋፍን ካብታ ንኽረግጻ እሾኽ ኮይናቶ ዘላ በቦታቱን ኣዴታቱን ኣያታትን ሰንዳታቱን ናጻ ዝወጸት ሃገሩ እግሩ ናብ ዝመርሖ ሃጽ ኢሉ ይስደድ እሞ ኣብጉዕዞ ስደቱ ክትጽብጽቦ ዘጸግም ዓይነቱን ዓቐኑን ዝተፈላለየድኻምን ሽግራትን ሓሊፉ ኣብ ውሑስ ክነብረሉ ዝኽእል ቦታታት ዝበጽሐ ኣሎ፡፡ ኣብቲ ጉዕዞ መስርሕ ዝጠፍኤ ኣሎ እቲ ዝገደደ ድማ ኣብ “ ሲናይ ብደዉ ውሽጣዊ ኣካላቱ ይሽየጥ ኣሎ፡፡እቲ ኩነታት ክትዝክሮ እንኮለኻ መዓንጣኻ ዘሕርር ድቃስ ዝኸልእ ኮይኑ መፍትሒኡ ትደሊ እሞ ብዙሕ ነገራት ኣብ ቅድሜኻ ይግተሩ፡፡ እቲ ዝበለጸን እንኮን መፍትሒ ኸኣ ይርኣየካ፡፡

ህ.ግ.ደ.ፍን መራሒኡን ክእለዩን ክውገዱን ከምዘለዎም ጥራይ ኢዩ እቲ ፍታሕ፡፡እዚ ኣነየ ብዛዕባ ሃገር ዝሓልን ዝሓስብን ኣነ ዝበልኩኹም ግበሩ እንተዘይገበርኩም ከኣ ትእሰሩ ብምባል ድላዩ ዝገብረና ዘሎ መኪትና ከይሰዓርናዮ እቲ ሽግር ዝፍታሕ ኣይኮነን፡ ስለዝኾነ ኣገባብና ኣዋሃሂድናን ኣመዓራሪናን ብተሰካሚ ሕድሪ መንእሰይ ተመሪሕና ካብዚ ኣጋጢሙ ዘሎ ኩነታት ናጻ ክንከውን ይግባእ፡፡

ኣብ`ዚ እዋን`ዚ ተስፋ ዝህብ ምንቅስቓስ መንእሰያት ጀሚሩ ኣሎ፡፡ ሽሕኳ ናህሩ ከምቲ ዝድለ ኣይኹን እምበር እቲ ጅማሮ ዝንኣድ ኢዩ፡፡ እዚ ጅማሮ ሽቶኡ ክወቅዕ እንተኾይኑ እቲ ናህሪ ምንቅስቓስ መንእሰይ ወለዶ ክሕይል ኣለዎ፡፡ከመይ ኢሉ ኢዩ ዝሕይል? እቲ ተጀሚሩ ዘሎ በብሃገሩን ክፍለ ዓለሙን ብዘመናዊ ቶክኖሎጂ ዝፈጠረሉ መራኸቢታት ተጠቒሙ ውዳቤኡ ኣሓይሉ ጠመትኡ ናብቲ ኣብ ውሽጢ ሃገር ዘሎ ዝሕመረቱ ጌሩ ናህሩ ኣሓይሉ ክቕጽል ይግባእ፡፡

ውዕሎ ኒዩ ዎርክ ውዕሎ ጊሰን ውዕሎ ሊድስ ውዕሎ ተልኣቪቭ ን ውዕሎ ሲዊዝን ወ.ዘ,ተ መሊሱ ክደምቕን ክደጋገምን ይግባእ፡፡ ኣብ ውሽጢ ሃገር ዘሎ ህ.ግ.ደ.ፍ ክንስዕሮ እንተኾና ብመጀመርያ ነቲ ኣብ መሰል  ደቂ ሰባት ዝኽበረሉ ሃገራት ኮይኑ ንህዝቢ ዝመቓቕልን ዘፈራርሕን ዘሎ ወኪል እቲ ጉጅለ ብሕጋዊ መንገዲ ክንስዕሮ ኣሎና፡፡ እዚ ድማ ኣብ ዝተገብረ ቅሉዕን ሚስጢራውን ኣኼባታት ብምኻድ ነቲ ኣኼባ ናብ ረብሓ ህዝቢ ምቕያሩ እቲ ፍትሓዊ ቃልሲ ዝብሃል ከኣ እዚ ኢዩ፡፡ ብፍላይ ናብቲ ቅንጣብ  ታሪኽ ቃልሲ ህዝቢ ኤርትራ ዘይፈልጡ ኣንጊሆም ብምስዳድ ናይ ቀለም ትምህርቲ ንምኽዕባት ዕድል ዘጋጠሞም  ውልቀ ሰባት በቲ ስርዓት ብምዕባስ ዝገብርዎ ጎስጋስ ብጭብጢ ክንስዕሮም ይግባእ፡፡

ን ቋንቋ ትግርኛ ዘይትመልኽ ወታእታእ እንዳበለት ኣብ ሃገርና ኢንቨስት ክንገብር ኣሎና ስሰለስተ ገዛ ኣብ ኣስመራ ክንሰርሕ ኣሎና ኣብ ክንዲ ፍሎሪዳ ኣብ ማሳዋ ከድና ከነዕርፍ ኣሎና እንዳበለት ጎስጓስ ትገብርን ጭቡጥ ተግባራት ናይ ዓሳቢኣ ዘይትፈልጥን ሶፍያ ተስፋማርያም ትመርሖ ኣኬባ ብቐሊሉ ክስዓር ዝኽእል ኢዩ። ሓሶትን ትሕዝቶ ዘይብሉ ሶንኮፍ ስለ ዝኾነን፡፡ ሶፍያ ርሕቀት ኣስመራን ሰገነይትን ዘይትፈልጥ ኣብዲ ኢያ፡፡ ህበይ ዶክተር ጊደዎን መሳትኡን መሓዙትን ዝገበርዎ ዘይገበረ ትሕቲ መዘናታቱ ዝምዘን ተበላጺ ሰብ ሰባት ኣኪቡ ብዛዕባ ጉዳይ ሃገር እሞ ድማ ሓሶትን ዝንቡዕን ጎስጓስ ክገብር ክሓንኽን ክሓፍርን ኔርዎ፡፡መእሰይ ወለዶ በቲ ዝውዓሎን ዝርኣዮን ብምጥቃም ከፍሽሎ ይግባእ፡፡ ኣብ እስካንድነቭያን ሃገራትዝዘውር ዘሎ ወይጦ ፕሮፈሰር በርሀ ካብዞም ክልተ ዝገደደ ንማዕቀብ ባይቶ ጸጥታ ኣብ ልዕሊ ጉጅለ ህ.ግ.ደ.ፍ ናብ ህዝቢ ኤርትራ ዘቕንዐ ጌሩ ንሰባት ከዘንብዕ ዝፍትን ምሁር ኣብዲ ኢዩ፡፡ እዞም ወይጦታት ክምከቱ ኣለዎም፡፡

እዞም ወይጦታት ዝብልዎ ዘለው ንጻዕዳ ጸሊም ንለይቲ ቀትሪ ኢዩ ኢዮም ዝብሉና ዘለው፡፡ ንሳቶምን ቤተ ሰቦምን ኣብ ውሕሱን ምችኡእን ቦታ ኣንቢሮም ንደቆምን ቤተሰቦምን ኣብቲ ዝበለጸ ቤት ትምህርቲ እንዳ ኣምሃሩ ብዛዕባ ሳዋን ምክልኻል ሃገርን ክምህሩስ ዓጀብ ኢዩ ዘብል፡፡

እዞም ምስ ተበላጺ ባህርያቶም ብዝፈጠረሎም ዕድል ተጠቒሞም ፊደል ዝቆጸሩን ዝተማህሩን  ውልቀ ሰባት ሃገርን መራሒ ሃግርን ምፍላይ ዝሓርበቶም ንሃገር ኢሳያስ ንኢሳያስ ከኣ ሃገረ ኢርትራ ገይሮም ዝቖጽሩ ሰባት ቅድሚ ንህዝቢ ኣኪቦም ምዝራብ ንነብሱም ክውን ኩነታት ኤርትራን ኣቋውማ ሕብረተሰብ ኤርትራን ክማሃሩ ይግባእ፡፡

ህዝቢ ኤርትራ ብባዕዳውያን ገዛእቲ ዘየጋጠሞ ኣበሳ ሎሚ ብደቁ ዘጋጥሞ ዘሎ ሓሳረ መከራ ጸብጺብካ ዝውዳእ ኣይኮነን፡፡ነዚ ኩሉ ኣደራዕን ጸበባን ብናይ ሓሶት ቃላት ሸፊንካ መሳርሒ ወልቀ መላኺ ሙዃን ልክዕ ታሪኽ ናዚ ኣብጀርመን ብናይ ናዚ ምሁራት ዝተፈጸመ በደል ኣብ ኤርትራውን “ብሙሁራት ኢሳያስ “ይድገም ኣሎ፡፡

እዚ ኣብ ፓልቶካት ዝግበር ጎስጎሳት ዝንኣድ ኮይኑ እዋኑ ግን ናብ ተግባር ንሰጋገረሉ መድርኽ ኢዩ`ሞ ካብ ምዝራብ ሓሊፍና ብግብሪ ንቓላትና ነሰንየሉ መድርኽ በጺሕና ከምዘሎና ክንዝንግዕ የብልናን፡፡

ጅግና መንእሰይ ኣማኑኤል ኢያሱ ዋና መርበብ ሓበረታ ኣሰና ኣብነት ቃልሲ ስለ ዝኾነ ኣሰሩ ስዒብና ኣጆኻ እንዳበልና ብንኽእሎ ዘበለ ኩሉ ክንድግፎ ዝግባእን ግቡእና ኢዩ`ሞ ንበገስ፡፡

ዋዕላ ንዲሞክራስያዊ ለውጢ እቲ እንኮ መጠራነፊ ጽላል ስለ ዝኾነ ዝሕይለሉን ኣድማዒ ዝኾነሉን ምትሕብባር ክረክብ ይግብኦ፡፡ብዝሒ ፖለቲካዊ ውድባት ክሳብ ሕጂ ዘድመዖ ነገር ከምዘየልቦ ታሪኽ ኢዩ፡፡ ክጣራነፍን ክፋናጣሕን ኣብ ነንሕድሕዱ ክናዳሕን ዝባኸነ ዓመታት ታሪኽ ኢዩ፡፡ ሕጂ`ውን ብኽልተ ሰለስተ ሰባት እሞ ጥሙሕን ሕቡእን ኣጀንዳታት ሒዝካን ውድብ ኣሎኒ ምባልን ንቓልሲ ህዝቢ ምድኻምን ብሉይ መድርኽ ኢዩ፡፡ እተን ኣለዋ ዝብሃላ ውድባት ናብ`ዚ እዋን ዝፈጠረለን መድርኽ ኣትየን እቲ ባይቶ ግብራዊ ንምግባር ክጽዕራ እምበር ኣብ እዋን ምምስራት ባይቶ ሰሚርናን ተፋናጢሕናን ክብላና ኣይንደልን ሎሚ ካብ ውድባት ክንሰምዖ ንደሊ ብእውጅ መልክዕ ንዝነበረና ውድብ ናብ ባይቶ ንዲሞክራስያዊ ለውጢ ጸንቢርና ባይቶ ዕውትን ውጽኢታውን ንኽኸውን ንኽእሎ ኣበርክቶ ከነወፊ ኢና ክብላና ኢና ንጽበየን  ፡፡ እተን ገሊኤን ከይሃለዋ ንነብሰን ኣተዓሻሽወን ከምህልዋት ኮይነን ኣጸግዑና ምሳኹም ብምባል ድዩ ሓደ ንኹን ብምባል ናይ ዝሰመራሉ ኣዋጃት ንንባብ ከቕርባ ንርኢን ንሰምዕን ኣሎና፡፡ እዚዝጠስጠሰ መድርኽ ረጊጽዎ ዝኸደ ሙዃኑ ክዝንግዓ ኣይግባእን፡፡

ቃልሲ መንእሰይ ትውልዲ ብኸምዚታት ክተዓናቐፍ ጸንኢሑ ኢዩ፡፡ ባይቶ ብህልኽ ክጓተት ጸኒሑ ኢዩ፡፡ ሕጂ እቲ መድርኽ መድርኽ ስመር ኢዩ መድርኽ መርሽ ኢዩ፡፡ ስለዝኾነ እቲ ንህዝብን ሃገርን ዝጠቅምን ዘድሕንን ቀዳምነት  ተዋሂብዎ ክናህሪ ክንሰርሓሉ ይግባእ፡፡

ዓወት ንህዝባዊ ቃልሲ

ዝኽሪ ንሰማእታት

ግዝኣተ ሕጊ ይንገስ፡፡

ጋብር ብርሃነ፡፡

]]> http://assenna.com/%e1%88%98%e1%8a%95%e1%8a%a5%e1%88%b0%e1%8b%ad-%e1%89%b0%e1%88%b0%e1%8a%ab%e1%88%9a-%e1%88%95%e1%8b%b5%e1%88%aa/feed/ 3 መደብ ድምጺ ኣሰና ሎሚ ሰኑይ 20 ለካቲት http://assenna.com/%e1%88%98%e1%8b%b0%e1%89%a5-%e1%8b%b5%e1%88%9d%e1%8c%ba-%e1%8a%a3%e1%88%b0%e1%8a%93-%e1%88%8e%e1%88%9a-%e1%88%b0%e1%8a%91%e1%8b%ad-20-%e1%88%88%e1%8a%ab%e1%89%b2%e1%89%b5/ http://assenna.com/%e1%88%98%e1%8b%b0%e1%89%a5-%e1%8b%b5%e1%88%9d%e1%8c%ba-%e1%8a%a3%e1%88%b0%e1%8a%93-%e1%88%8e%e1%88%9a-%e1%88%b0%e1%8a%91%e1%8b%ad-20-%e1%88%88%e1%8a%ab%e1%89%b2%e1%89%b5/#comments Mon, 20 Feb 2012 23:35:35 +0000 assenna http://assenna.com/?p=8515 more]]> ኣብ ናይ መደብ ድምጺ ኣሰና ሎሚ ሰኑይ 20 ለካቲት፡ ኣብ ርእሲ ልሙድ ዜና፡ “ክልተ ሞት!” ዘርእስቱ፡ ንዕረፍቲ ኣቶ ናይዝጊ ክፍሉን፡ ብኢሳይያስ ኣብ ልዕሊ ሬሳኡ ኣጋጢሙዎ ዘሎ እገዳን ኣመልኪቱ ዝተጻሕፈ ቃል ኣሰና። ከምኡ ‘ውን፡ ክሳብ ሎሚ 20 ለካቲት ንኣርባዕተ መዓልታት ኣብ ሽረ ንዝተኻየደ ልዕሊ 200 ዝተፈላለያ  ኣብ ሰሜን ኢትዮጵያ ዝርከባ መዓስከራት ስደተኛታት ኤርትራውያን ዝተዋጽኡ መንእሰያት ንዝተሳተፉዎ ኣኼባ ብዝምልከት ተሳተፍቲ ዝሃቡና ሓበሬታ ዘጠቓለለ መደብ ከነቕርበልኩም ኢና። ራድዮ ድምጺ ኣሰና ዝብል ምልክት ብምጥዋቕ፡ ናብ መርበብ ሓበሬታ ድምጺ ኣሰና ብቐጥታ ብምብጻሕ ክትሰምዑዎ ከምትኽእሉ ነዘካኽረኩም።

]]> http://assenna.com/%e1%88%98%e1%8b%b0%e1%89%a5-%e1%8b%b5%e1%88%9d%e1%8c%ba-%e1%8a%a3%e1%88%b0%e1%8a%93-%e1%88%8e%e1%88%9a-%e1%88%b0%e1%8a%91%e1%8b%ad-20-%e1%88%88%e1%8a%ab%e1%89%b2%e1%89%b5/feed/ 1 Let’s celebrate Wordi’s life with one of his lively songs http://assenna.com/lets-celebrate-wordis-life-with-one-of-his-lively-songs/ http://assenna.com/lets-celebrate-wordis-life-with-one-of-his-lively-songs/#comments Mon, 20 Feb 2012 03:47:39 +0000 assenna http://assenna.com/?p=8504 Click here to view the embedded video.

 

]]> http://assenna.com/lets-celebrate-wordis-life-with-one-of-his-lively-songs/feed/ 11