ሓይልታት ጸጥታ ስርዓት ህግደፍ ምስ ሰበስልጣን ጸጥታ ሱዳን ብምትሕብባር ንመላኺ ስርዓት ህግደፍ ራሕሪሖም ሱዳን ንዝኣተዉ ኤርትራውያን ይጨውዩ ተተሓሒዞሞ ከምዘለዉ ምንጭታት ካብ ካርቱም ሓቢሮም።
ብመሰረት’ቲ ሓበሬታ ካብቶም ናይ ጭውያ ስርሒት ንምክያድ ናብ ካርቱም ኣትዮም ዘለዉ ኣባላት ሃገራዊ ድሕነት ኤርትራ፡
- ነስረዲን ዓሊ ማሕሙድ
- ሱሌማን ሳልሕ (ወደል በለድ) ብዝብል ሳጓ ዝፍለጥ ኮይኑ ኣብ መታሕት ኤርትራን ሱዳንን ብጨካን ተግባራቱ ሉሉይ ዝኾነ
- ተስፋጋብር ዳዊት
- ሃብተኣብ ሃይለ ዝብሃሉ እዮም። መላዙም ኣወል መሓመድ ከራር ዓብዱ ብዝተባህለ ሓደ ላዕለዋይ በዓል ስልጣን ጸጥታ ሱዳን ተመሪሖም ጭውያ የሰላስሉ ከም ዘለዉ ክረጋገጽ ተኻኢሉ ኣሎ፣
ዛጊት ኣብ ካርቱም፡ ኣርኩዌት ተባሂሉ ካብ ዝጽዋዕ ቦታ ትማሊ ወጋሕታ 25 ሓምለ፡ ኣባል ሚኒስትሪ ምክልኻል ምዃኑ ንዝንገረሉ ተለንተ ካሕሳይ ዘሞ ዝተባህለ ዜጋ፡ ተዓቒቡሉ ኣብ ዝነበረ መንበሪ ገዛ ዘሊሎም ብምእታው ከም ዝጨወይዎ ክፍለጥ ተኻኢሉ ኣሎ።
ኣባላት ስሪሒት ጭውያ ሰለይቲ ህግደፍ ክሳብ ትማሊ ንግሆ ሰዓት 11፡00 ቕድሚ ቐትሪ ኣብ ካርቱም ከም ዝነበሩን ሒዞመን ዝነበሩ መካይን ‘ውን ክልተ ላንድ ክሮዘርን ሓንቲ ቶዮታ ሄሉክስ ሞደል 2005 ምንባረን ምንጭታትና ከረጋግጹ ኪኢሎም ኣለዉ።
