ልዕሊ ኩሉ ብመጀመርያ ነቲ ዕቱብ ግብራዊ መልስኺ ካብ መዓሙቕ ልበይ ዝነቐለ ምስጋና ተቐበሊ። ማሕሙድ ሸሪፎ ጥራይ ዘይኮነስ ኣነ’ውን ከም ገዲም ተጋዳላይ ሓወቦኺ ኢየ። ስለዚ ካብቲ መልስኺ ብዙሕ ተማሂረ። ካልኦት ኣንበብቲ እውን ተማሂሮም ኣለዉ። ንስለ ናእዳን ምስጋናን ዘይኮነስ፣ ዝኣምነሉን ኣረጋጊጸ ዝህቦን መልሲ ከም ዝኾነ ከረጋግጸልኪ እፈቱ። ቀጺለ እውን ንትምህርቲ ክኾነና ገለ ካብ ተመክክሮታተይ ከንብር እፈቱ።

ኣቀዲመ ስለዝወሰድካዮ ተባዕ ስጉምቲ ከመስግነካ ይደሊ። ህዝቢ ኤርትራ ከመይ ዝበለ ዘስካኽክኽ መከራን ጸበባን ይቅበል ከምዘሎ በብጊዚኡ ክንገር ጸኒሑ እዩ።

ንዝወረደካ መከራን መዓትን ግና ወይ ኣሜን ኢልካ ተቐቢልካ ምርማስ፤ ወይ አምብለይ! ኣይፋል ንጨቆና ፤ኣይፋል ንውርደት፤ኣነ ሰብየ ከም ከብቲ ኣይሕረድን ኢልካ በብዘለኻዮን በብትኽእሎን ምምካት ኣማራጺ ዘይብሉኣገባብ ዩ።

ምስዚ ስንብታኻ ብምትእስሳር ትግባረ ናይቲ ብኮምሸን ዶባት ኤርትራን ኢትዮጵያን ዝተበየነ ተግባራዊ ንክኸውን፣ ኣብ ግብሪ ክውዕል፣ ናይ ክቡር መንግስትኻ፣ ሕቡራት መንግስታት ኣመሪካ፣ መብጽዓን ድሌትን ከምዝኾነ ገሊጽካልና። እዚ ህዝቢ ዝሓለፈ ከይኣኽሎ ሕጂ’ውን ኣብ ናብራ ስድትን ሞትን እዩ ዘሎ።