ሰዓተይ ‘ኒውዮርክ!’ ትብል ኣላ – ግጥሚ ብ ኣማኑኤል ኢያሱ

ሰዓተይ ‘ኒውዮርክ’ ትብል ኣላ! ሞባይለይ ‘ውን ደጊማ ቃጭላ ካብኣ ተቐቢላ፣ ስዓትኩም ረኣዩ ኣንቱም ሰብ ቆጸራ ሰዓት ኣኺሉ - በቡር ነቒላ መወዳእታ ደወል - ባጉም ባጉም ኢላ ደለይቲ ፍትሒ - ሃብሮማት ሓዚላ፣ ካብ US ካናዳ - ጊሓት ተላዒላ ማይላት ቆሪጻ - ኒውዮርክ ‘ዩ ምዓላ ሓመድ

ሰዓተይ ‘ኒውዮርክ’ ትብል ኣላ!

ሞባይለይ ‘ውን ደጊማ ቃጭላ

ካብኣ ተቐቢላ፣

ስዓትኩም ረኣዩ ኣንቱም ሰብ ቆጸራ

ሰዓት ኣኺሉ – በቡር ነቒላ

መወዳእታ ደወል – ባጉም ባጉም ኢላ

ደለይቲ ፍትሒ – ሃብሮማት ሓዚላ፣

ካብ US ካናዳ – ጊሓት ተላዒላ

ማይላት ቆሪጻ – ኒውዮርክ ‘ዩ ምዓላ

ሓመድ ድበ ‘ርክብ – ተሎ ተሰቐላ፣

 

ንሳ ‘ኳ ኤርትራ ዘይዓዳ

ክፉእ ምስረኣየት ብማዕዶ ፈሪዳ

ቅያ ‘ናጸሓፈት ኣብ ሓዲዳ፣

ንዓኻስ ‘ምበር ‘ዩ ሕነ ፍዳ

ዓድኻ ምዃና ናይ ምዓት ኣደዳ

ከመይ ይፈዅሰካ ዘይከብደካ ዕዳ

ርዅምሽ እናበለት ጥልመት ምስ ከበዳ

ዕሰል ደኣ ክበቦ መኣዳ

ኣብ ምሕዳስ ታሪኽ ሃየ ኣካይዳ።

 

መዳሕንትኻ ዝተቐብሮ ምድሪቤት

እሳተ ጎመራ ዘይጨደዶ መሬት

እምበር’ዩ

ዘንቀጥቅጥ ዝንሆ ብምልኪ ዝዝመት

ተረፍ ኳ በጺሑዎም ስዑዲ ኢማራት፣

 

ህዝብኻ ‘ምበር ‘ዩ ተቐባሊ ሻሞጥ

ኣውያቱ ዝስማዕ በድራጋ ክቕጥቀጥ

ከክንድኡ መርሽ መርዝታትካ ኣይትውሓጥ!

 

እወ ሰዓት ቅድሚ ምእካሉ

ሰሚዐ ብዓል ካናዳ ተላዒሉ

ቆጸራ ከይሓልፎ ዶባት ተኸልኪሉ፣

ኣንታ ብዓል ጎዶቦ ኒውዮርክ ምቕልቃላ

ተማልኣሉ ግዳ ኣሽሓት ታቤላ

‘ምልኪ ይፍረስ ሕጊ ይንገስ’ ዝብላ!

 

ነቒልካ ዶ ብዓል ካሊፎርንያ

እንተስ ብሰማይ እንተስ ብጽርግያ፣

ነቒልካ ‘ዶ ኣንታ ብዓል ኣትላንታ

ተጸንቢርካ ምስ ብዓል ዳኮታ ፣

ነቒልካ ዶ ኣንታ ብዓል ሰያትል

ሓደራኻ ዓዲ ከይትውዕል፣

ነቒልካ ዶ ኣንታ ብዓል ቬጋስ

ካዚኖ ዓጺኻ ጀሚርካ ምግስጋስ፣

ነቒልካ ዶ ኣንታ ብዓል ዲሲ

እግሪ ዶ ይስጉም ‘ዩ ገዲፍዋ ርእሲ፣

ነቒልካ ዶ ብዓል ኮሎራዶ

ምስቶም ምስከርቲ ወይ ምስቶም ፈራዶ፣

ነቒልካ ዶ ኣንታ ብዓል ኦርገን

ጎደናታት ኒውዮርክ ክትሓልፎ ብፍናን፣

ነቒልካ ዶ ኣንታ ብዓል ኢንድያና

ከመይ ደኣ ምስ ህዝብኻ ማና፣

ነቒልካ ዶ ብዓል ካሮላይና

ምረሻ ሓቂ ‘ሞ ኣበይ ‘ለዋ መዘና፣

ነቒልካ ዶ ‘ታ ብዓል ዲትሮይት

ትንፋስ ‘ቲ መላኺ ብሰንባድ ክምሸት፣

ነቒልካ ዶ ኣንታ ብዓል ኢለኖይ

ንህግደፍ ከተብሎ እኖይ እኖይ፣

ነቒልካ ዶ ኣንታ ብዓል ቴክሳስ

ንቐል ‘ምበር ከይጽግም ዶ ምምላስ

ዓወት ምስ ተረኽበ ዘሐብን ንሓፋሽ

ንህግደፍ መንደፍ ምስ ኣተዎ ንፋስ!

 

ይወናወን ኣለኹ ኣትላንቲክ ክሰግራ

ሓበን ደላይ ፍትሒ ከእትዎ ኤርትራ

ኣበራርየ ብራድዮ ካሜራ፣

 

ድምጽኻ ኣስምዓኒ ሩር በል ከም ኣንበሳ

እዝኒ ህግደፍ ትንቶግ ተተኵሳ

ብቐደሙስ መዓስ ሩሕ ነይሩዋ ንሳ

ጠልጠል ኢላ ዘላ ብሓሶት ጠስጢሳ!

 

ትኸል ንቐል ሓደራ

ተማልኣሉ ባንዴራ

ነቲ ዝሃጸጸ ከይበኵር ቆጸራ፣

ተሰዊጡካ ዶ ‘ሎ ኣንታ ብዓል ኒዮርክ

ኢድን ጓንትን ኴንካ ኣንጊህካ ተዓጠቕ

ማዕበል ደላይ ፍትሒ ክብለካ ‘ዩ ጠበቕ

ዓረምረም እናበለ ናብ ቅርዓት ክደቕደቕ

ኣንፈት ሓብረሉ ናይ ባንኪ ሙን መንደቕ

መንጸሮር ህግደፍ መቓትሎ ጠበቕ

‘ገበል’ እንብሎ ‘ኮ ናትና’ዩ ‘ቲ ሕመቕ

ቀደም ዝዓነወ ኢሉ ዓቐቕ-ዓቐቕ።

 

ኣንታ ደላይ ፍትሒ ወትሩ ተዓዋቲ

ወንና ንኒውዮርክ ንሓንቲ መዓልቲ

‘መየራ’ ይዛነ ፍቐደሉ  ዕረፍቲ

ሕልናኻ ዓጂቡዎ የወፊ ሓወልቲ ፣

 

ክበቦ ናይ ዩ ኤን ኣዳራሽ

ኣተውትን ወጻእትን ይመሰጡ ብሓፋሽ፣

ክንዲ ውጹዕ ህዝቢ ናይ መላኺ ጊላ

ጎሮሮኻ ይንቃዕ ልብታት ይብቆላ፣

ስልጣን ከምዘይብሉ እቲ ብዓል ወንበር

ቁጽርኻን ድምጽኻን ዓው ኢሉ ይመስክር፣

ኣዳራሻት ዓወት ንሕግን ንሓቅን

ጀኔቫን ኒውዮርክን ቃለን ሓደ ይኹን

ንውጹዕ ዘሐብን ንምልኪ ዘድንን

ግን ብመን? ብኣኻ ‘ዩ ዝውሰን

ደላይ ፍትሒ ሕነንንንንን!!

 

ኣትን ዘየርከብክን ኣብ ምቝማል ‘ቲ ዕጸ

ኢልክን ዘምራሉ ‘ከኣ መጸ መጸ

ኣንበሳ ይመስል ካብ ዱር ዝወጸ

ደላይ ፍትሒ ምልኪ እናረገጸ’

ሃገር ናይኩሉ እንድያ ቅዋም ምስ ተሃንጸ

ኢደይ ኢድካ ንበል ብሴፍ ብመላጸ

ሰላም ኣይርከብን ‘ዩ መላኺ ከይወጸ !

ኣማኑኤል ኢያሱ

25 ጥቅምቲ 2015

 

 

aseye.asena@gmail.com

Review overview
27 COMMENTS
  • Berhe Tenesea October 25, 2015

    Excellent poem, yes all of us residing in the US and Canada must be there , for the sake of the bleeding people.

  • መድሃኔ ተ/ማ. October 25, 2015

    ክቡር ሓው ኣማኒኤ አያሱ ምስ ኩሎም መስርሕትኻ ኣሰና ፋውንደሽን ተቓሊስካ አተቃልስ ድምጸይን ድምጺ ኣቲ ኣፉ ብህግደፍ ተአጽዩ ዘሎ ውጹዕ ኤርትራዊ ምኻንካ ኣናመስከርኩ አናመስገንኩ የቕንየልና!!ብምባል ርክብና ኣብ ኒውዮርክ ይኩን አብለካ፡ ዓወት ንዉጹዓት፡

  • AHMED SALEH October 25, 2015

    When people refuse to learn from past experience , history repeats
    to take over .
    FIKRI DEKI HAGER AYNEHLFA SIGR ADI GUANA HIBRETNA IYU MISKR XINEATNA
    WEDI KOLA WEDI DEGA ASLAMAY CHRISTIANA IDEY IDKA NIBEL KNINEDK ZFERESET HIDMONA
    AYNIASHU AHWAT LOMS BEZIHU YIAKHLENA SIGAB MEAS GOHALALU KESHKAELULNA
    HIZBEY INATEKHOSTERET AB KIDMI AIYENTNA AFNA TEABISNA
    SATNAEL SERIRUNA INTEKHONE BAELU AMLAKH YEGHELAGHILENA
    MELEAKE SELAM , FIKRN , SINITN YEWRDELNA

    • sadam October 26, 2015

      Sebay dhrezi enty ena emo knbel ane zgermni entelo eza ab swith zala sebayti mhberkum hgdefe adna tsebuk zalo ela tzareba tsebuk entezhlu da zaytmles adka tumeendyu kab adkazbaltse yelen gn enty amtseo shara mdrebada ane kgermaka isrel eye nere hgdefe kofe selazybulni2sedet amrhe

      • AHMED SALEH October 26, 2015

        Netom inaraeyu aeintom ziametu Adi xubuk allo zblu
        AMLAKH aynom yebrhalom
        Netom zitekhahdu ahwatna dima AMLAKH idu yenberlom
        ilna shelel inteyzebelna turfu kirhntn mflelay ab nenihdhdna
        mitkal iyu zifetrelna , hmak uwan arkibulna Fah-bTN abilomna ,
        Weyo denakur intay aflituom hayli smret , xelaeena yifeley .
        Bahriyat politica HGDF aenawi kem zikhone ghizye abrihulna ,
        yikhun imber ezom hasot , aykonen zblu baetatat ninebsom inte
        zeykone niwelahade ketalelu aykeilun iyom , ab KIDMI ayni MSKR .
        Hasot dima kulu ghizye hasot iya , Hani kabten abeyti HATYAT .

  • Musa October 26, 2015

    ጠልጠል ኢላ ዘላ ብሓሶት ጠስጢሳ!

    እወ ኣማን ብሓሶት ዝተጠመቐ ብሓሶት ይጥስጥስ ኣራፊዱ ኸኣ ይበርስ

    • sadam October 26, 2015

      Ata senfe sele zyrekyo ety hwet nay eritrea ember kamu aymbelkan

  • ERU October 26, 2015

    In my opinion, this is for nothing. Bcs we have to learn from other presidents, Omer Albeshir and so on. why dont we try something different!!!

  • Gelila October 26, 2015

    Sedo, sedo and yibel giTimi kubur haw Amanuel.
    Well done for your poem but can the New York demo be held over the week end?
    That’s if possible for a change then beginning from Friday up to Saturday and Sunday would be great!

  • ጀጋንው ይዘከርው። October 27, 2015

    ኣጆክውም ደኪይ ኤረይ ኣናብስ።

  • Semira October 27, 2015

    The only way to victory is to untie all our original provinces and raise our original flag, (SEMAYAWIT BANDERANA).
    We did it in our struggle for independence and we succeeded.
    We will do it again!
    Our victory is certain!

  • Semira October 27, 2015

    NY! NY! NY!

    This reminds me of Eritreans united and working together for the better future under our liberation flag for common good. Let freedom ring all over Eritrea. Eritreans should be united to liberate Eritrea and its people. In 1991 the Eritrean liberators liberated our land and our people. Eritreans raised our liberation flag (Semayawit Banderana, bander siwiatna) all over Eritrea and all over the world. Freedom rang all over Eritrea. Our people danced with joy and pride!!!
    That’s what we call dancing for freedom and justice!

    We did it in 1991, and we are doing it in 2015!

  • Negusse October 28, 2015

    ንኺድ ንበገስ ናብ ኒውዮርኽ ሐመድ ድበ ሽፍታ እሳያስ ቐሚሽ አደይ ሐንኹሉኒ አይንበል።

POST A COMMENT