ጓል ሃገረይ

ጓል ሃገረይ                      ጓል ሃገረይ ኣንቲ ጓል ሕዮባ፣                 ጓል ሃገረይ ኣንቲ ጓል ሕዮባ፣                 ዘይድፈር ዘይጽዓድ ኮኾባ፣                 ቅናት ሰማይ ዝመስል ሕዛባ፣                 ስሩዕ ዝመኣዳ ሰማያዊ መሶባ፣                 ኣምላኽ ሰማይ ባዕሉ ዘወቀባ፣                 እኖታትኪ ሰብ መስተር ወለባ፣                 ዘይጽግመን

ጓል ሃገረይ
                     ጓል ሃገረይ ኣንቲ ጓል ሕዮባ፣
                ጓል ሃገረይ ኣንቲ ጓል ሕዮባ፣
                ዘይድፈር ዘይጽዓድ ኮኾባ፣
                ቅናት ሰማይ ዝመስል ሕዛባ፣
                ስሩዕ ዝመኣዳ ሰማያዊ መሶባ፣
                ኣምላኽ ሰማይ ባዕሉ ዘወቀባ፣
                እኖታትኪ ሰብ መስተር ወለባ፣
                ዘይጽግመን በፍራስ ክጋልባ፣
                ብዘይ ዓወት ጸሓይ ዘየዕርባ፣
                 ታሪኽ ዝሰነዳ ዘመዝገባ፣
                ሃገርኪ´ንደሞ ኮይና ዝንግባባ፣
                ብሃልሃልታ ሓዊ ተለብሊባ፣
                 በቲ ሓደ ጎድና ተሰሊባ፣
                 በቲ ሓደ ጎድና ተሸልቢባ፣
                 ኣሰንዮ ወፈራ ጀነባ፣
                 ኪዲ ምበር ኪዲ ብዓጀባ፣
                 ከይትመጽእ ታ ናይ ጥፍኣት ጃልባ፣
                 ህግደፍ ያ ሓሶት ዝጉልባባ፣
                 ከይትድርቢ ናይ ፋሕ ፋሕ ዘረባ፣
                 ምኽርኺ ሃብዮም ብለዘባ፣
                 ስመሩ በልዮም ሓምራና ክንሓልባ፣
                 ስመርለይ ሓምራና ክንሓልባ፣
                 ከነድሕና ካብ ጋና ዓጸባ፣
                 ካብ ናይ ጥፍኣት ሰርቢ ካብ ጸበባ።
                                                        ጓል ሃገረይ
                                       ጓል ሃገረይ ዘይብለልኪ ሳንደ፣
                                       ሳንደ ዘይብለልኪ ጓል ሃገረይ ሳንደ፣
                                       መዓጉርታ ዳዕቦ ዝመንጎደ፣
                                       ኣዒንታን ኣስናናን ጠማቲ ዘዕበደ፣
                                       ከመንባሳ ዋዕሮ ትኸይድ ዒንደ ዒንደ፣
                                       ምጉዛምኪ ጸላኢ ዘርዓደ፣
                                       ናይ ግዝኣት ማዕበላት ዘሳደደ፣
                                       ህግደፍ ውን ኣሎ ብሽሕጣን ዝተወልደ፣
                                       ልብን ኩሊትን ምሻጥ ዝለመደ፣
                                       ሳዋ ይወስደኪ ዝነደደ፣
                                       ኣብኡ የጽንሓልኪ ተጻወደ፣
                                       መስገደል ይጽዕነኪ ዝኸበደ፣
                                       ወይዓ ይወስደኪ ዝገደደ፣
                                       የንብረኪ ኣብ ብልሒ ጉራደ፣
                                       ህይወትኪ ምበር ኮይኑ ብሓሳር ዝላደ፣
                                       ይሓይሽ’ተበልካ ዝገደደ፣
                                       ኢዱ ኣይስኣን ሱሩ ትብደ፣
                                                     ጓል ሃገረይ
              ሳንዱ ኩሕለይቲ ሽንሽን መሳርዓ፣
              ሳንዱ ወዛም ጥምሮ መዛርዓ፣
              ተሃራሪት ሰዊት ጾመርብዓ፣
              ተፈታዊት ከም ሰዊት ሳዕስዓ፣
              ስቕ ዘይትብል ኣደራዕ ሰሚዓ፣
              መዳርግቲ ይብሉን ናየደታትኪ ወጽዓ፣
              ባርነት ከቢዱ ኣለዋ ይነብዓ፣
              ተጸጊዐን ዝርንዝሕ ይነብዓ፣
              ተዘጊሔን ስምኪ ክጽውዓ፣
              ካባኺ ሓሊፈን ናብ መንሞ ይጥርዓ፣
              ኣሎኹ በልየን ኣንቲ ሰላሊዓ፣
              ኣቤት ምባል ዝለመድኪ ሽዓ።
                                                   ጓል ሃገረይ
                                         ምልምል ቁመናኺ ምዓርግ ዝተገዝመ፣
                                         ቲ ሰናይ ወጅህኺ ኣብ ጥሽ ዝኸረመ፣
                                          ሳሕል ዝዓድኺ ምስ ዓሰመ፣
                                          ባርካ ዝዓድኺ ምስ ተሰነ፣
                                          ሰምሃር ዝዓድኺ ምስ ገደመ፣
                                          ሓማ ዝዓድኺ ምዕላብ ግመ፣
                                          ኣከለ ዓድኺ ምዕላብ ግመ፣
                                         ሰራየ ዓድኺ ምዕላብ ግመ፣
                                         ጥባሕ ኣብ ምዕጉርታ ጓል ከረነ፣
                                         መልእኽቲ ስደዲ ናብቲ ዝተኾርመ፣
                                         መልእኽቲ ስደዲ ናብቲ ዝተጠልመ፣
                                         ናተይ ቢሉ ዘይናቱ ዝሰዓመ፣
                                         ቀንጥጥዮ ቲ ድነ እቲ ዝጸለመ፣
                                         ጋልህዮ ቲ ጸልማት እቲ ዘጭለምለመ።
                                                ጓል ሃገረይ
              ኣንቲ ጓል ኣኤርትራ ጓል ፈለማ፣
              ኣንቲ ጓል ዓደቦ መጀመርያ ሔማ፣
              ኣልቢስክዮ ነርኪ ንህዝብና ግርማ፣
              ኩሉ ዝመስከሮ ዓለም ብዓለማ፣
              መሲሉና ኤርትራና ዝሓወ ሕማማ፣
              ንሃገርና ግና ሰራም ብዓል ደማ፣
              እቲ ብንጋሆኡ ዝጠለማ፣
              እቲ ዝወፈረ ክሕምሳ ከባድማ፣
              እቲ ዝመጸየ ዓጽሚ ደማ፣
              እቲ ዝቐበረ ናይ ሃገር ቅዋማ፣
              የብርሶሎ ህዝብና ብ ኣልማማ፣
              ዘክሪ ዕላማኺ ሃገራዊ ዕላማ።
                                                  ጓል ሃገረይ
                                       ቲ ጽላልኪ ጥዑም ከም ጽላል ገበላ፣
                                       ቲ ባሕሪ ልብኺ ዓሚቕ ዔላ፣
                                       ቀዲሕካዮ ዘይውዳእ ጋብላ፣
                                       ለዋይ ክሳድ ከም ኣጎል መሸላ፣
                                       ግርማ መጎስ መልክዕ ዝዓደላ፣
                                       ምሰንቀለት የለን ዝኽልክላ፣
                                       ንኹሉ ትፈልጦ ሕቡእ ዘይክወላ፣
                                       ንበታን ሓድነታ ብልቦና ሜላ፣
                                       እንተሰሚራ መነሎ ዝኽእላ፣
                                       ነዚ ጃንዳ ሽሕጣን ስራሑ ኮለላ፣
                                       ውሽጡን ግዳሙን ኩሉሳዕ ጅላላ፣
                                       ፋሕ ብትን ኣትዩዎ ከም ሓሰር በለላ፣
                                       ከፊኡዎ ከሎ ወርውርሉ ሻምላ።
                                   ዓወትን ራህዋን ንህዝብና፣
                                   ውድቀትን ብርሰትን ን ኢሳያስን ሰዓብቱን።
                                   ሃይለሚካኤል ድራር ካብ ጀርመን።

aseye.asena@gmail.com

Review overview
NO COMMENTS

POST A COMMENT