ኣብ ላስቬጋስ  ዕስራ ሰነ መዓልቲ ሰማእታት ብኽብሪ ተዘኪሩ ኣምስዩ: ዕስራ ሰነ  ብዕለት 06/17/2015 ሮቡዕ ምሸት ብደለይቲ ፍትሒ ላስቬጋስ ብድምቐት ተዘኺሩ ኣምስዩ ፡ መልእኽቲ ዕስራ ሰነ ድማ ተመሓላሊፉ ፡ገለ ካብቲዝተመሓላለፈ መልእክትታት ዕስራ ሰነ ኽብርቲ መዓልቲ እያ ምኽንያቱ ከማና ክነብሩ ዝግብኦም ግን ምእንታና እታዝከበረት ህይወቶም ዘወፈዩ ኩቡራት ሰባት ዝዝኮሩላ መዓልቲ ሰለዝኮነት ንዓና ዝከበረትን ዝወረቀትን መዓልቲ እያ ኢሎም ።ቀጺሎም ኣብ 1991 ዕስራ ሰነ ብሓጎስን ንብዓትን ኢና ሰማእታትና ዘኪርና እቲ ምንታይ”ሲ እታ እንህንጠያ ዝነበርና ናጽነት ስለዝረኽብናስ የሕዋትና ዝተሰዋኡ ኮይኑ ኣይትሰማዓናን ሎሚ ግን ብሓዘንን ጋህን ኢና ሰማእታትና ንዝኽር ዘለና፡ ምኽንያቱ ደቂቶም ኽንናብዮም ዝግባኣና ሰማእታት ኣብ ዝጠፍእሉ  ዘለዉን ወለዲ ስማእታት ኣብ ዝእሰሩሉን ዝጭቆንሉን ዘልዉ ህሞት ሽምዓ ነብርህ ብምህላውና ኽልተ ሓዘን እዩ ብምባል ገሊጾም።

ካብኡ ብምቅጻል ሎሚ ሰማእታትና ቅሰኑ ንብለሉ መዓልቲ ኣይኮንን ሎሚ ሕድርኩም ብብጾትኩም ተጠሊሙእዪ።ሎሚ ዝተጠልመ ሕድሪ ንመልሰሉን መዓንጣና ሸጥ ኣቢልና ብስም ሰማእታትና ንቃለሰሉ ህሞት እዩ ብምባልመልእኽትታትን ለብዋታትን  ተመሓላሊፎም።

ካብኡ ብምቅጻል ነቲ ንዕለት 26 ኣብ ጀነባ ተዳሊዩ ዘሎ ሰላማዊ ሰልፊ ዝውዕል $ 2360 ዶላር ብደለይቲ ፍትሒላስቬጋስ ተዋጺኡ ተላኢኩ።ኣብቲ መልእኽቲ ድማ ኣብ ጀነባን ከባቢኡን ትቀመጡ ደለይቲ ፍትሒ ኣጀኩም ኣብ ጎንኩምኣለና ንሰላማዊ ሰልፊ ጥራሕ ዘይኮነ  እታ ሰላማዊ ሰልፊ እትኻየደላ መዓልቲ እውን ሓድነትና ነትርረላን ፍልልይናነጽብበላን ናይ መወዳእታ መዓልቲ ክትከው ተላብዬም።ንደለይቲ ፍትሒ ኤውሮፖ ድማ ዓወት ተመንዬም ኣብዛ ንኹልና እትውኽል  መዓልቲ ብምልእኩም ደለይቲ ፍትሒ ንሓንቲ መዓልቲ መስዋእቲ ክከፍሉ  ድማ ኣጥቢቆም ተላብዮ

ደለይቲ ፍትሒላስቬጋስ።