ኣብ ንኡስ ንኡስ ዞባ ኣፍዓበት ኣብ መንጎ ሰራዊትን ህዝብን ክሳብ ምቅትታል ዝበጽሕ ፍሕፍሐ ይርአ ከምዘሎ ምንጭታት ንኣሰና ሓቢሮም።

ብመሰረት’ቲ ሓበሬታ፣ ኣብ ንኡስ ዞባ ኣፍዓበት ኣባላት ዕቑር ሰራዊት ንሓደ ወዲ ጀሪድ ዝብሃል መንእሰይ ተቐማጣይ ኣፍዓበት ኣብ’ቲ ወርቒ ዝፍሓረሉ ዝነበረ ካባቢ ብጥይት ድሕሪ ምህራሞም  ኣብ ሆስፒታል ኣፍዓበት ብኡ ን ብኡ ሞይቱ።

ቤተሰብ መዋቲ ኸኣ ነቶም ኣባላት ሰራዊት ቀታሊ ወዶም መን ምዃኑ ክፈልጡ ምስ ሓተቱዎም፣ ሓደ ወዲ ማህሚመት ዝኾነ ወተሃደር፣ “ብንዕቀት እንታይ ክትገብሩ ኢኹም ኣነ እየ ረሺነዮ” ምስ በሎም፣ ሓደ ካብ ቤተሰብ መዋቲ ነቲ ቀታሊ ኢየ ዝበለ ወተሃደር፣ ብበትሪ ርእሱ ሃሪሙ ሕነ ፈድዮ ከምዝቐተሎ እቲ ሓበረታ የመልክት።

ኣቐድም ኣቢሉ፣ ሓደ ወዲ ባቕል ዝባሃል መንእሰይ ተቓምጢ እፍዓበት ንሓደ ኣባል ‘ቶም ሰራዊት ብ ኻራ ከምዝቐተሎ ‘ውን እቶም ምንጭታት ብተወሳኺ ይሕብሩ።