ኣብ ኣኼባ መራሕቲ ሃገራት ኣፍሪቃ ክሳተፍ ደቡብ ኣፍሪቃ ምስ ከደ ማእሰርቲ ኣህጉራዊ ቤትፍርዲ ኣንጸላልዩዎ ዝጸንሐ ፕረዚደንት ሱዳን ዑመር ሓሰን ኣልበሽር ሎሚ ሃንደበት ናብ ሃገሩ ከምዝተመልሰ ጋዜጣ ዘ ጋርድያን ሓቢሩ።

ኣብ ዋዕላ መራሕቲ ኣፍሪቃ ንምስታፍ ደቡብ ኣፍሪቃ ዝኣተወ፣ ኣብ ዳርፉር ፈጺሙዎ ብዝብሃል ገበናት ጃምላዊ ህልቂት ብኣህጉራዊ ገበናዊ ቤትፍርዲ ዝድለ፣ ፕረዚደንት ሱዳን ዑመር ሓሰን ኣልበሽር፣ ኣብ ዋዕላ መራሕቲ ኣፍሪቃ ክሳተፍ ጁሃንስበርግ ድሕሪ ምእታዉ፣ ካብ ደቡብ ኣፍሪቃር ከይወጽእ ብላዕለዋይ ቤትፍርዲ ናይታ ሃገር ተኣጊዱ ክምዝነበረ ይፍለጥ።

እቲ ኣብ ፕሪቶርያ ዝርከብ ላዕለዋይ ቤትፍርዲ፣ በሽር ንኽእሰር ንሰበስልጣን ናይታ ሃገር ዘስገድድ ትእዛዝ ክሳብ ኣብ መጋብኣያ ዝስማዕ፣ ነዚ ግዝያዊ ሕጋዊ ትእዛዝ ዝ ከምሓላልፍ ከሎ፣ ተጣበቕቲ ሰብኣዊ ሰላት ‘ውን፣ መንግስቲ ደቡብ ኣፍሪቃ ነቲ ኣብ ዘ ሄግ ዝመደበሩ ብ ውድብ ሓቡራት ሃገራት ዝድገደፍ ኣህጉራዊ ገበናዊ ቤትፍርዲ ቅድሚ ገለ ዓመታት ዘመሓላለፎ ትእዛዝ ከኽብሮ ኣጥቢቖም ጸዊዖም።

ይኹን’ አምበር፣ እቲ ኣብ ስልጣን ዝርከብ ሰልፊ ደቡብ ኣፍሪቃ ANC እቲ ኣህጉራዊ ቤትፍርዲ ነቲ ዝተመስረተሉ ናይ መጀምርያ ዕላማታት ዘገልግል ብቕዓት የብሉን ክብል፣ ንምርካብ በሽር ከምዘይድግፍ ኣሚቱ ነይሩ።

እቲ ኣህጉራዊ ገበናዊ ቤትፍርዲ ዘመሓላለፎ ትእዛዝ ከቢሩ በሽር ኣብ ፍርዲ እንተዘይቀሪቡ ሚዛን ናይቲ ኣህጉራዊ ቤትፍርዲ ኣብ ዋጋ ዕዳጋ ክኣቱ ምዃኑ ተዓዘብቲ ይገልጹ።

በሸር፣ ትእዛዝ ኣህጉራዊ ቤትፍርዲ ኣብ ዝባኑ እናሃለወ፣ ኣብ ሓያለ ሃገራት ማእከላይ ምብራቕን ኣፍሪቃን ነጻ ኮይኑ ክንቀሳቀስ ድሕሪ ምጽንሑ፣ እቲ ቤትፍርዲ ምትሕብባር ይረክብ ከምዘየሎ ብምጥቃስ ነቲ ጉዳይ ሸለል ክብሎ ምዃኑ ኣንፈታት ሂቡ ምንባሩ ይዝከር።

 ሃገራት ኣፍሪቃ፣ እቲ ቤትፍርዲ ኣብ ኣፍሪቃ ንዘለዉ ፖለቲካውያን መራሕቲ እንተዘይኮይኑ ነቶም ኣብ ከም ማእከላይ ምብራቕ ዘለዉ ገበነኛታት መራሕቲ ግዲ ከምዘይገብረሎም ይኸሳ።