Visit the new AsenaTv Website

https://asenatv.com

ኤርትራ: ቀጻሊ እትበርስ ዘላ ሃገር

ኣማኑኤል ሳህለ ኣብ ስሳታት እዩ መስለኒ: ኣልኣሚን: ዓባይ ኣባሻውል ሎሚ ክደርፈላ: ፈጺማ ብኹላ ከይፈረሰት ከላ: እትብል ደርፊ ደሪፉ። ሓቁ እዩ: ከመይሲ ኣባሻውል ማለት ኣስመራ ማለት እዩ ነይሩ። ምፍራስ ኣባሻውል ድማ ከም ምፍራስ ኣሰመራ እዩ ዚቝጸር ነይሩ።

ኣማኑኤል ሳህለ

ኣብ ስሳታት እዩ መስለኒ: ኣልኣሚን: ዓባይ ኣባሻውል ሎሚ ክደርፈላ: ፈጺማ ብኹላ ከይፈረሰት ከላ: እትብል ደርፊ ደሪፉ። ሓቁ እዩ: ከመይሲ ኣባሻውል ማለት ኣስመራ ማለት እዩ ነይሩ። ምፍራስ ኣባሻውል ድማ ከም ምፍራስ ኣሰመራ እዩ ዚቝጸር ነይሩ። ኮምብሽታቶ ክኔኡን ሕዛእቲ ጣልያን ኪኸውን ከሎ: ወዲዓዲ ግን ኣብ ኣባሻውል እዩ ዚውለድን ዚዓብን ዝነበረ: ካብ ኣባሻውል ከኣዩ ሬሳኡ ዚወጽእ ዝነበረ።

ጣልያን ግን ነዚ ከም ዓቢ ነገር ኣይቆጸሩዎን። ንኣባሻውል: መብራህቲ ወይ ሊቺ ኣብ 60ታት እዩ ኣትዩዎ። ማለት: ኣርብዓ ዓመታት ድሕሪ ናይ ጣልያን ምስዓርን ካብ ኤርትራ ቀስ እናበልካ ምውጻእን!! ስለዚ ኸኣ እዩ: ጽሃይቱ ከምዚ ኢላ ኣብ ስሳታት ዝደረፈት፤ ኣባሻውል ዝባን ጨርሒ: ተወሊዓ ወርሒ……..ኣማስያኡ ሊቺ ተተኺላ ማለታ እዩ። ናይ ባዕዳዊ ገዛኢ ንዕቀት መወዳእታ የብሉን።

ካብ ኩሉ ዘገርም ግን: ጣልያንሲ ባዕዳዊ ብምዃኑ ዝበደለ እንተ በደለ ኣየስደምምካን: ከመይሲ ጸላኢ ናትካ ሕማቕ እምበር ጽቡቕ ክርኢ ኣይደልን። እቲ ካባኻ ዝወጸን ንኣኻ ኪሓልን ንሜዳ ዝወጸ መሪሕነት ኪጻወተልካ ከሎ እዩ ዘጕህየካ። ዓወት ንሓፋሽ ከም ዘይተባህለ: እቲ መሪሕነት ነዚ ጭርሖዚ ከም መሸቀጢ ብምግባር: ነታ ኣባሻውል እትብሃል ናይ ጭቁናት ክፍለከተማ ይትረፍስ ከሐድሳ: ሰፈር ጨራሩ ኾይናቶ ክርእያ እውን ኣይደለየን። እትው ምስ በለ ድማ ነቶም ሰብ ገንዘብ ኣብ ኢዱ ንምእታው እንዳ ኮረያ ሰሪሑ። ሓፋሽ ደኣ ኣበይ ድዮም ዚቕመጡ? እዚ ተግባርዚ ብደም ስዉኣት ከም ምጽዋት ኢዩ ኪቝጸር ዚግባእ: ከመይሲ ንሓፋሽ ምሕላይ ሓደ ካብቲ ሕድሪ ስዉኣት ስለ ዝኾነ።

ኣባሻውል ግን ስለምንታይ እያ ክትፈርስ ተደልያ ነይራ? መታን ክትሕደስን ህዝባ ድማ ኪምሽኦን። ይኹንምበር: እቲ ኣብኣ ዝዓበየ ሰብ: ክትፈርስ ከላ: ታሪኹን ልምዱን ዝኽሩን ምስኡ ኪጠፍእ ስለ ዝነበሮ: ደስ ከይብሎ ይኽእል ነይሩ እዩ። ዝኾነኾይኑ: ንኽዕረ ተባሂሉ ዚፈርስ ብዙሕ ኣየዛርብን: ንኺፈርስ ተባሂሉ ዚፈርስ እዩ ዘጒህየካ።

ደጊም: ናብቲ ጉዳይና ክንኣቱሞ ብዛዕባ ሓንቲ እትፈርስ ዘላ ዓባይ ሃገር ክንዛረብ: ንሳ ድማ ኤርትራ እያ። ኣብዚ ግዜዚ እቲ ከምቲ ኣልኣሚን …ዓባይ ኣባሻውል ሎሚ ክደርፈላ ፈጺማ ብኹላ ከይፈረሰት ከላ እናበለ ንኣባሻውል ዝደረፈላ: ህዝቢ ኤርትራ ድማ ንኤርትራ …ዓባይ ኤርትራ ሎሚ ክደርፈላ: ፈጺማ ብኹላ ከይፈረሰት ከላ እናበለ ኪደርፈላ እዋኑ ዝበጽሐ ይመስለኒ። ግን ከኣ እዋኑ እዋን ደርፊ ኣይኮነን። ከምኡውን ናይቲ ምፍራስ ወይ ምብራስ ቀዳማይ ዕማም እተደምደመ ይመስል።

እቲ ቄሳር ኔሮ እተባህለ ሃጸይ መንግስቲ ሮማ: ከተማ ሮማ እናነደደት ከላ በገናኡ ኣውጺኡ ደሪፉላ ይብሃል። ከተማ ሮማ ትነድድ: ንሱ ድማ ይደርፍ። ኣብዚ ግዜዚ ኤርትራ እናፈረሰት ከላ ኪደርፈላ ዝደሊ: እቲ ውልቀመላኺ ጥራይ እዩ።

ዓድና ከይተፈለጠና ትበርስ እያ ዘላ። እታ ኣብ ልቢ ህዝብን ኣብ ልቢ ውፉይ ተጋዳላይን ዝነበረት ኤርትራ ኣይተሰርሐትን: እታ ዝነበረት ድማ ኣብ ቅድሚ ዓይንና ክትወድቕ ንርእያ ኣሎና።

እምበኣር እስከ ንዝሓለፈ ዘመንን ነዚ ዘመንን ብምምልካት ሓሙሽተ ምስልታት ኤርትራ ኣብ ኣእምሮና ንቕረጽ።

  1. ቅድሚ ባዕዳዊ (ኢጣልያዊ) መግዛእቲ ዝነበረት ኤርትራ

ኣብቲ ግዜቲ ኤርትራ ብኻልእ ስም እትፍለጥን: ህዝባን ኣውራጃታታን ድማ ብድኹም ፊውዳላዊ ምትእስሳር ዝቖመን: መዐንደሪ ወረርትን መሳፍንትን እያ ነይራ።

  1. ኣብ ትሕቲ ባዕዳዊ መግዛእቲ ዝነበረት ኤርትራ

ኤርትራ ኣብ ትሕቲ ባዕዳዊ መግዛእቲ ኣብ ዝነበረትሉ ዘመን: እቲ ህዝቢ ኪሓብርን ናይ ሃገራውነት ስምዒት ድማ ብመጠኑ ከኻዕብትን ጀሚሩ። ፖለቲካዊ ምንቅስቓሳት ተቐላቒሉ። ኣንጻር ጭቆና ደው ምባል ተራእዩ። ኤርትራ ድማ ከም ሃገር ክትቍጸር ዝነበራ ዕድላት እናወሰኸ ከይዱ።

  1. ኣብ ግዜ ናጽነት ዝነበረት ኤርትራ

ኣብቲ ግዜቲ: እቲ ናይ ሃገራውነት ስምዒት: ናይ ኤርትራውነት መንፈስ ፈጢሩ: ህዝቢ ድማ መንነቱ ኣደልዲሉ: ሃገሩ ንኽትስልጥንን ንኽትምዕብልን ድማ ተሃንጢዩ: ራእይ ፈጢሩ: ተስፋኡ ሰማይ ዓሪጉ: ንኽብሪ እታ ናጻ ዝኾነት ኤርትራ ድማ ብጉልበቱን ብኣእምሮኡን ኩሉ ዘለዎ ኪውፊ ወሲኑ።

  1. ሕጂ ዘላ ኤርትራ

ብድሕርዚ ህዝቢ ኤርትራ ዘይሓሰቦ ድቦላ: ነታ ዘፍቅራን ላዕሊ ኪሰቕላን ዝሓሰበ ኤርትራ ኣብ ቅድሚ ዓይኑ ክትፈርስ ከላ ክርእይ ተገዲዱ። ራእዩ ጸልሚቱ: ተስፋኡ ቅሂሙ: ናይ ኤርትራውነት መንፈሱ ደኺሙ….

  1. ኣብ ልቢ ኩሉ ኤርትራዊ ፈታው ሃገሩን ተቓላስን ዝነበረት ኤርትራ

እዛ ኣብ ላዕሊ እተጠቕሰት ኤርትራ ካብ ልብና ክንሓካ ተፈሪዱና እዩ። ግን ከምቲ ሓደ ገዛ ወላ እንተ ኣፍረስካዮ: እቲ ብሉ ፕሪንት (ስእላዊ ውጥን) ግን ተዓቂቡ ዚነብር: ስእሊ ናይታ መጻኢት ኤርትራ ድማ ካብ ልቢ ደቃ ዝሓኮ ምንም ሓይሊ የልቦን።

ኣየነይቲ ኤርትራ ብምባል ንዚሓትት ሰብ: ከምዚ ዚስዕብ መልሲ ይውሃቦ፤

  1. እታ ብባሕራን ብጨዋን ብዓሳታታን ማዕድናታን ብወደባታን ክትምካሕ ዝነበራ ኤርትራ
  2. እታ ብታሪኻን ብጻዕረኛን ተባላሓትን: ዘይልምንን ዘይስደድን ህዝባ ክትኮርዕ ዝነበራ ኤርትራ
  3. እታ በቲ ጋሻ ተቐባላይ ዝኾነን ኣብ ወጻኢ ዝደናገጽን ዝተሓጋገዝን ህዝባ ክትሕበን ዝነበራ ኤርትራ
  4. እታ ኣብ 50 ታት ካብ ኣፍሪቃ ብቑጠባ 2ይ ደረጃ ብምሓዝ ብቕልጣፈ ምዕባለኣ ኣብነት ክትከውን ዝነበራ ኤርትራ
  5. እታ ዘይትድፈርን ዘይትንብርከኽን ዘይናታ ዘይትደልን ምስ ጎረባብታ ብሰላም ክትነብር ዝነበራ ኤርትራ
  6. እታ በቲ ንኹሉ ተጻዊሩን ሃይማኖትን ዓሌትን ከይፈለየ ድማ ንነዊሕ ዘመናት እተጓዕዘ ህዝቢ ብምጥራያ ክትነኣድ ዝነበራ ኤርትራ
  7. እታ ብማዕቀብን ዓለምለኻዊ ፍተሻን ክትዋረድ ዘይነበራ ኤርትራ
  8. እታ ብመራሕታ ክትግፋዕን ክትሳቐን ኢላ ሓሲባ ዘይትፈልጥ ኤርትራ
  9. እታ ደቃ ካብ ኩሉ ኵርናዓት ዓለም ኣኪባ ክትሓቍፍ ዝነበራ ኤርትራ
  10. እታ ደቃ ኣምሂራን ኣኽቢራን ኰስኲሳን ኣብ ዓለም ክትዝርግሖም ዝነበራ ኤርትራ
  11. እታ ናይ ምስራቕ ኣፍሪቃ ማእከል ኢንዱስትርን ልምዓትን ክትከውን ዝነበራ ኤርትራ
  12. እታ ብደሞክራስን ሰብኣዊ መሰላትን ተመስኪሩላ ህዝብታት ናብኣ ኪውሕዙ እንጽበያ ዝነበርና ኤርትራ

ሓደ እዋን: ሓደ ሰብኣይ ለይቲ ምድሪ ናብ እንዳ ዓርኩ ኳሕኳሕ የብል። እቲ ብጻዩ ካብ ንእዲ ተንሲኡ: ደሓን ዲኻ ደኣ! ብምባል ይውከሶ። ሽዑ እቲ ሰብኣይ ኣብ ገጹ ናይ ጓሂ ምልክት እናርኣየ: ኣይ ገብረማርያም መሲሉኒ ንወልደማርያም እንድየ ቀቲለዮ: ይብሎ። እቲ ብጻዩ ድማ: ዋእ:  እንታይ ትብል ወደይ: ነቲ ሓደ ብኣፍካ: ነቲ ሓደ ድማ ብኢድካ: እንታይ ገዲፍካ: ብምባል ይምልሸሉ።

ውልቀመላኺና: ንኤርትራ ከፍርስ እተመዘዘ ናይዚ ዘመንዚ ፍሉይ ልኡኽ እዩ። ንኤርትራ ጥራይ ዘይኮነ: ንህዝባን ንባህላን ንቑጠባዊ ኣቃውማኣን ንታሪኻን ኮታስ ብኹሉ መዳያታ ጽቡቕ ገይሩ ኣዕኒዩዋ እዩ።

ሓደ እዋን እቲ ውልቀመላኺ ካብ ስልጣኑ ምስ ኣልግሰ: ንሱውን ነቲ ኪጓነፎ ዘለዎ ህዝባዊ ቍጠዓ ከም ንቡር ብምውሳድ: ናብ ሓደ ዝኣምኖ ግን ከኣ ብዙሕ ዘይደፍሮ መማኽርቱ ከይዱ ከምዚ ይብል ይኸውን፤ ኣንታ ዓርከይ: ንሕድሪ ስውኣት ዝቐተልኩ መሲሉኒስ ንኤርትራ እምበር ቀቲለያ። እቲ ብጻዩ ድማ ከምዚ ብምባል ይምለሸሉ፤ ነቲ ብኣፍካ: ነቲ ብኢድካ እንታይ ገዲፍካ።

ከምቲ ንሓደ ሰብ ብስጋውን  ብመንፈሳውን መገዲ ክትቀትሎ እትኽእል: ንሓንቲ ሃገር ድማ ብስጋን ብነፍስን ክትቀትላ ትኽእል ኢኻ። ብስጋ ኪብሃል ከሎ: ነቲ ትሕተቅርጻን ከተማታታን ወዘተ. ተፍርሶ ንህዝባ ከም ዝስደድን ከም ዝፈናቐልን ትገብሮ ማለት እዩ። ብመንፈስ ወይ ብነፍሳዊ መገዲ ክትቀትላ ከሎኻ ከኣ: ነቲ ጭዋ ባህላን ወግዓን ታሪኻን ያታኣን ልምዳን ወዘተ. ተፍርሶ ማለት እዩ።

ኤርትራ ግን ብኽልቲኡ ፈሪሳ ወይ ሞይታ እያ። ይኹንምበር ካብቲ ቀዳማይ ሞት ቀልጢፋ ክትትንስእ ክትክእል ከላ: ካብቲ ካልኣይ ሞት: ማለት ናይ ባህላን ታሪኻን ወዘተ. ሞት ንኽትንስእ ግን ነዊሕ ግዜ ኪወስደላ እዩ።

ስለዚ ነዊሕን እተሓላለኸን ኣድካምን ናይ ዳግመምህናጽን ናይ ምብርባርን ዕዮ ኪህልወና ከም ዝኾነ ክንርስዕ ኣይግባእን።

aseye.asena@gmail.com

Review overview
19 COMMENTS
  • abarhqm August 30, 2015

    drb guahi eu.gedifka zeytgedfa,resieka zeytrsia tekal hager eya eritrea

  • Saba Kidane August 30, 2015

    What a painful reading! I am bleeding inside. I hope to see the resurrection of my beloved Eritrea.

    Memhir Amanuel, thank you for your contribution and please keep writing.

    Saba Kidane

  • Yerhiwo August 30, 2015

    Thank you Memhir Amanuel and I appreciate your tireless contribution to enlighten us using simple language and simple stories!!! Eritrea is dying under Dictator Isaias Afwerki who hijacked Eritrean aspiration to build free and democratic Eritrea.

    Eritrea is not for Eritreans now! Eritrea is a living hell!

  • Mehari August 30, 2015

    ስለቲ መሳጢ ዝኮነ ጺሑፍካ ኣዝየ የመስግነካ

  • gerimuna August 30, 2015

    Memher: Hats off! Another gifted understanding, dominion of knowledge and wisdom. I believe that the ground was laid for the second part during Ghedli era. It was designed and subtly impregnated into the psychic of tegadelti to become absolutely obedient under any circumstances.No question was asked. The outcome is the present day society honed to comply and never stand for its right.
    Alas! Finally the ploy seemed to lose its momentum with a new awakening. It is rather a culture of intonation for the lose and nostalgia of the former.
    Never give up. feeding us your insights. Keep hope alive! that our people paid dearly of any other people in the face of the earth existing today that we have no option but move forward.
    Thanks again.

  • yemane johar August 30, 2015

    If I attempt to comment, It wouldn’t add any and wouldn’t do justice to your complete and brilliantly thoughtful article. Let me just say enquaE teweledka enquaE dma natna konka!Love and respect to you,Memhr Amanuel!

  • Simon G. August 30, 2015

    While I have the most respect for Amanuel Sahle, I have some disagreement with the these comments. It could just be me but these are errors:
    2. እታ ብታሪኻን ብጻዕረኛን ተባላሓትን: ዘይልምንን ዘይስደድን ህዝባ ክትኮርዕ ዝነበራ ኤርትራ
    4. እታ ኣብ 50 ታት ካብ ኣፍሪቃ ብቑጠባ 2ይ ደረጃ ብምሓዝ ብቕልጣፈ ምዕባለኣ ኣብነት ክትከውን ዝነበራ ኤርትራ

    On #2: There were many Eritreans that have migrated to Ethiopia (unless you believe Eritrea is part of Ethiopia)
    On #4: Why are we so proud of Italians work? If Eritrea was #2 in Africa, it is to Italy’s credit, not ours. Our credit should be after independence and as you can see it we are #???? We need to stop thinking that we are so smart, hard working, intelligent people. On the contrary, we seem to be some dumb people on the planet. Look around you. Let’s not kid ourselves. I believe, this is a critical parameter we need to address in order to solve our problem.

    ኤርትራ ግን ብኽልቲኡ ፈሪሳ ወይ ሞይታ እያ። ይኹንምበር ካብቲ ቀዳማይ ሞት ቀልጢፋ ክትትንስእ ክትክእል ከላ: ካብቲ ካልኣይ ሞት: ማለት ናይ ባህላን ታሪኻን ወዘተ. ሞት ንኽትንስእ ግን ነዊሕ ግዜ ኪወስደላ እዩ። Correct. I couldn’t agree more.

  • tegadalai hzbi August 30, 2015

    2) እታ ብታሪኻን ብጻዕረኛን ተባላሓትን: ዘይልምንን ዘይስደድን ህዝባ ክትኮርዕ ዝነበራ ኤርትራ…..

    My parents were refugees in Ethiopia from 1964-1993 ,so I do not underdstand how Memhir Sahle can say Eritrean people never left their country as refugees…My parents were under Ethiopian colony ,in Addis Abeba with 3 long distance trailers ኤነ ትረ የምንላቸው የነበረ .Now they are in their country living on the out skirts of Asmera in a one bedroom rented cottage .I am not complainning ,Independence has it’s price.
    Maybe our Eritrean people were not begging because sugar from Wonji Ethiopia used to be exported to Eritrea in a subsidized cheap price, 3 cents for 100 grams in retail shops (as told by my parents).Coffe was everywhere due to export from Keffa in the colonizers’ land ,Ethiopia .The ports were making profit ,because the colonizer Ethiopia used them.
    Ethiopia was life line of Eritrea and Eritreans, but you do not sell your own country for comfort ,peace of mind ,coffee,food,sugar and a hell lot of riches owned by Eritreans.
    Those were the factors that Eritreans did not beg .Now when we are left on our own ,we are more than beggars.But, atleast we have our country.I know it is disintegrating soon ,but we tried and that was worth every Eritrean life.
    ከሰው ለስላሳ የራስ ከርካሳ ይብሉ ኣምሃሩ።ፈቲንና ሃገርና ከነምልስ, ኣምሊስናያ, ህጂ ግን ትኣርብ ኣላ።ግን ፈቲንና ኢና።ንሱ እዩ ቃልሲ ማለት።

  • AHMED SALEH !!!. August 31, 2015

    To fight foreign enemy is easy than to fight the
    enemy within inside own country . That is why we
    find ourselves overshadowed with pro-con political
    circus regardless the facts of Eritreans misery .
    Post-independence produced selfishness , denial
    and arrogant attitude on many Eritreans mind. I
    think we are paying heavy price for that .
    “ADINA XUBUK ALLO ” kind of cheap talk doesn’t hold
    water except fools way for self destruction .
    To see light of this dark tunnel , I guess Eritrea
    is waiting a helping hand from inside the country
    beside DELEYTI FITHI supporters in diaspora.

  • k.tewolde August 31, 2015

    I am an optimist.For our homeland to achieve those 12 aspirations mentioned above by Emanuel is not far fetched, it can be done , those are the very aspirations that our martyrs gave their dear lives , but it will require one and the only thing , for us to work together as one in harmony and deliver the final blow and bury the dictator and his legacy once and for all. Despite all the horrible atrocities he committed to deplete the human capital of our nation, we have abundant skilled labor force, and intellectual prowess left to build a homeland of our wildest expectation. There is enough data out there to back it up.It is a matter of putting it together.Brothers and sisters! if you can dream it , you can achieve it. Eternal glory to our martyrs! Let’s not let them down.

POST A COMMENT