ደሃይ ካብ ኤርትራ

– ኣስመራ ኣብ ወጥሪ ኣላ። ኣብ መፋርቕ መስከረም ብገምጋም 15 ሰባት ንስግረ ዶብ ክኸዱ ከለዉ ሓይሊ ባሕሪ ሒዞምም ክብሃል ጸኒሑ። ወለዶም ንኩነታቶም ብዝምልከት ንሓላፊ ናይቲ ዳርጋ ናይ ዞባ ሰሜናዊ ቀይሕ ባሕሪ ሓላፊ ኮይኑ ተባሂሉ ዝዝረበሉ ዘሎ ወዲ ፊቶውራሪ ሓቲቶሞ ብብድዐ ከምዝመለሰሎም ‘ውን ክዕለል ቀንዩ። ወለዶም ኣዝዮም ተሻቒሎም ድሕሪ ምጽናሕ ሓደ ስንኩል ተጋዳላይ ሰበይቱ ኣብ ወጻኢ ዘላ ናይ ሰለስተ ደቁ ተረዲኡ። ብዛዕባ እዚ ጉዳይ ‘ዚ ተፈላልየ ዕላላት እዩ ቀንዩ። እቶም ሰባት ገለ ባዕሎም ብባህርያዊ ምኽንያት ሞይቶም ክብሉ ከለዉ፣ ገለ ድማ RPG (ኣርፒጂ) ገይሮም እዮም ሃሪሞኦም ይብሉ። ገለ ‘ውን ኣይፋል እቲ ዘስገሮም እዩ ገዲፉዎም ሃዲሙ ይብሉ። ገሊኦም ሓይሊ ባሕሪ ካብ ቤትማእሰርቲ ኣብ ቤትማሰርቲ ከግዕዙዎም ከለዉ መኪና ተገልቢጣቶም ዝብሉ ‘ውን ኣለዉ። እቲ ወረ ኣዝዩ ኣሻቓልን ኣሰንባድን እዩ።

ሓደ ካብቶም ተደዲኦም ዘለዉ ናይቲ ተጋዳላይ ሰለስተ ኣዋልድ እየን።

ደቂ ተጋደልቲ ብምዃኖም፣ ኣቦታቶም ሰብ ብረት ስለዝኾኑ፣ ገለ ክገብሩ ይኽእሉ እዮም ዝብሉ ‘ውን ኣይሰኣኑን። ብኻልእ ወገን ከኣ ኣቦታቶም ደኣ ክንደይ ግዜ ዶ ነዛ ሃገር ኣይሞቱላን፣ ሕጂ ውን ይኸፍሉላ የለዉን። እቶም ተጋደልቲ ‘ውን ‘ኮ በበይኑ እዩ ዓይነቶም፣ ገሊኦም ኣብ በረኻታት እናነበሩ፣ ገሊኦም ኣብ ቪላ ይነብሩ፣ ከም ብዓል ደቂ ፍሊጶስ ከኣ ልዕሊ 15 ሽሕ ዶላር ኣብ ኡጋንዳ ኮይና ወርሓዊ ካብ ኣቦኣ ዝመጻ ተባኽን ዶ የላን።

እቲ ካብ ኩሉ ከፊኡ ዘሎ ናይቶም ኣብ ዓዲ ሕጊ ኮይኖም ዘጣቕዑ ዘለዉ እዩ። በዚ ኮይኑ በቲ፣ ኣብ 20 ታት ዝርከቡ መንእሰያት ኣብ ዓዲ ክነብሩ ኣይክእሉን ዘለዉ። ኩነታቶም ኣዝዩ ኣሸጋሪ እዩ። እቲ ወረ ኣዝዩ ኣሻቒሉ እናሃለወ፣ ካልእ ተረኽቦ ‘ውና ጋጢሙ። ኣብቲ ብድሆ ዝብሃል ቤትማእሰርቲ እሱራት ክሃድሙ ፈቲኖም፣ እቶም ሓለዋ ረሺኖሞም። ሓደ ካብኣቶም ወዲ ኣኽርያ ተረዲኦም ኣለዉ። እቲ ሕቶ ናይ መንእሰያት ብህድማ ክፍታሕን ዘይሰለጦ ክመውትን ክሳብ መዓስ እዩ። ህዝቢ ይምህለል ኣሎ። ሞት ደቂ ሲቪልን ተጋደልትን ይቕጽል ኣሎ። እቲ ሕቶ ወዲ መን ኣይኮነን። ኩሉ ብሓባር ክፈትሖ ዘለዎ ሽግር ዩ። ነቶም ደቆም ኣብ ክመሃሩሉን ብሰላም ክዓብዩ ዝኽእሉን ወጻኢ ሃገር ኣቐሚጦም ኣብ ኤርትራ ፍትሒ ከምዘሎ ዝምድሩን ዝሕስዉን ዘለዉ፣ ህዝቢ ናብዚ ዓዲ ግዳ ዘይመጹ እናበለ ይወቕሶም ኣሎ።

– ንዕለት 3 ወርሒ ሓደ ህዝባዊ ሰራዊት ክዕለም ንጋሕቴላይ ክወርድ እዩ፣ ዘይወረደ ታሴራ ኣይክህልዎን እዩ ኡብሉ ኣለዉ እቶም ልኡኻት ናይቲ ደረቐኛ መንግስቲ ሎሚ መንነት ኤርትራዊ ክሳብ ክንደይ ከምዝፈንፈኑዎ ዶ ይስቆረቁም ኣሎ። ሰብ ኣርሙሙዎ ዘይከደ ብኹቦን ክትሕዞ ምፍታን ምስ ምንታይ ይኽቑጸር። እቲ ዘገርም፣ ነቶም ገለ ኣባልት ሰራዊት ሓለፍቲ ኣብ ሰራዊት ቦታኦም ኣብ ምንታይ ምዃኑ ዝነግሩዎም ምህላዎም እዩ። እንዳ 59 እንዳ 37 እናበሉ ምስ ደቆም ክምድቡዎም ይስምዑ። እቲ ዝኸፍአ ሓንሳብ ካብ ገዝኦም ንታዕሊም ኢሎም ምስ ኣውጽኡዎም ብኡ ኣቢሎም ንድፋዕ ክሰዱዎም ምዃኖም እዩ። ህዝቢ እዞም ሰባት ተጸሊሎም ድዮም፣ ‘ተደፊርና’ ህዝቢ ንዒቑና እናበልካስ ክንድዚ ምትህልላኽ ኣሎ። እቶም ክሳብ ሕጂ በጃኩም ዓገብ በሉልና ክብሉ ዝጸንሑ ኣባላት ሰራዊት፣ ምድፍፋር እንተተጀሚሩ ንሕና ‘ውን ኣይንሓምቕን ኢና ይብሉ።

ካብ ደለይቲ ፍትሒ ንሰላም

22 ታሕሳስ 2014