Visit the new AsenaTv Website

https://asenatv.com

ጀጋኑ ዝጠፍኡሉ፡ ወሻሉ ይዋራዘይሉ፡፡ መልሲ ንሓው ሮቤል ተስፋይ

መበገስ ጽሑፈይ: ብምኽንያት እቲ ኣብ ክበብ ኤርትራውያን ኮሚኒቲታት ስቶክሆልም፡ ሽወደን፡ ዞጋነፈ ባርዕ ሓዊ ኣመልኪቱ: ሓው ሮቤል ተስፋይ ብዕለት 3 መጋቢት: ምስ ራድዮ ናዝ ኣብ ዝገበሮ ቃለ-ምልልስ ዝተዛረቦ ዘረባ'ዩ። ኣብዚ ቃለ-ምልልስ: ሓደ ዘደንጽው ዘረባ ሰሚዕና: ካብ

መበገስ ጽሑፈይ: ብምኽንያት እቲ ኣብ ክበብ ኤርትራውያን ኮሚኒቲታት ስቶክሆልም፡ ሽወደን፡ ዞጋነፈ ባርዕ ሓዊ ኣመልኪቱ: ሓው ሮቤል ተስፋይ ብዕለት 3 መጋቢት: ምስ ራድዮ ናዝ ኣብ ዝገበሮ ቃለ-ምልልስ ዝተዛረቦ ዘረባ’ዩ። ኣብዚ ቃለ-ምልልስ: ሓደ ዘደንጽው ዘረባ ሰሚዕና: ካብ ሓውና ሮቤል። እዛ ሕጽር ዝበለት ጽሕፍተይ ድማኒ ከም ግብረ-መልሲ ነቲ ከይሓነኸ ዝተዛረቦ ዘረባ’ያ።

ቅድሚ ዝኣገረ ግን፡ እቲ ዝተገብረ ነገር ፈጻሚኡ ብዘየገድስ፡ ዘይሙኽኑዩን፡ ክኹነን ዝግብኦ ተግባር ምኻኑን ርእይቶይ ክገልጽ እፈቱ። ንዑዑ ብዝምልከት፡ እቲ ነገር ተጻርዩ፡ ናይቲ ነገር ፈጻሚ ብፖሊስን ቤት ፍርድን መን ሙኻኑ ምስ ተነግረ፡ ብዝሰፍሐ ክጽሓፈሉ ከምዚኾነ ዘማትእ ኣይመስለንን። ገበነኛን ምኽንያቱን ከይተፈልጠ ግን፡ ብይኸውንን ህውተታን ምዝራብ ቅኑዕ ስለዘይኸውን፡ ንግዜ ምግዳፉ ይሓይሽ።

ኣቶ ሮቤል ተስፋይ፡ ኣዳላዊ ተለቭዝን ድምጺ ኤርትራውያን ስቶክሆልም’ዩ። ኣብቲ ምስ ራድዩ ናዛ ብሓንሳብ ምስ ጋዜጠኛ ዮውሃንስ፡ ንገለ ኮሚኒቲ ኤርትራውያን ስቶክሆልም ወኪሉ፡ ዝሃቦ ቃለ-ምልልስ፡ ካብ ሓደ ጋዜጠኛ ዘይትጽበዮ ዘረባ ተዛሪቡ። “ጋዜጠኛ ድዩ ኣይኮነን?” ዝብል ሞገተ ንድሕሪት ገዲፍና፡ እቲ ዝተዛረቦ ዘረባ ልቢ ዘየብቆለ ህጻን’ውን ዝዛረቦ ከምዘይነበረ ከውክእ እደሊ።

ያኢ ኣምሒሩለይ ኢሉ፡ ካብ ካድራት ህግድፍ ብዝተለቅሖ ዘረባ፡ ንኤርትራውያን ብዝምልከት፡ ተቃወምትን ደገፍትን ዝብሃል ዘረባ የለን ኢሉና። ብኣዘራርባ ኣቶ ሮቤል፡ ኤርትራውያን ኣብ ክልተ’ዮም ዝኽፈሉ፤ ንሳቶም ከኣ ሃገራውያንን ዘይሃገራውያንን። ተቃወምቲ ኣይሃገራውያንን እዩ እቲ ኣባህላ ሮቤል። በንጻሩ፡ ኣቦይ ዓንዱ ባዕሎም ይናኣዱ ከምዝብሉኹም፡ እኒ ንሱን መሰልቱን ድማኒ ሃገራዊያን።

ሃገራውያን ይብሉኹም ከምዞም ከማታትና’ዩም ኢሉና ከይሓፈረ። ወረ ዳሕራዩ ይገድድ፡ ሓደ ሓው ምስሓተቶ፡ ነተን 40 ዘይመልኣ፡ ኣብ ኤርትራ፡ ኣብ ቤት ምህርቲ ኻድር ህግደፍ ዝነበረለን መዓልታት፡ ክእሕበነለን ሰሚዕና። ኣየ በዓል ሮቤል! ወግዕኹም ብኾራርምትኻ’ዩ ዘስሕቅ። ከምቲ ኣብዚ ዝሓለፈ 4 ክሳብ 5 ዓመታት፡ ዕረ እንዳጠዓሞ፡ ንሃገሩ ኹቦ ደርብዩላ ንስደት ዝወሓዘ መንእሰይ፡ ን10ተታት ኣመታት፡ ኣብቲ ሃገራዊ ኣገለግሎት ዝሳጉኡ፡ ሃገራዊ ባርነት፡ ከርቲትካ እንተትነብር ደኣ፡ ሓውና ሮቤል፡ ክንደይ ምተነየትካልና ክንደይ ኮን ምሃደድካና። ኣቦይ ዝጊ ነዓና ክብል ኣየውረዶን እምበሪ፡ ኣብ ልዕሌና ምሸነ ዶ ሓቀይ?።

ኣቦታትና ከምዚ እንከጋጥሞም፡ “ጠሪጡ እንተ ዝሓንክ ዶ ጸሊእኹም” ይብሉ። ንሙዃኑ ሃገራውነት  ትርጉሙ እንታይ ሙዃኑ ትፈልጦ ዶ፡ ጋዜጠኛ ሮቤል? ኣብ ፌስቲቫላት፡ ለይታዊ ትልሂታትን ኣኼባታትን ምውድኽዳኽ ድዩ ሃገራውነት? ካድረታት ህግደፍ ክመጽኡ እንከለው፡ ከም በቅሊ ተወጢሖም ናብ ባህትኦም ስለዝጠምዘዙኹም፤ ዝበሉኹም ከም ጠባብቅ ርእስኹም እናነቅነቅኩም  ስለዝሰማዕኩምን፤ ከም ሕንጻይ ሓንቲ ብዘይምጉዳል ስለዝደገምኩምን ዲኹም ሃገራውያን ኮንኩም? እቲ ሃገራውነት ዝብል ቃል ካብ ሃገር ዝብል ቃል ከምዝመጸን፡ በቲ ዝወሓደ መዓቀኒኡ፡ ንዝመጹን ዝኸዱን ስርዓታት ዘይኮነስ፡ ንሃገርካ ምግልጋልን ብሃገርካ ምሕማምን ምኻኑ ይርደኣኩም ዶ? ኣረ ሃገር ማለት፡ እዚ ዘሎ ስርኣት ዘይኮነስ፡ እቲ ነባሪ ህዝቢ ምኻኑ ይስቆረኩም ዶ? ወረ መን’ዩ ንህዝቢ፡ እዚ ሃገራዊ እዚ ዘይሃገራዊ፡ ኢልኩም ክትውዝዑ ሓላፍነት ዝሃበኩም? ኣረ ነዛ ኤርትራናስ እንታይ ኢኹም ጌርኩምላ? በኣል “ሃገራውያን”፡ እስከ ተሓተቱ። ሕጂ ክትዋራዘዩስ፡ ኣብቲ ሃገር ምድሓን፡ መንእሰይ ምስ ጸላኢ፡ ድንሽ ችፕስ  ዘይኮነስ፡ ጓህሪ፡ ዓረርን ቦንባታትን ኩኮላለስ እንከሎ ኣበይ ኢኩም ኔርኩም ብዓል ሮቤል? ። ብዓል ‘ሃገራውያን’፡ ኣብቲ እዋን ሓጋይ፡ ሰብ ንባሕሪ ወሪዱ ክደራገም፡ ኤርትራ ክትጣራዕ፡ ኣበይ ኮን ኢኹም ኔርኹም? ሓጋይቶ ዶ ነበርኩም ሓቀይ?

መንእሰይ ክኮራሸም፡ ምስ ወታሃደራት ጸላኢ ብዃሌታ ክታሓናነቅ፡ ብሳንጃ ክበዛበዝ፡ ምናልባት፡ ማናልባትዶ ኣብ ጎደናታት ስቶክሆልም ማክዶናልድ እናበላእኩም፡ ካፈ እንዳሰተኹም፡ «We want peace! Stop Ethiopian aggression! Stop War!» ኢልኩም: ብቋንቋ ሽወደን ኢንኮላይ ጨዲርኩም ትኾኑ?

ከምኡስ ጌርኩም ትኾኑ ኢኹም። ሓቂ ይሓይሽ፡ ክሳብ ጎረረኹም ዝጭደድ፡ ቀዝሒ ሽወደን ድምብርጽ ከይበለኩም፡ ኣስሚዕኩም ኢኩም። ስለዚኾነ ድማኒ ዝለዓለ ሽልማት መዳልያ ጅግንነት ይግባኣኩም’ዩ። ንስለ ሓቂ ዝኣክል’ዩ።  ግዜ እንተፈቂዱ ድማኒ፡ ከም ወዮ መንግስትኹም ዝብሎ፡ ናይ ወያነ ተጻብኦታት ደው ኣብ ዝበለሉ፡ ዶብ ምስተሓንጸጸን ቅዋም ምስተተግበረን፡ መንግስቲ ኤርትራ ከም ሓደ መደብ ሒዝዎ’ሎ ይበሃል፤ እዚ ሽልማት መዳልያታት። ካብቶም ኣብ ቅድሚት ሑጽያት ኮይኖም ተሓርዮም ዘለው ድማኒ ‘ሃገራዊ’ ሮቤል ሙኻንካስ ዑፍ መስቀል ነጊራ ኢሎማ። ሽኩሹካ ወይ ጭርጭር ዓበደ ይብሉኹም ከምዚ’ዩ።

ብዝኾነ፡ ሓው ሮቤል ቁሩብሲ ሕንከት ደኣ ተማሃር። እቲ ምድጋፍ ከምድላይኩም፡ እንተ’ቲ ዘረባ በሃማትስ ኣየድልየኩምን። ሃላይሲ ትም ኢሎም እንተሰምዕዎ ጽቡቅ ዘሎ ይመስሎ’ዩ እቲ ነገር። እዞም ሕጂ እንሓንሳብ ዘየሃገራዊያንን ኸደምቲን፡ ካልእ እዋን ሃደምቲን ኸዳዓትን፡ በልዎም ተባሂልኩም፡ ንስኻን ጁጅ ማጁጅካን ትዝልፍዎም ዘለኹም መናእሰያት፡ ትማል ንኤርትራ ካብ ወራራት ጸላኢ ዘናገፍዋን፡ ደው ኢሎም ኣለናልኪ ዝበልዋ ንሳቶም’ዮም። ኣለናልኪ፡ ምሽ ኣብ ወረቀት፡ ኢንተርነትን ካናተራታቶምን? ኣለናልኪ ኣብ ግብሪ ብኣካል፤ ኣብ ሜዳን ሽንጭሮን፤ ኣብቲ እምባታታን ዶባታን፤ ብደሞምን በዕጽምቶምን። ከምዚ ጌርና ኢሎም ኣፎም መሊኦም ዘይተዛረቡን ዘይተነየቱን፡ ከምዘይከማኻ ልቢ ስለዘዕበዩ ጥራይ’ዮም። እቲ ምንታይሲ ጽምኢ ኽረምትን ጥምየት ቀውዕን ረረኻቢኡ ከምዚፈልጦ ኣንዳዕዲዖም ሰለዘፈልጡ ጥራይ’ዩ።

ንስኻ፡ ርእስካን ከብድካን፡ ብችክንን ድንሽን ሽወደን፡ ወላእላእ ክሳብ ዝብል ኽትህንጉልም እንከለኻ፡ እዞም ‘ዘይሃገራውያን’ ዝጠቀንካዮም መናእስያት፡ ክልተ ባኒ ወዲ ዓከር ምስ ማይ ሩካን ዝመስል ጸብሒ ዓደስ እናበልዑ’ዮም፡ ማዓልታት ኣረ እንሓንሳብሲ ሳምንታት ከይደቀሱ ምስ ጸላኢ ዝተረባረቡ ንድሕነት ኤርትራ፤ ብዘይምግናን ካብዞም ሕጂ ከይሓነኽኻ ትጸርፎምን ኣነዋሪ ዘረባታትካ ትስንድወሎም ዘለኻን፡ 99% ኣብዚ ዳሕረዋይ ኩናት ምስ ኢትዮጵያ፡ ምእንቲ ድሕነት ሃገር ሓመድ ድፋጭኦም ዝሰተዩ’ዮም። ቁሩብሲ ልቢ ደኣ ኣቡቁል፡ ኣስተውዕል ሓው ሮቤል።

እዞም ኣብ እስራኤል፡ ኣብ ከተማታት ኤውሮጳ፡ ኣመሪካ፡ ኣውስትራልያ፡ ኣፍሪቃን ማእከላይ ምብራቅን ነዚ ስርኣት ዝቃወሙ ዘለው መናእሰያት ብዙሕ ርእዮም’ዮም። ሂወት ብዙሕ ምሂርዎም’ዩ። ከሙኡ ደኣ ሚዛንኩም መዓቀኒኣ በበይኑን ሓባልን እያ እምበሪ፡ ከምቲ መሰል ናትካ፡ ብዝውሓደ ብዝውሓደ ነዚ ንስኻ ከም ሰብ ረኪብካዮ ዘለኻ ዕድላት ክረኽቡን ዝመሰሎም ፖለቲካዊን ካልእን ኣረኣእያ ክህልዎም መሰሎም ሙኻኑ ክርደኣካ ነይርዎ፡፡ ጉቡኦም ገይሮም ከብቅዑ፡ መሰላቶም ኣብ ሃገሮም ክረኽብዎስ ይትረፍ ጥቃ ምርካብ ውን ዘይሓልፍ ስለዝኾኖም’ዮም ሃገር ንድሕሪት ገዲፎም ንዓኻ ክመስሉ ንኤውሮጳን ካልእን ተሰዲዶም። ገሊኦምሲ ወረ ኣቦታቶምን ኣደታቶምን ነዛ ሃገር ንምምጻእ ዝከርተቱ፡ ዝሰንከሉን ዝተሰውኡን’ዮም። እቲ ሃገራውነትሲ ኣብ ደሞም’ዩ ዝዘውር። የዕጽምቶም፡ ኣንጉዖም፡ ቆርበቶም፡ ኮታ ኩልንትንኦም ሃገራውያን’ዮም። እቲ ንቡር ስለዝራሓቆም ጥራይ’ዩ ናብዚ ዘለኻዮ ሃገር ኣምሪሖም። እምበኣርከስ፡ ሃደምቲ እንተኾይኖም ንስኻውን ምሳሊኣዊ ሃዳሚ፡ ደቂ ከዳኣት እንተኮይኖም ንስኻውን ወዲ ከዳእ ምኻንካ ብደንቢ ከተስተዕውልን ክስቆረካን ምተገብኣ።

ወዮ ድኣ ሰብ ረሳዓይ እዩ እምበሪ፡ ነታ 40 መዓልታት ዘይትመልእ ትምህርቲ ካድር ክትወስድ ኣብ ኤርትራ ከመይ ከምዝተጣላቀኻ ተረሲዑ ድዩ? እዚ ኸማን፡ ምሽ ከምቲ ሽግር እዞም ‘ዘይሃገራውያን’ ዘሕለፍዎ፡ በቲ ናይ ኤርትራ መዓቀኒ፡ መግቢ ሆተል እንዳበላዕኻ፡ ወርሒ ዘይትመልእ ከመይ ዲኻ ተጣሪዕኻን ተጠላቅኻን  ኔርካ? ዶስ ሓባል በልያ እዩ…እቲ ነገር። ወይ’ውን ሰብ የሎን ዝፍለጥ ኢልካ ኢኻ።

ሓደ ግዜ እቶም ካብ ሚኒስትርታት ዘመጽኡ ተኣኪቦም ንመንግስቲ ክሓምዩ ምስ ጸንሑኻ፡ “እዞም ካድረታት ተባሂልኩም ዝመጻእኩም ከምዚ ትብሉ እንተድኣለኹም፡ ህዝቢ ደኣ እንታይ ይብል ኣሎ ማለት እዩ ክትብል ረሲዕካዮ ዲኻ፡” ዶስ ንሱውን ንይምሰል ዝበልካዮ ዘረባዩ?

ስርኣት ህግደፍ ልጋም ኣጉርሱ ድልየቱ ክዝውረኩምን፡ ከም መቃልሕ ዝበሎ ክትደግሙ ክግብረኩምን ንኣካን መስለትኻን ከተፍቅዱ ሰብኣውነትኩም ምሻጥ ጥራይ እዩ። ምናልባት ገለ ቁሩብ ጣፍያ ይድርብየልኩም ይኸውን፡ የግዳስ እንገራ ጀላእ ኣይበላእዩ’ሞ እዚ ኤህ! ህዝብናስ ክይሓንቀኩም ደኣ ተጠነቀቁ።

ሕዝብኹምን ሃገርክሙን ድኣ ፍተው ኣቶ ሮቤል። ስርዓታትን መራሕትንስ ምስ ግዜ ከየድትን መጻእትንዮም። ንሕዝብኹም ደኣ ኣገልግሉ። እቲ ትማል፡ መኣዓጋጉርትኹም እናተደራረዝኩም፡ መባሃልቲ ‘ኣንታ እዚ ናትካ ክንደይ ይለምጽ፡ ናትካባ’ ዝነበረ ዓርክኻ ኣሊ ዓብዱ ኸማን፡ እንተስ ባንደርኡ ወዲቃ ፈሊጡ፡ እንተስ ፍራንካ መንሺቱ፡ እንተስ ኣብ ኣጋ ዕራርቦ ተረዲእዎ፡ ነዚ ስርዓት ራሕሪሑዎ እናሃልካ ተሸሪቡ። ትማል ትማል ከም ወዩ ትዝክሮ፡ክመዚ ንስካ ትብሎ ዘሎኻ ሕጂ፡ ኣብ ኤርትራ “ዝጎደለ ዘየልቦ፡ ወላ ጸባ ደርሆ” ይብል ከምዘይነበረ፡ ሕጂ ኣብቲ ተሓቢኡዎ ዘሎ ውሻጠ ኮይኑ ‘ወላ ዝፈልጦ ኣይነበረንን’ ኢሉ፡ ከምዛ ጻድቅ ወኻይራ ኮይኑልና። ንስኻ ከኣ ሓው ሮቤል፡ ከም ወያ ኣቦው ዝብልዎስ፡ ‘ስጋ ኣድግስ፡ ኣብ ማእሲ እንተበልዎስ፡ ኣብ ምድሪ ይሕሸኒ ይብል፡’ ዝብልዎስ፡ ስጋ ኣድጊ ኣይትኹን። ኣብ ማእሲ ምስ ህዝቢኻ ይሕሸካ።

ሓንቲ ነገር ግዳ ቅንዕቲ ተዛሪብካ ኣብ ወዮ ቃለ-ምልልስካ። ክዕረ ንደልዮ ነገር እኮ ክህሉ ይኽእል’ዩ በልካ። ናይ ልብካ ይግበሮዩ። ክዕረ ዝግብኦ ደኣ ብኸፈር። የግዳስ ክሳብ ክንድዚ ዲኹም የዋሃት፡ ወይስ ኣብ ቤት ትምህርቲ ካድር ዝቀሰምኩሞ፡ ንስለ ፖለቲካዊ ሃልኪ፡ እትጥቀሙሉ ታክቲክ’ዩ። ጂ-15፡ ጂ-13፡ ነናይ እዋኑ ተቃውሞ ተጋደልትን ስንኩላንን፡ ክዕረይ ዝደለይዎ ነገራት ሰልዝጠለቡ እንዳ ጦርቶሶም ከምዝኣተው ገና ኣይተረድኣኩምን ኣሎ?

ከም ሓሳባት ግን፡ እዚ ምዕራይ ትብሎ ዘሎኻ፡ ካብቲ ትሰርሓሉ መደበር ተለቭዥን እንተጀመርካ ድንቂ ምኾነ። ኣብ ክንዲ ዘዝመጸ ወዳሳይ ወይ ደራፋይን፡ ዘዝመጸ ካድር ስርኣት ህግደፍን ጥራይ ቃለ-መጠይቅ ትገብርሲ፡ ብዛዓባ ዞም መዓልታዊ ሀገሮም ራሕሪሖም ፋሕ ዝብሉ ዘለው መናእሰያት መደብ እንተትሰርዕ ኣይምሐሸን’ዶ፡፡ እስከ ንፈውሲ ማሕላ በዛዕባ እዘን ኣምዑት ዘይቆጸራ፡ ጨለግዕ ናኣሽቱ ኣሓትካን ሕጻውንትን፡ ብዛዕባ እተን ቀጢን ኣውያትን ዝሰምዖ ስኢኑ ተዓፊንነ ኣብ ሲናይ ብጉሓላሉ ራሻይዳን በድወይኒ  የዕራብን መጻወቲ ኮይነነ ዘለዋ፡ ብዛዕባ እቶም ናውቲ ከብዶም ተጎልጊሉ ሬስኦም ከም ሬሳታት ኣኻልብ ተጓሒፉ ዘሎ ኣሕዋትካ ተዛረብ፡፡ እስከ ንሓንቲ መዓልቲውን ትኹን፡ ብዛዕባ እቲ ሽግርን፡ ጠንቁን ሳእቤኑን መፍትሒኡን ተላዘበሉ። ጋዘጠኛ’የ በሃላይ ኢኻሞ እስከ ንሓንቲ እዋን ስራሕ ናይ ሓቀኛ ጋዜጠኛ ስራሕ። እቲ ዝናኣሰ ንኤርትራን ህዝባን ክትገብረላ እትክእል እምባኣር እዚ’ዩ። ሽግር የሕዋቱ ዘሕምሞ፡ ናይ በሓቂ ሃገራዊ ኸኣ ከሰይመካ’ዩ።

ሃገራውነትካ ዝምስከረሉ፡ ነዚ ዘሎ ስርዓት ስለ ዝተቃወምካን ወይ’ውን በንጻሩ ስለ ዝደገፍካን ዘይኮነስ፡ ሃገርን ህዝብን ወሪድዎ ዘሎ ሽግር ብቅንዕናን ብዘይሻራን ኣጽኒዕካ፡ ንሃገርን ህዝብን ዘርብሕ ነገር ምስ እትዛረብን ምስ እትገብርን’ዩ።  ከም ኣብ ሰላምን ሓርነትን ዘለዎ ሃገር ተቀማጢ መጠንን፡ ከም ጋዜጠኛን ሃገራዊ ሓላፍነትካ’ዩ። ምናልባት ሽዑ ነዞም ኣብ ዝሑሉን ኣብ ውዑዩን፡ ብጻዕዳን ጸሊምን የእዳዎም ነዛ ሃገር ዘገልገልዋን፡ ደሞምን ረሃጾምን ዘንቱዑላን፡ እንግድዕኦም ዝተሰብሩላን መናእሰያት፡ ዘይሃገራውያንን ሃገራውያንን ኢልካ ክትውዝዕ የምሕረልካ ይከውን። ምናልባት።

ወድሓንካ

ስብሓት ዘይቀሰነ

aseye.asena@gmail.com

Review overview
24 COMMENTS
  • gelsh March 6, 2013

    abey emo yrdeo guhila ko eti nsu zbeleo dea ember eti hawu zhlfo hiwet ayntayun u

  • meseley March 6, 2013

    thats right brother its realy selfishness ,they realy selfish ,the pfdj suporters knows everything more than every body they just selfish

  • selam March 6, 2013

    ሓው ስብሓት ኩሉ እዚ ዝበልካዮ ሓቂ እዩ። እዞም ደናቁር ከምዚ ስሙ ዝጠቐስካዮ ሮቤል ተስፋይ ዝስሙ ብዕራይ ሃገራውነት ብዘረባ እዩ ዝመስሎም። ምስ ዞም ኮንዶም ህግደፍ ምዝራብ ግን ትርጉም ስለ ዘይብሉ ምንዓቆም እዩ ዝሓይሽ።

    • MEHRETU HABTE March 6, 2013

      ኣሜሪካውያን ይብሉ ¨ግፍዔኛታት ከም ድላዮም ዝገብሩ ካብ ሰብ ንላዕሊ ቅልጽም ወይ ሓይሊ ሃልይዎም ኣይኮነን፣እንታይ ድኣ ቅኑዓት ሰባት ምንም ከይገበሩ ኢዶም ኣጣሚሮም ስለ ዝገደፍዎም እዩ።¨፣
      ስለዚ እዚ ሮቤል ዝበልካዮ፣ሙታንታ ህግደፍ፣ ድማ ጽን ኢሎም ዝሰምዑዎን ከይጽኡ መታን ሓሳዊ ክብረት ዝ ህብዎ ሰባት ስለ ዘለዉ እዩ፣ይበተኹ ዘረባ ዝዛረብ ዘሎ።ንሓደ ዘይፍለጥ ውሻል ግን ንስኻ ሓው ስብሓት ኣፍሊጥካዮ።ዘየድሊ ዝና ሂብካዮ። ኣውያት ሲናይ ሰሚዑ ደቂሱ ዝሓድር ህዝቢስ ብሮቤል ዘይሃገራዊ ተቖጺረ ኢሉ ድዩ ከይሕነቕ ፧ ወዳ ዝጠፍኣ ኣደ ከላስ በቲ ዝጠፍኤ ኣድጋ ከም ምዝራብ እዩ።ካብ እንቋቝሖ ተመን ዑፍ ክትጭጫሕ እንተ ተጸቢኻ፣ ምሕረት የውርድ።I agree with Selam ,let it go ,they are toilet flies ,can´t produce honey .

      • ahmed saleh March 7, 2013

        Eritrean era of betrayals when mothers shed tears they dance .
        When brothers /sisters scream from agony under their dungeon they laugh .
        When ordinary people go to bed with empty stomach they get drunk .
        When children get kidnapped their wallet get fat .
        When you miss honesty you bacame brutal

      • Habe March 7, 2013

        Haw Mehretu Habte,
        I agree with you. But sometimes it important that you call a spade a spade and not let it go free. They should know that when we keep silet, it does not mean that we don’t know. As they say the case is ” ደውየ ደውየ እንተዘይበልዎስ፡ ውሻጠ ኣትየ ዶ ክፍትፍተልኩም ይብል”. They need to be told who and what they are fair and square.

  • Simon March 6, 2013

    Robel ‘asha halay eyu. Gedefo ewanu kemetso eyu. B’al Robel kab B’al Ali Abdu do yebeltsu koynom, tetekimu kederbeyom eyu eti HGDEF. Tarikhom mehferi dekom kikewen eyu.

  • sara March 7, 2013

    thanks for the information. we are always learning as a human being.

  • ABAHANI March 7, 2013

    ROBEL BIERAI MAHREDI STALA DERHOS BEMOT DEKA TITSAWET ZTEBAHILE KEMZI NATKA EYOU BEAL NSKA KEMAKAN HATELA HAGER EKOM.

  • ABAHANI March 7, 2013

    ZEYWEGIH MESILUWAS AB BOKRA THARIE ELOMO LEBAMAT.

    • Hederi March 7, 2013

      Robel, really you are good server to your dictator,but for your people slaughter/killer if you are real Eritrean say some thing to those whom kidnapping by the human traffickers Bedouin in Sinai desert your brothers and sisters shouting daily for help,but you and your similar betrayals it is not your nature to say the truth and also please don’t try to divide the Eritrean people we are always under united Eritrea, the only one enemy of the Eritrean people is the dictator Issayas and his servant dogs(KEDEMTUN)and brother Sebhat it is corrective article good job continue to expose Robel and like Robels thank you

  • Tefash March 7, 2013

    First and foremost HE (robel T), is not a journalist, like the Amanuels in the opps, he is a News READER, given in a witten form from the HGDEF. 2nd He is not a hard die type, He is a gentelman with integrity and polite to all by nature. 3rd HE is an ordinary person working full time to feed his children, not fulltime server of hgdef. So, I think, HE does not need and deserve that FAME and name. JUst ignore HIM, he is nothing dangerous or evil. If not you (SbHat ZeyKesene) have personal gruoge, hatred or jealousy. Yes Robel is a member of hgdef since its inception, still HE is, and is its right to do so, as far as he is civil. Hope HE robel abandon hgdef as his near friends did.

  • BEAKLI ZSEBE March 7, 2013

    IF THIS MEDIA IS AN OPPOSITION MEDIA AND YOU ARE ONLY WRITING THE NEGATIVE SIDE OF ANY ONE YOU ARE WORTHLESS. OPPOSITIONS SHOULD BE MORE SMART THAN THEIR OPPONENTS AND TRY TO GET READY TO REPLACE THEM BY BEING READY WITH THE PLATFORM.I HOPE SEBHAT IS NOT THE LEADER OF THE OPPOSITION WHO IS TRYING TO DEFEND THE CRIMINALS. LETS SEE AND WAIT THE CAMERA PHOTOS OF THE GUILTY DURING THEIR OPERATION. YOU ARE HAPPY AND LAUGHING ON THE INCIDENT.LETS WAIT AND SEE IT IS NOT ONLY WRITING NONSENSE AND UN MATURED PEOPLES TALK.

  • mike March 7, 2013

    Well compiled writer!
    proud to have you as a voice to the voiceless!

POST A COMMENT