Visit the new AsenaTv Website

https://asenatv.com

ጓህና ገንፊሉ

እዚ ለንቕነ ኣብ ናይ ሃገራውያንን ዓለምለኻዊ ናይ ዜና ማዕከናት ተዘርጊሑ ንርእዮ ዘለና መጭወይቲ፣ ግፍዒ፣ ዓመጽ፣ ስቅያትን መቅተልትን ንጹሃት ኤርትራውያን ኣሓትናን ኣሕዋትናን ኣብ በረካ ሲናይ ሓድሽ ዘይኮነስ መቀጸልታ እቲ ናይ ዓሰርተ ዓመት ህልቂት ናይ ጉዕዞ ስደት

እዚ ለንቕነ ኣብ ናይ ሃገራውያንን ዓለምለኻዊ ናይ ዜና ማዕከናት ተዘርጊሑ ንርእዮ ዘለና መጭወይቲ፣ ግፍዒ፣ ዓመጽ፣ ስቅያትን መቅተልትን ንጹሃት ኤርትራውያን ኣሓትናን ኣሕዋትናን ኣብ በረካ ሲናይ ሓድሽ ዘይኮነስ መቀጸልታ እቲ ናይ ዓሰርተ ዓመት ህልቂት ናይ ጉዕዞ ስደት እዩ።

ኣብ እዋን ሓዘና ዝፍስሑን ብሽግርና ዝወራዘዩን ንሶም ፈጠርቲ ጸገምና ምዃኖም ንመን ይጠፍኦ። “ኣይትብከ እንድዩ ደብክየኒ” ከምዝበሃል ጋህስታት ናይ ሲናይ ዝወሓጦ ምስጢር ክተፍእ ኣብ ዝጀመረሉን ብዓለም ለኻውያን ጋዜጠኛታት መዛረቢ ኣርእስቲ ኮይኑ ኣብ ዝጋውሓሉ ዘሎ ወቕቲ፣ እቲ ንመንእሰያት ሃገርና ናብ’ዚ ሕሰም’ዚ ክቃልዑ ዝገበሮም ስርዓት ህ.ግ.ደ.ፍ “ዘይ ሕጋውያን ኣፍሪቃውያን ስደተኛታት” እንዳበለ ብመራኸቢኡ ይልፍልፍ ምህላው ኣስተውዒልካ ጌና በዚ ዘውረደልና ኣደራዕ ከይዓገበ ብኣስካሬን ኣሕዋትና’ ውን ፖለቲካዊ ሸቐጥ የካይድ ምህላው እዩ።

“እንተዘይትንውንወኒ መን መጽደፈኒ” ስርዓት ኢሳያስ ሰብኣዊ መሰሎም ገፊፍ ኣብ መወዳእታ ዘይብሎ ጊላነት እንተዘይቆርኖም መድሓንቶም ዝተቐብረላ፣ ሓመዳ ቑሒሞም ዝዓበዩላ ዓዶምን ቤተሰቦምን ገዲፎም ሃጽ ኢሎም ንስደት ኣይምጠፍኡን። እዚ ሓጥያቱ ጸብጺብካ ዘይውዳእ ምልካዊ ስርዓት’ ዚ ባዕሉ ዘሰወዶም ኢደ ቤዝኡ ኣስገርትን ደለልትን ወሃብትን ተቀበልትን ኮይኖም ካብ ማእከል ከተማታት ሃገርና ብናይ መንግስቲ መካይን ኣሽሓት ዶላራት ተኽፊሎም ናብ ጎረቤት ሱዳን የስግሩ፣ በዚ ከይተደረቱ ምስ ራሻይዳን በደዊንን ብምሽራኽ ተኻፈልቲ ናይ 21 ክፍለ ዘመን መርመም ሸቀጥቲ ኣካላት ወዲ ሰብ ኮይኖም ኣለው።

ኣብ ኣጻምእ ሰሃራ ነቂጾም ብኻምሲን ምድረበዳ ዝተደፍኑ ኣሕዋትና እታ ናይ መጨረሽታ ሕሞት ቀልቦም ዘጥፍኡላ ጊዜ እንታይ ይሓስቡ ምንባሮምን መረሮኦምን እንተኮማሲዕናዮ፣ ባሕሪ ሜድተራንያን ማዕበላ እንዳገላበጠት ሃሕ ኢላ ክትውሕጦም ከላ ዝነበሮም ጭንቀትን ውጥረትን እንተሰላሲልናዮ፣ ክትዛረበሉ ዝቐፍፍ ባርባራዊ ተግባር ናይ በደዊን ኣብ ዓይኒ ሕልናና እንተስኢልናዮ፣ ኢድና ከነጣምር ወይ ብኣፍና ጥራይ ክንግዕር ዘይኮነስ፣ ንመሰረታዊ ፍታሕ ቃልስና ከነበርኽ እዩ ዝድርኽ።ንሕና ኤርትራውያን ስለምንታይ ኢና ስጋዕ ክንድዚ ንደሃል ወይ ናይ ነብስና ጥራሕ ንሓስብ። እቶም ኣብ ደገ ገንዘብ ናይ ኣስገርቲ ዝቕበሉን ዝድልሉን ኣካል ናይዚ ዝፍጸም ዘሎ ገበን’ ዶ ኣይኮኑን እዮም። ናይዚኦም ፍንጪ ሓበሬታ ናብ ዝምልከቶ ሕጋዊ ኣካል እንተ ኣረኪብና ምስዚ ዘሎ ቴክኖሎጂ ናብ ሕጊ ክቐርቡ ዘሸግር ኣይኮነን። ጾርካ ካባኻ ሓሊፍ ዝስከመልካ ዋላ ሓደ የለን። ሽግራትና ባዕልና ንፈልጦ። ጽዕነትና ኸኣ ንሕና ጥራሕ ኢና ንሕንገጦ።

ናይ ቀደም ዘመን ሸፋቱ ጸልማት ተጎልቢቦም ወይ ጽምዋ በረኻ መሪጾም “ትኽተር’ ዶ ትምተር” ኢሎም ብምፍርራሕ ገንዘብን ስልማትን ዘሚቶም ከምዝስወሩ ይትረኽ። ደም ንኸይተኽሉ ሂወት ሰብ ኣየጥፍኡን እዮም። ኣሸበሸብ መንነቶም እንተተለልዮም ኣብ መቕርቦም ሕነ ከይፍደ ብኣዝማዶም ተለሚኖም ዝራሰዩዎ ንብረት ኮነ ጥሪት ይመልሱ ምንባሮም ይዝንተው። ናይ ዘለናዮ መዋእል ሸፋቱ ግን ብጸሓይ ቀትሪ ካብ ማእከል ከተማ ሰባት ሓባቢሎም ብመካይን ናብ ርሑቕ ቦታ ጨውዮም ብምውሳድ ኣብ ገዛውቲ ዓጽዮም ብቴሌፎናት እንዳደወሉ ዓሰርተታት ኣሽሓት ዶላራት ዝእዝዙ፣ ሰባት ንመሸጣ ዘሰጋግሩ፣ ኣካላት ናይ ሰብ ጎዛዝዮም ኣብ ዕዳጋ ዘውርዱ ኣረሜን እዮም።

ድንቂ ተባሂሉ ዝተነግረሉ ዘመናዊ ዝርፍያ ገንዘብን ሃብትን ናይ ማፍያ ጊዚኡ ኣብቒዑ ሓሊፍ ነበረያ ነበረ ኮይኑ። ኣብ እግሩ ዝተተክእ ምስግጋር ዕጸ ፋርስ ዘፍ ናብ ዝብለሉ ደረጃ ምስ ተበጽሐ እነሆ መሰክሕ ንግዲ ውሽጣዊ ኣካላት ወዲ ሰብ ብዓመጽን ጭካነን ኣብ ኤርትራዊ መንእሰይ ዝፍጸመሉ መዋእል ተበጺሑ። ዓለም ፎእ ኢላ ንገበርቲ ህከይ ሃዲና ናብ ሕጊ ከተቕርብን እቲ ጉድ ብምቕላዕ ክቛረጽ ኩልና ነንፈልጦ ኣብ ክንዲ ነጋልጽ መብዛሕትና ቃንዛና ንውሽጢ እህህ ክንብል ጸኒሕና። ሎሚ እቲ ጉድ ባዕሉ ኣፍ ኣውጺኡ ካብ ጋህስታት ሲናይ ምስ ኣእወየ ጓሂና ገንፊሉ።

እቲ ኣብ ምስግጋር መንእሰያትና ቀንዲ ረባሒ ዝኾነ ስርዓት ህ.ግ.ደ.ፍ ገንዘቦምን ገንዘብ ኣብ ደገ ዘለው ቤተሰቦምን ጊሒጡ ኣብ መጨረሻ ንኣባይ የረክቦም ጥራይ ዘይኮነ፣ ኣሰሮም ንክጠፍእ ኣብ ሰብ ዘይርከቦ በረኻታት ይደፍኖም። እዚ ነውራም ውልቀመላኺ ስርዓት ጠንቂ ክስደዱ ዝቐሰበ ባዕሉ፣ ካብ ሃገር ዘስግሩ እሶም እቶም መኮንናቱ ብዘይ ፍተሻ መካይኖም፣ ምስ ራሻይዳ ኣብ ዶባት ተሻሪኾም ዝዓዩ ባዕሎም፣ ካብ መደብር ስደተኛታት ዘጭውዩ ንሶም፣ ኣብ በረኻታት ግብጺ ናይ ቋንቋ ተርጎምትን ገንዘብ ኣብ ደገ ተቐበልትን ብተዘዋዋሪ ዝለኣኹዎም በጋሚዶታት፣ ደቅኹም ስግረ ዶብ ከይዶም ኢሉ ንስድራቤት ኣብ ኤርትራ 50,000 ናቕፋ ዝቐጽዕን ዝኣስርን ባዕሉ ስርዓት ህ.ግ.ደ.ፍ እዩ።

ኢሳያስን ጉጅልኡን ሱር መሰረትና ከጥፍኡና ካብ ዝዕጠቑ ሓጺር ኣይገበሩን። እቲ ናይ ኣልማማ ስጉምቲ ብውሽጢ ሃገርን ደገን ኮይኑ ነቶም ብቐረባ ከረኻኽበልና ዝኽእል ብቐጥታ፣ ነቶም ከበጻጽሓልና ዘይክእል ከኣ ብተዘዋዋሪ ገንዘብና ዘቑቑ ብሞራል ከምዘይንትንስ ብምግባር ኣብ ስደት ተበሊልና ንክንሃሰሉ ለይትን ምዓልትን ይሰርሕ ኣሎ። ሎሚ ዋላ እቶም ኣለዎም ዝበሃሉ ሰብ ጸጋ’ውን ይኹኑ ቀሲኖም ንብረቶም ዘመሓድሩሉን ናይ ቤተሰብ ፍቕሪ ዘስተማቕሩሉ ባይታ ዝበሃል የለን። እዚ ቆንጠጠፈ ዝኾነ ስርዓት’ ዚ “በቲኣ እንተኸድካ ሰብኣይ ጓልካ፣ ናብቲኣ እንተበልካ ሰይቲ ወድኻ ትሞተካ” ብዝኾነ ኣገባብ ኣብ ሂወቶምን ንብረቶምን ስለዝመጾም ግዳይ ሓዳሪ ሕማም ኮይኖም። ኣብ ኤርትራ በዓል ስልጣን ይኹን ተራ ብመንፈስ ረጊኡ ዝነብር ሰብ የለን። ከምቲ ንናጽነት ንምምጻእ ኣብ ገዛ ከፈተ መስዋእቲ ዝተኸፍለ፣ ሕጂ’ ውን ኣብ መንገዲ ስደት ረዳኢ ዘይብሉ ዝጠፍእ ዘሎ መንእሰይና ዳርጋ ንነብስወከፍ ስድራ በጺሑዎ ኣሎ።

ወግሐ ጸብሐ ደድሕሪ ሳዕቤን ክንልህልህ ዝቀደመ ሓሊፍ ዝኸፍእ ክስዕብ ኣብ መወዳእታ ዘይብሉ ጸገም ተሸሚምና ብኣህጉራዊ ሕጊ ዘይቅየድ፣ ሰብኣዊ መሰል ዘየኽብር፣ ስነምግባር ዘይብሉ፣ ብዑሉላት ገበነኛታት ዝምራሕ ክንበርስ ጊዜ ምውሳድ ዘዋጽእ ስለዘይኮነ ኩልና ተሓባቢርና ነቲ ኣረመናዊ ስርዓት ንምእላይ ቃልስና ነሕይል። ነቶም ኣብ ደገ ዘለው ደለልትን ተቐበልትን ናይ’ዚ ጭፍራ ልኡኻት ኣብ ዘዘለውዎ ዓዲ ናብ ሕጊ ኣቕሪብና ንፋለሞም። እቶም ራሻይዳን በደዊንን ካብ ስራሕ ንብረት ኮንትሮባንዶ ሰጊሮም፣ ብጃንዳ ኢሳይስ ተተባቢዖምን ዓጢቖምን ኣብ መሸጣ ውሽጣዊ ኣካላት ወዲ ሰብ ተዋፊሮም ባርባራዊ ግፍዒ ኣብ ልዕሊ መንእሰያትና ዝፍጽሙ ዘለው፡ ኣብ ሱዳን ኮነ ግብጺ ናብ ሕጊ ዝቀርቡሉ ኣህጉራዊ ጸቕጢ ንኽግበር ኩልና ንለዓል። ንፈልጦ ንሓብር፣ መርትዖ ንኣክብ፣ ኩሉ ኣብ ኢድና እዩ ዘሎ። ድሕሪ ደጊም ዒቕ ኢልና እዩ ዝተረፈ የለን።

ጽንዓት ንህዝቢ ኤርትራ!

ኤልሳ ጭሩም

ኣካያዲት ሓልዮት ሰብኣዊ መሰላት ኤርትራ

ለንደን፡ ዓዲ እንግሊዝ

10 ሕዳር 2011

aseye.asena@gmail.com

Review overview
7 COMMENTS
  • Fanko November 10, 2011

    Radio ERENA has become one of the must-listen radio stations about Eritrea in a short period of time. I am glad Eritrean journalists are using all the good opportunities they got to spread the voices of freedom and liberty in free press.
    I am glad that Eritrea has such dedicated and hard working professional journalists.
    The only good that came out of Eritrea in the last ten years is the number of dedicated independent journalists. I am glad they are following the footsteps of Yohanes Joshua, Sium Tsehaye … many others.
    I want to thank Ato Yonathan Habte for the program he organized on Sunday, Nov 6, 2011 to remember and to pay tribute to the Eritrean victims in the Sinai desert in Egypt.
    The Sunday program is available in Erena’s archives.
    http://erena.org/

  • HGDEF November 11, 2011

    As long as you don’t tell the truth there will never be a solution. You are trying to tell the youth the Bedeuins are innocent do not blame them blame HGDEF. First of all it is you people telling these young people that “every place in the planet is better than Eritrea and go out save yourselves before being eaten by HGDEF”. If the border guard intercept them and arrest for illegaly trying to cross the border, you make it the biggest crime of the century. If some traffikers are caught you say “the pfdj has arrested innocent citizens”. If the parents were found responsible for arranging and facilitating to traffik their kids and arrested or pay for that you make it crime of the century. If EriTV reported the horrific side of the situation, you say “EriTV propaganda to scare people”, If Eritrean embassies express their rediness to receive the citizens in difficult situations and transport them home, you say “the Eritrean embassy in collaboration with….. is trying to forcefully deport citizens”. If some army officers found guilty of such illegal activities and get arrested, you say “pfdj has arrested colonel…. because he asked for democracy……..”

    And now you are trying to tell us all these crimes are coordinated by HGDEF. You could belive you?

  • Barentu November 11, 2011

    Radio Erena’s Nov 11, 2011 live transmission by Yonathan Habte regarding the Eritrean victims is very impressive and keenly followed through out the world and Eritrea. This is a thoughtful historical tribute and memorial paid while the Hgdef regime has denied the Eritrean victims.
    Visit http://www.erena.org , click Live
    This will be very successful to the Eritreans resisting inside Eritrea and outside.
    Thank you

  • Barentu November 11, 2011

    ስርዓት ህግደፍ ንህዝቢ ኤርትራን ንደገፍቱን ዘለዎ ንዕቀት ኣዝዩ ዝሕዝን እዩ። ኤርትራዊ ምኻነይ ካብ ዘሕፈረኒ ፍጻመ በረኻ ሲናይ ከይኣክል፥ እቲ ስርዓት ህግደፍ መሊሱ ንቑስለይ ዘራኽስ ዝሕዝን ዜናዊ ጸወታ እዩ።
    ኣብዚ ኣብ ታሕቲ ብዘሎ መስመር ከሊኩም (click) ቲቪ ኤረ ብኣምሓርኛ ዜና ኢላ ዝፈነወቶ ጉድ ረኣዩ።
    ኣብዚ ብማዕከናት ዜና ዓለም ዝተፈነወ ስቓይ ሞትን መከራን ኤርትራውያን፥ ናይ “ዘሕጋውያን ኣፍሪቃውያን መከራ” ኢላ ከይሓነኸት ኣቕሪባቶ። ነዚ ኣዝዩ ኣነዋሪ ኢሰብኣዊ ፕሮፓጋንዳ፤ ራድዮ ድምጺ ኣሰና ኣብ ገጻታ እንተትጥቅዖ ከመይ ግሩም ኔሩ፤ ምኽንያቱ ኣረሜንነት ናይዚ ስርዓት ስለዝግህድ። ብድሕሪ 6.30 ደቓይቕ ረኣይ:
    http://eastafro.com/Post/2011/11/08/video-eri-tv-amharic-news-november-8-2011/

    • Barentu November 11, 2011

      me’aremta: correction
      Read, after 6.03 minutes

  • Barentu November 11, 2011

    I was watching Tv-Er’s Amharic news Yesterday but I could not believe what the news reader was saying. It was about the current plight of Eritreans in the Sinai desert using the same video clips and documentary most of us saw this week. However, the “news” was talking about the victims as “Africans”. There was not a single mention of the word “Eritrea” it was all about “African” victims.
    Please follow the link below to read the news. It would be good if Radio Assenna can post this Tv-Er “news” in its front pages. Watch on 6.30 minutes.
    http://eastafro.com/Post/2011/11/08/video-eri-tv-amharic-news-november-8-2011/

  • Barentu November 13, 2011

    I was surprised to discover a newly published handbook on Eritrea in the internet. This is not a small book or as the author refers it “handbook” on Eritrea. It is a major book so far published as a handbook on Eritrean studies. It is of 422 pages, Africa in Focus series titled: Eritrea
    copyright 2011, by Mussie Tesfagiorgis G
    I was surprised because I have not seen any publicity or internet posting of this book, as you know I am often glued to the computer to read news and articles on Eritrea. If we can not know, how will the ordinary Eritrean know?
    Most of the discussion about Eritrea deals about current politics and the opposition, nothing on book reviews, history, culture, sport … are written or rarely discussed in Eritrean websites.
    Nothing is being written about book reviews, music reviews, educational reviews, cultural, historical reviews …
    Even historical issues such as Eritrean sport history in football, cycling, athletics, and architecture, medicine, farming … are ignored.
    The more we spend insulting each other, the more we lose the present moment that should have been used for better use.
    Congratulations to Mussie, job well done. I am glad ato Mussie Tesfagiorgis had used his precious time for good use.
    We all need to learn something from the likes of ato Mussie.

POST A COMMENT