ፍንጫሕ መሰንገለይ፡    2ይ ክፋል፡                            08-03-14፡

“ኣብ ድሮ ዝኽሪ በዓል ደቂ-ኣንስትዮ እዝን መሰሉን ምጽሓፍን ምዝራብንሲ ምስምንታይ ይቑጸር”? ዝብል ብድሆዶ መጺእኒ ሓቀይ? አእ፡ ዝነደየ ድኣ’ሞ እንታይከ ዘይሓስብን ዘይብልን? ካባይ ካብ ቃና ስዑራት የድሕንኩም ከሲረ  ………….     ብዝብል መሳገሪ ሃሳብ ኢና ተፈላሊና ቀኒና።

ሓቝፈያ ዝጸናሕኩ ጓለይ ድንገት ኣምሪራ ስለዝበኸየት ብኸመይ ከምዝእብዳ ሓርቢትኒ ምስኣ ክውጭጭ እናደለኹ ንበዓል ቲ-ቤተይ ደጋጊመ ብዓውታ ተዳሃኹዋ’ሞ እናኣቑረምረመት መጸኣ ቆልዓ ምስተቐበለትኒ ከምቲ ዝሓይሽ ገይራ ድሕሪ ምእባ ድ ኣብጎድነይ ተኾድጫ ንምንታይ ኣብ መንኩበይ ሰቒለ ዘይረረኹዋ እንዳገንሐትኒ ጡባ ወተፈትላ።

ዘንጊዐ ኢየ’ምበር ጓለይ ቀጸጽ ዝበሃል ቅርጸት ከብዲ ጠዋውይዋ ከምዝኸውንሲ ክግምት ነይርኒ። ደጋጊመ ተዓሊመ ካብዘየ ጽናዕኩግና ግድን ክመሳሰል ነይርኒ። ገለ ንምባል ድማ እንተ ብናይ ደፋር እንተ ብፈራህ ከይተፈለጠኒ ኣተዂረ ጠመትኩዋ።

ዳሕረወይቲ ሰብተይ ከምሽማ ብሓቂ ብሪ!  ቅርጡው ዝኣካላታ፡ ነቲ ኣብ ክልተ ገርዛም ክፋላት ዝተዳዕበለ ጸጉራ ብመሃረም ርእሲ ሸፊና ክሽነ-ክሽነ እዳሃገገት ኣብ ጐድነይ ምኹዳማ ኪኖኡ ዝምቅረኒ ብዘይምንባሩ ኣልቦ ተደናናዕኩ። እንታይ’ሞ ይኹ ን፡ ዋዕን ቅጥኒ ጠባይን ዘይትዕድልተይ ግዲኮይኑ ንተባዕታያዊ ተበግሶይ ስለዘምከኖ ብሒም ክብል ዝኽእል ኣይነበርኩን። እ ሞ ቀጺልና ሓደክልተ ምብህሃል ስለዘይንገድፍ ኩሉ ነገር ክተርፈኒ ነይርዎ። ቅድም’ውን’ኮ ልዕሊ በትሪ ዝከራተም ቃላት እን ተዘየውርደላ ካብ ክሽነ ኣይምመጸትንን።

ጓለይ ብዕንጋለን ሕቕፎን ወላዲታ ተነሲዓ ይመስገን ሽዑስ ክትፍሸኽ ጀመረት። ብሪ ድማ ኣብከብዳን ቱሽቱሻን እናተናኸፈት “ኪዱን ሓብቲ ኮኾብ፡ ኣቦኺ ንወዶም ኢዮም ዝፈትዉ ኢለሞም”……… እናበለት ክትጓጠ ኣብሃጋ። ማለታ እናተረዳእኩ ስለዘ ይመለስኩ ከኣ ፍጹም ነብሰይ ኣይከናግፋን ኢየ። ዳግማይ ቆልዓይ ኣሕቝፋትኒ ድማ ከደት።

“………..ኣቦኺ ንኮኾብ ኢዮም ዝፈትዉ ኢለሞም”። ነገር እንተዘይተጻዊርካዮ ነገር’ዩ ዝወልድ። ቅድሚ ሳልስቲ ነቲ ኣብ መንደ ቕ ዝነበረ ናይ ቤሎ ስእሊ ቀዳማይ መርዓና ኣውሪዳ ናታ ብምስቃላ ዝተሰማኣኒ ሓዘን መዳርግቲ ኣይነበሮን። ዳግማይ ብናይ ደቀይ ሌላን ጉሌላን ኣሽሙር ክትወቕሰኒ ጸኒሓ። ንሳ ብገርሃ እንተነይራ ንዓይ ግና ኩሉ ነገራት ናብ ካልእ ኣንፈት ኣንፈጸኒ።

“ኮኾብ ወደይ ደጊምስ ጎቢዙ ኢዩ። ካብ ዝስደድ’ዃ ድሮ ኣርባዕተ ዓመቱ ኮይኑ” ኢሉ ጀመረኒ። ሒማይ ‘ኮኾብ’ ኢላ ምሕራ  ያስ ምርጫ ስም ጥራይዶ ይነብር? ኮኾብ ጽባሕ፡ ኮኾብ ሰሜንዶ ኮኾብ ድራር ነበረ ምርጫኣ?  ወደይ ዘሚታትኒኸ ናበየናይ ኣንፈት’ዛ ዓለም ተሸርበት? ንሱ ከይኣክል ድማ ወያ ካልኣይቲ ንጓለይ “ኪዳን” ኢላ ምስማያ እንታይ ማለታ ኢዩ? “ኪዳን ኣፍ ሪስና” ድዩ ኪዳን ሰሪትና? ክብል ምሒር ተረበጽኩ። ተርባጸይ ግና ተራ ናጤባ ኣይነበረን። እንተደለኹም ብምስሊ ሓድሽ ኪ ዳን ዝህቦ ትርጉም ይሳነ እንተኾይኑ “ኦሪት” ኢልኩም ልሓጹኒ’ምበር ከምኣረዳድኣይ ባህሪያዊ ፍቕሪ ምስ ድንግልና ጥራይ ከ ምትጸንዕ ኮይኑ ስለዝስማዓኒ ናይ እምነተይ ግዳይ ከምዝኾንኩ ምንም ዘጠራጥር ኣይነበሮን። እሞ “ክልተ ሓያማት ሓድሽ ኪ ዳን ክንሰርሕ ንኽእል ዲና ወይስ ከምእንደነገሩ ተለማዲ ኮይኑ? እዛ ናይ ሕጂ ኣብ ሓደ ብሑት መጻብቦ ምስ ሒማኣ ወዝቢ ጎፈጎፍ እንተትራኽብሲ እንታይ ምተሰምዖም? ኣነኸ ምስቀዳመይተይ ኣብ ከምኡ እንተንራኸብ ከመይ”? ክብል መንፈሰይ ረ በሽኩዎ። ንከምእኒ ኪዳን፡ ዳናይት….. ዝኣመሰልወን ኣስማት ቆልዑ ከኣ መናገድያ ኣምስሉ መጸውዒ ጸብጺበ ምሒር ጸላእኩ ወን። ነገር መናገድያ ካብ ኣልዓልኩ ድማ ረኽቢ ቀዳመይተይ ፍጹም ኣይክርስዖን ኢየ።

እዋኑ ብርግጽ ካብምትራኹ ይትረፍኩም፡ ኣነ ከኣ ካብ ስራሕ መንግስቲ ደስኪለ ዓዲ-ውዕል ምስኮንኩ ነቲ ናብራይ ዝኾኖ ዝነበረ ኣጸቢቐ ከስተብህለሉ ከኣልኩ። ኣጀማምራኡ ከምዋዛ ዝመሰለኒ ምሕዝነት ሒማይን ረኸብታን ኣብ ናይ’ታ ዓመት በ ዓል ሸሞንተ መጋቢት ተጋህደለይ። ሽዑ ናብቲ ኣኼባ ዓርከይ ኢዩ ለኪምኒ ዝኸደ። ኣብቲ መዓልቲ ከምገባሪትን ሓዳጊትን ትመስል ትነሳነስ ንዝነበረት ቀንዲ ተዋሳኢት እኽልቲ ሰበይቲ ብዙሓት ኣብ ኣእዛና ሕሹኽ ክብላኣ ኣምዕድየ እርኢ ነበርኩ። ዓርከይ ድማ “ትፈልጣዶ” ክብል ተወከሰኒ። ኣይተሓወሰትንን። ጸኒሑ’ውን “ቁሩብ ኣይትዝክራን” ደገመኒ። ዋላኸ…….

ምእንቲ ነብሱ እቲ ኣቐዲሙ ኩለን ንሳ ጥራይ መሲለን ዝራኣያኦ ዝነበራ ኣዒንተይ ካብዘዋድቖ ዓመታቱ ኣቑጺሩ ስለዝገበረ እንታይ ኢለኸ ሓሲበዮ። ብናይማዕዶ ቆላሕታ ብኣከዳድናኣን ኩሉነገራታን ፍጹም ጓና ዝኾነትኒ ሰበይቲ ሓጠቕታኣ’ኳ ነይገ ደፈትለይ። ሽዑ ንሱ ምህማለይ ግዲ ደኒቕዎ ‘ቲዝኾኖ ክርኢ ከምዘብሃጎ ድፍረት ኣኻኺቡ መንነታ ደርዂሑለይ ኣዘመ።

ንእለታ ልበይ ፍግእ፡ መንፈሰይ ድንቁር! ባቃ። ትም መረጽኩ። ዓርከይ ድማ ክነፍሰለይ ኢሉ ግዲ ኣጽቂጡ ብምጽናሕ ንርእ ሱ’ውን ስለዝፈኾሶ፡ ዝኾነ ነገር ከውጋዓኒ ጀመረ።

“ዓርከይ” ክብል እንከለኹ መቸም ክሳብ ሎሚ ዘየብራህኩዋ ነገር ኣላትኒ። ግዚኡ ምስኣኸለ ዘይግለጽ ስለዘየለ ሓቂ ንምዝራ ብ ንሱ ኪኖ ምሕዝነት፡ ኣብ መርዓና ዝዋዓለ፡ ዝመሓለ ሓቀኛ ባህላዊ ዓርኪ ርእስና ኢዩ። ንክልቴና ማዕረ ስለዝብጻሓና ድ ማ ዕንወት ሓዳርና ከይከውን ኩሉ ዝካኣሎ ከምዝገበረ ኣጸቢቐ እፈልጥ። ኩሉ ክገብሮ ዝኽእል ገይሩ ማይሓቒኑ ምስተረፈ ድሕሪ ውግዓዊ ፍትሕ ምስእንዳሓሞይ ዝነበሮ ሕውነት ከይተረፈ ከምዝተደረተ’ዃ እንተፈለጥኩ ቀንዲ ጠንቂ’ቲ ፍትሕሲ እ ቲ ሽዑ ዝራአኹዎ ትራጀዲ ሽሞንተ መጋቢት ከምዝነበረ ተዓዚበ ክበትኽ ሓለንኩ። ቅድሚ ክልተ ዓመት ረጊሓትኒ ዝኸደት መርዓተይ ነበር ለካ ዱልዱል ትሕዞ ስለዝኣመነት ሽዑ ድሮ ካልእ ፍጥረት፡ ካልእ ደርቢ ስለትመስል በየናይ መሳልል ተራኺ ብና ከምዝነበርና ዓጃይብ ከይኮነኒ ኣይተረፈን። ምናልባሽ ተጋዳላይ ምንባረይ ዶኾን ተፈትየ ነይረ? ድሕሪ’ቲ ሽዑ መቸም ዳግማይ ዘራኽበና ነገር ስለዘይህሉ ጭራሽ ቅብጸት ኮይኑ ልበይ ከምትደርቕ እናመሰለትኒ ወጻእና።

ዕድመ ንሸሞንተ መጋቢት!

ጎደፋ፡