18 ባሕረኛታት ኤርትራ፣ ንምልካዊ ስርዓት ኢሳይያስ ራሕሪሖም ብሓንቲ ጃልባ የመን ድሕሪ ምስጋር ኣብ’ታ ሃገር ፖለቲካዊ ዑቕባ ከምዝሓተቱ ምንጭታት ኣሰና ሓቢሮም።

ኣባላት ሓይሊ ባሕሪ ኤርትራ፣ በኸምዚ ዝኣመሰለ ጥርኑፍ ኣገባብ ናብ የመን ኮነ ስዑዲ ዓረብ ኢዶም ክህቡ ሎሚ ናይ መጀመርያ ኣይኮነን።

ብዘይካ ‘ቶም በብወርሑ መሳርዕ ሓይልታት ምክልኻል ራሕሪሖም ናብ ሱዳንን ኢትዮጵያን ዘምልጡ ዘለዉ ኣባላት ሓይሊ ምድሪ ኤርትራ፣ ኣባላት ሓይሊ ኣየር ይኹን ሓይሊ ባሕሪ ነቲ ምልካዊ ስርዓት ብቐጻሊ ረሕሪሖሞ ይኸዱ ምህላዎም፣ እቲ ስርዓት ካብ መጠን ንላዕሊ ተኣማንነት ስኢኑ ተጸይኑ ከምዘሎ ዘመልክት እዩ።

እቲ ምልካዊ ስርዓት ብኹሉ ተፈንፊኑ ምህላዉ ኣውንታዊ ኳ እንተኾነ፣ ብሰንኪ ‘ቲ ዓማጺ ስርዓት ሞያዊ ዓቕሚ ሰብ ኤርትራ ተዘቝቑ ናብ ስደት ይበታተን ምህላዉ ግን ንሃገርና ዓቢ ክሳራ እዩ። እዚ ድማ ዕድመ ስልጣን ምልካዊ ስርዓት ኢሳይያስ ብዝነውሐ መጠን ዕንወት ሃገርና ኤርትራ ዝብኣሰ ከምዝኸይድ ዘምልክት እዩ።