Visit the new AsenaTv Website

https://asenatv.com

ካላእ፣ የሃልዎ

ካላእ፣ የሃልዎ   በሓቂ ፣ዲየ ኣለኹ  ካላእ የሃልዎ። ናጽነት ክዝመት እንዳ ራአኽዎ፣ ባርነት  ጠጥዑ  ዘይተጸብኽዎ፣ ህዝብና  ክነብዕ  ውሉዱ  ዘክሩ። ኣውያቱ  በዓውታ ከስምዕ ኣምርሩ፣ ዝፈትው   ገንሸል  ትማሊ ከፍሉ፣ እንታይ፣  የዓብስ፣ ቅያ፣ ትማሊ፣  እንተተዘክሩ፣ ኣሎንዶቲ   ቁስሊ  መዓስ  ከ  ቀምሩሩ፣   ትማሊ  እንዳ  በልካ  ኣብ  ትማሊ  ምምባር፣ ከምኡ

ካላእ፣ የሃልዎ

 

በሓቂ ፣ዲየ ኣለኹ  ካላእ የሃልዎ።

ናጽነት ክዝመት እንዳ ራአኽዎ፣

ባርነት  ጠጥዑ  ዘይተጸብኽዎ፣

ህዝብና  ክነብዕ  ውሉዱ  ዘክሩ።

ኣውያቱ  በዓውታ ከስምዕ ኣምርሩ፣

ዝፈትው   ገንሸል  ትማሊ ከፍሉ፣

እንታይ፣  የዓብስ፣ ቅያ፣ ትማሊ፣  እንተተዘክሩ፣

ኣሎንዶቲ   ቁስሊ  መዓስ  ከ  ቀምሩሩ፣

 

ትማሊ  እንዳ  በልካ  ኣብ  ትማሊ  ምምባር፣

ከምኡ  ኣይ  ነበረን  ክምከት  ግንባር፣

ዋጋ  ኢዩ  ሓትቱ  ናጽነት  ምትግባር፣

ሎሚ   ክግለጹ  ቀለልቲ   ይመስሉ፣

ገለ  ሰብ  ክገልጾም  ንገድሊ  ኣቃሊሉ፣

ገለ  ድማ  ይጸዊ  ንታርኽ  ሸንክሩ፣

 

እምበር!  እንታይ ኣሎ   ኣብኡ  ዘይ ተገብረ፣

ክዝክሮ  ከለኹ  ይነብዕ  ኣምሪረ፣

ነየነይ  ክገልጽ  ንመኖም  ሓድገ፣

ኣብሎ  ሓለንጋይ  እንኮላይ፣ ታ፣ ሸገ፣

ጻዕዳ  ዝልቦም  ኣበር  ዘይ  ርከቦም፣

ናጽነት  እንዳበሉ  መስዋእቲ  ዘርከቦም፣

ሓደራ  እንዳ  በሉ  ክሳብ  መጨረሽታ  ሳዓት፣

ፈልጦሞም ፣ነይሮም  ነዞም  ናይ ሕጂ  ከዳዓት፣

 

ስዋአት  እንዳበልካ  ብሽሞም  ምሽቃጥ፣

ተመን  በኣካልካ  ብመልሓስካ ምሽሓጥ፣

ብግደታ  እዝኒ  ሰብ  መውጣጥ፣

ጸላም  ተጉልብብካ ርእሲ፣ ሰብ  ምቅጥቅጥቃጥ፣

ናጽነት እንዳ  በልና  ባርነት ጠጥዑ፣

ደም  ሰብ  ዝሰትዩ  ስጋ  ሰብ ዝበልዑ፣

መካነ  መቃብር  ገሃንበ   እሳት ፣

ደምሔት  ውሕድዎም  ወስኾም  ኢሳት፣

 

እምበር!  ፈንቅል  ዳአ ማዓስ  መጀመርታ ፣

ከም ክሎም  ወራራት   ኢያ  እታመኸታ፣

ባሕሪ  ምኻና  ግን እታ  ፍልይቲ ናታ።

ባሕረኛን ኣጋርን  ብናይ  ሓንቲ  ቅምታ፣

ስጋለት  ተሰግራ ጥዋለት ዕዳጋ፣

ውሽጢ  ባጽዕ  ኣትዮም  ደቀባት  ውልዳ፣

ቡምባታት  ዘንቡ  ከምዛ  ሓያል  ኣይሂ፣

እዝንና  ጸምሙ   ዓይንና ኣይሪኢ፣

ኩሉ  ተፈትኑ  ጎሮሮ ንምድሓን፣

ናብ  ባጽዕ  ኣቅንዖም  ዝፈረስ  ምጽጋን፣

 

ሓርበኛ  ግን ኣጽፋሩ  ተኽሉ ፣

ኣስናኑ ነኽሱ  ኣዕንቱ ተኩሩ፣

ግንዳዕ ኣቋምቱ  ንዓቀብ ተግሩ፣

ካብ የማን  ንጸጋም  በሓደ  ሰምሩ፣

ግዜ  ኣይ ነብሮን ኣካሉ  ከዛኑ፣

ከም  ንፋስ ክሕምበብ  ብረቱ  መዝ

ሰብ  ኣይ መስለካን  ትንፋስ  ዝሰኾዔ

ቆራስ ዘይ ጠዓመ  ገለ  ዘይ በልዔ

ስለዚ፡ መዓስሓጥያት ኮይኑ  ነዝኡም   ምዝካርና

ተመልስና ዘይ  ንረኽቦም  ጀጋኑ  ከፍልና

ከምዚ ሕጂ  ከዳዓት  እንከይ  ጠለሞና

ኣብ  ሕቆና ኢዩ ዘሎ  ዕዳ  ስዋአትና

ሕድሮም  ንምትግባር  ተበግስና ኣለና

ብግስ  እሞ  ንበል በሓደ  ሓብርና

ሓደ  ቃል ንኹን ዓይብና  ንእሽቶና

ሓርነት  ንዘምር  ሰብአይና  ሰበይትና

ስዋአት  ክቐስኑ ከዕርፍ  ህዝብና

ስደትና  ከብቅዕ  ክንምለስ ዓድና

ሃገርና  ክንሃንጽ  ቅላጽምና  ኣሕብርና።

 

ብሃብተማርያም ሃይለ 

aseye.asena@gmail.com

Review overview
1 COMMENT
  • VANITY RULES February 16, 2015

    It is an open secret that Eritrean riches were stolen by amharas & tegarus during the dergi & weyane era.people struggled against this oppression.still Isaias is transferring his accounts to tigray & swiss bank and feeding oromo and tpdm tegadeltis while real eritreans are suffering ,while real eritreans like haile weldetinsae/Dirue and colonel Uqbe are in prison isaias and his tigrean clicks are sharing our money among themselves…the tegadalai was very patient with isaias and his puppets believing after independence they will change themselves but it did not happen ,they are agents of cia and tigrai tigrinyi.that does not cancel our heros sacrifice against our riches being looted by ethiopians.

POST A COMMENT