ኣብ ንኡስ ዞባ ኣፍዓበት፡ ኣድያብ ኣብ ዝብሃል ቦታ ዝዕለሙ ዝነበሩ እሱራት ትማሊ ሓሙስ 10 ግንቦት  ሰዓት 2:30 ድሕሪ ቀትሪ፡ ማዕጾ ካንሸሎ ሰይሮም፡ ነቶም ዝሕልዉዎም ዝነበሩ ካብቲ ከባቢ ተወዲቦም ዝዓጠቑ ኣባላት ህዝባዊ ሰራዊት ብኣእማን ሃሪሞም ድሕሪ ምህዳሞም፡ ብ መራሒ ሓይሊ ወዲ ሳበ ዝምርሑ ናይ ክፍለሰራዊት 61 ኣባላት ብዝተዋህቦም ትእዛዝ መሰረት ቶኽሲ ከፊቶም ንሓደ ካብቶም ዝሃድሙ ዝነበሩ እሱራት ቀቲሎሞ።

እቲ ብሓለዋ ብዝተተኮሰሎም ጠያይቲ ዝተቐትለ እሱር፡  ብ 2003 ኣብ ቤትማእሰርቲ ደንጎሎ ንኡስ ዞባ ጊንዳዕ ተኣሲሩ ዝነበረ `ሞ ናብቲ እሱራት ዝዕለሙሉ ኣድያብ ዝተሰጋገረ፡ ዑመር ዑስማን ዝተባህለ ኣባል ሃገራዊ ኣገልግሎት እዩ።

ሬሳ ናይቲ ዝተቐተለ መንእሰይ ናብ ሕክምና ናይቲ መደበር ታዕሊም መጺኡ ምስ ተመርመረ፡ ሓፈሻዊ ኦርኒኩ ዝፈተሸ ባርካይ ዝተባህለ ፐርሰናል ናይቲ ሕክምና፡ መንነት ግዳይ ዑመር ዑስማን ምዃኑ ኣጻረየ፡ ኣብቲ ቦታ ዝነበሩ ደቂ ገዛውቱ ፈለጥቱን ከኣ ብሞት ዑመር ዑስማን ብኡንብኡ ኣብ ከቢድ ሓዘን ጥሒሎም።

ሓደ ካብቶም ናብቶም እሱራት ዝተኮሱ ኣባላት ክፍለሰራዊት 61 ሳልሕ ዑስማን ዝተባህለ ሓዉ ወዲ ኣቡኡ ወዲ ኣዲኡ ነቲ መዋታይ ከኣ ኣብ ቅትለት ሓው ምስታፉ ምስ ተረድአ ኣዝዩ ስለዝጓሃየን ስለዝነደረን ድማ ብረቱ ኣልዒሉ  ን 6 ኣባላት ሓለዋ ናይቲ ኣብ ኣድያብ ዝርከብ ናይ እሱራት መዐለሚ ቀቲሉ ርእሰ ቅትለት ፈጺሙ።

ክቡራት ሰማዕትና፡ ነቶም ብዘይንቡር ኣጋጣሚ ካብ ሓንቲ ገዛ ግዳይ ዝኾኑ ዑመር ዑስማንን ሳልሕ ዑስማንን ከምኡ `ውን ኣምሳያ ናይቲ ዋና ጠንቂ ናይዚ ኩሉ ማእሰርትን ዕግርግርን ኮይኖም ኣብቲ ዕግርግር ህይወቶም ንዝሰኣኑ ኤርትራውያን መንግስተ ሰማያት የዋርሶም።

ነቶም ነዚ እዋናዊ ሓበሬታ ብምራይ ኣብ ግዚኡ ዝለኣኹልና ግዱሳት ምንጭታት ኣሰና ብስም ተኸታተልትና እናመስገና፡ ኣብ ዝተፈላለየ ኩርናዓት ኤርትራ፡ ኣብ ሰራዊትን መደበራት ታዕሊምን ኣብያተ ማእሰርትን ካልእ ቦታታትን እትነጥፉ ኤርትራውያን ኣገዳሲ ዝበልኩሞ ሓበሬታ ናብ ድምጺ ኣሰና ክትልእኹልና ነዘኻኽረኩም።

ኢመይልና aseye.asena@gmail.com ክኸውን ከሎ፡ Viber, whattsapp, imo, messenger, ኮነ ካልእ ኣገባባት መራኸቢ ጌርኩም ክትረኽቡና ከማትኽእሉ ከኣ ንሕብረኩም።
Subscribe ASSENNA YouTube to get Radio Assenna shows on time: