ኣባላት ኢጋድ ዝኾና ሃገራት ቀርንን ምብራቕን ኣፍሪቃ፡ ነቲ ኤርትራ ናብ ኢጋድ ክትምለስ ዘቕረበቶ፡ ፈለማ፡ “ተቐቢለናኦ” ተባሂሉ ተመሓላሊፉ ዝነበረ ዜና ብምእራም፡ “ ገና ይሓስባሉ” ከምዘለዋ ምጥቃሰን፡ ቢቢሲ ሓቢሩ።

ጸሓፊ ኢጋድ ማሕቡብ ሙዓሊም ፡ “ እቲ ኣባልነት ኤርትራ ናብ ኢጋድ ናይ ምምላስ መስርሕ ኣብ ናይ መጀመርያ መድረኹ ‘ዩ ዘሎ” ከምዝበለ ቢቢሲ ብተወሳኺ የረድእ።

ጸሓፊ ኢጋድ፡ Focus on Africa ምስ ዝተባህለ መደብ ቢቢሲ ኣብ ዝሃቦ መብርሂ፡ ኣብዚ እዋን’ዚ ኢጋድ ብኣቦ ወንበርነት እታ ቀንዲ ጸላኢት ስርዓት ህግደፍ ዝኾነት ኢትዮጵያ ይምራሕ ከምዘሎ ብምጥቃስ፡ እቲ ኣብ ልዕሊ እቲ ስርዓት ተመስሪቱ ዘሎ ክሲ ‘ውን ኣዝዩ ዕቱብ ብምዃኑ ኣብቲ ውሳኔ ኣብ ግምት ከምዝኣቱ ኣገንዚቡ።

ስርዓት ህግደፍ ኣብ 2007 ብወለንታኡ ካብ ኢጋድ ኣባልነት ከምዝሰሓበ ይፍለጥ።